ياحنتي حنت خلوج تحني

[((الدلبحي))]

الشاعر حمدان بن عامر الطيري يسند على الشاعر صحن بن قويعان المطيري هذه الابيات :
ياحنتي حنت خلوجن تحني
على ولدها مات والراعي اخفاه
القلب من حب الحبيب يوني
يوم اعجبه في زين زوله وممشاه
زوله مليح وبلكفوف امتحني
يابومحمد ليتني من دناياه
اونست قلبي ممرض وامتعني
مثل المريض اللي على ربه اشفاه
رد الشاعر صحن يقول :
الحب ابوعامر شكاه وجهلني
يامن يعاوني على حل شكواه
مهن فلوس لمها يدفعني
ولايقبلون الجاه وانخا هل الجاه
وبلشت من كثر الشكاوي يجني
فهد مبلشني وحمدان باراه
ياهل الهوى كفو شكاويه عني
جوزو من اللي جربه ثم خلاه
لولاه ماشفت الركب يوجعني
من كثر ماحول من الرجم وارقاه
اما لحقت اضعونهم واتعبني
والا لحقت الزمل في راس مفلاه
يوم كلٍ بالمنام امتهني
كم ليلة جاوبت سرحان بعواه
واليوم انا عفته وهو عاف مني
راح الهوى واللي يعفون معناه
صار الهوى هالوقت كذب وتمني
من ذاق لذات اوله مابغا اتلاه
وسلامتكم

[وصل العطياني؟؟؟]

مشكور أخوي...
إختيارك موفق..



تحياااااتي.

[مطلق الشيباني]

انا قاااايل من طول الغيبات جاب الغنايم

اول شيء كل عام وانت بخير ومن العايدين

وتسلم جزله من راس جزل ياولد روق

تقبل تحياااااات ابن عمك :- مطلق الشيباني .................

[متعب العضياني]

تسلم مليووووووووووووو والله يعطيك العافيه

[((الدلبحي))]

الاخ متعب والاخ وصل اشكركم على المرور والتعليق على القصيده

الاخ العزيز مطلق الشيباني
يعطيك العافيه
وهذا من طيبك
الجميع تقبلوا تحياتي

[الحر الأشقر]

لا هنت يا أخوي الدلبحي وبيض الله وجهك واختيار موفق
ولا تبخل علينا بالجديد
أخوك الحر الأشقر

[ابو وعيل]

تسلم مليووون اختيار رائع،،،،،

تحياتي

[((الدلبحي))]

اخوي الحر الاشقر
حياك اخوي وشاكرين لك
على الكلام الطيب
وابشر بسعد انشاء الله
ابووعيل
تسلم يالطيب
واتمنى ان اكون عند حسن ظن الجميع
تقبلوا تحياتي

[طلال الثعلي]

الدلبحي

شكرا على النقل الطيب


تحياتي...

[((الدلبحي))]

مرحبا اخوي طلال
شاكرين مرورك الكريم