ابن جبري...الرجاء الدخول وابداء الرأي

[/عبد العزيز الجذع/]

السلام عليكم ورحمة الله وبركاته

اللي اعرفه يا اخوان ان ابن جبري نفيعي..

شفناه يرسل بطاقات دعم ارسل حوالي اربعين بطاقة , وكلها بطاقة عشر الاف صوت.

والشي الغريب ان ابن جبري يدعم المنصوري ببطاقتين ثم يدعم الهذلي بعشر بطاقات وهكذا.

يعني دعم الهذلي بحوالي اكثر من ثلاث مئة الف صوت في اقل من ساعة ودعم المنصوري بحوالي خمسين الف صوت.

طيب هو كيف يترك ولد عمه ويدعم الهذلي؟؟


انا الحين منلحس من هذا الموضوع..!

ابن جبري هل هو عتيبي ؟؟

[عبدالله العمى]

ابن جبري النفيعي ماهو هو اللي يدعم

الي يصوت ابن جبري لكنه ليس عتيبي

[حسن الهذلي]

لا يا اخوان ابن جبري هذيل

هو الشيخ توفيق بن بريك بن امبارك بن جبري السويهري


(بن جبري)



شقيق الشيخ بركات السويهري

[Man من العتبان]

لا يا عبدالعزيز اكيد انه اسم على اسم ماهو الجبري النفيعي

[/عبد العزيز الجذع/]

ايه بس اللي خمني انه مرة يصوت للمنصوري وعشر مرات للهذلي؟؟؟

[ذيب النفود]

شكراً على الموضوع

والتعليق موجود في موضوع (إلى كل من يهمه أمر عتيبة)

[عبدالمجيد النفيعي]

بيض الله وجهه على دعمه لبن عمه ولولدنا

[/عبد العزيز الجذع/]

ايه بس مهوب داعم كذا...!

فيه شي ..

[حسن الهذلي]

الشيخ توفيق من شيوخ هذيل


وحب يرد الجميل لعتيبه


اللي وقفه مع هذيل


مع الفارس صالح الهذلي فارس الصحراء

[/عبد العزيز الجذع/]

بيض الله وجهه.

وبيض الله وجهك يا حسن على الايضاح.

[عادل السلطان]

السلام عليكم ،،

أخوي عبدالعزيز ،،

أنا لي فتره منقطع لظروف عن المنتدى ومن يوم شفت

موضوعك قلت لازم أرد علشان أوضّح موقف الشيخ توفيق ،،

توفيق بن بريك بن مبارك بن برّاك بن جبري السويهري

وأنا لي علاقه في شقيقه المعلّم عبدالله ، وهو بنفس الوقت

شقيق شيخ السواهره بركات ،، والرّجال دعم سلطان المنصوري

ببطاقتين بأوّل شي وكلّها تقدير لـ صلة النسب والقرابه والجيره

التي تجمعه مع قبيلة عتيبه وجيرانه بنفس الوقت ..

وهو ربي منعم عليه عنده معرض سيارات ومحل دعايه " نيون "

مشهور بمكه ،، والله يكثر خيره وماقصّر ووجهه أبيض

أخوك / عادل العالي

[ثامر بن سفر العتيبي]

ياجماعة حصل خطأ من ساحة النصب وبعدين عدلوا الغلط والبطاقات
لحامد

[ابن عـــميــش]

ماقصر ابو يزيد صوت للمنصوري كما ذكر اخينا حسن ردا للجميل
اثناء وقفة عتيبه معهم في برنامج شاعر الصحراء فلاننسى انهم
جيران لنا وبيننا وبينهم نسب كبير .. 1000مبروك لسلطان المركز
الثاني حسب التصويت والمركز الاول حسب نتيجة اللجنه ولاانسى
ان ابارك لـحامد الهذلي المركز الثالث .. وتقبلوا تحياتي

[ابو بدر الروقي]

بيض الله وجهه على دعمه لبن عمه ولولدنا ماقصر والله وان شاء الله نرد الجميل لهم

[عبد الله@العتيبي@@]

انا اقولك ليه يصوت للمنصوري لان المنصوري شا عر حقيقي ويستاهل التصويت من عتيبه وغيرها ولله لا يهينه ولا يهين الي صوتو من عتيبه ومن غيرها ولا ننسا عيال سرور الزايدي كفو وفو

[ابراهيم الزراقي]

والله اضنه هذلي وتبرعه لسلطان يدل على طيبه وكرمه

[/عبد العزيز الجذع/]

السلام عليكم ،،

أخوي عبدالعزيز ،،

أنا لي فتره منقطع لظروف عن المنتدى ومن يوم شفت

موضوعك قلت لازم أرد علشان أوضّح موقف الشيخ توفيق ،،

توفيق بن بريك بن مبارك بن برّاك بن جبري السويهري

وأنا لي علاقه في شقيقه المعلّم عبدالله ، وهو بنفس الوقت

شقيق شيخ السواهره بركات ،، والرّجال دعم سلطان المنصوري

ببطاقتين بأوّل شي وكلّها تقدير لـ صلة النسب والقرابه والجيره

التي تجمعه مع قبيلة عتيبه وجيرانه بنفس الوقت ..

وهو ربي منعم عليه عنده معرض سيارات ومحل دعايه " نيون "

مشهور بمكه ،، والله يكثر خيره وماقصّر ووجهه أبيض

أخوك / عادل العالي



الف شكر يا عادل.

تحياتي.

[/عبد العزيز الجذع/]

خلاص الموضوع انتهى.

[الصقر البعيد]

يااخوان اسمحلوا ان اوضح لكم الامر
توفيق بن براك الهذلي صح صوت لسلطان المنصوري ببطاقتين تقدير لسلطان وحسب الرحم اللي بينهم
ولاننسى وليد العتيبي الذي كان صديق لفارس الصحراء صالح دخيل الله المطرفي الهذلي وكانو اصدقاء طيلت ثلاثة اشهر في وادي رم الاردني كل هذه العوامل يجب ان تتقدر من اي انسان عنده اخوه
وانا اقول بيض الله وجه توفيق الهذلي وبيض الله وجه سلطان المنصوري وبيض الله وجه حامد الهذلي وبيض الله وجه كل الشعار
ومبروك ياسلطان المنصوري ومبروك ياحامد الهذلي كلهم شعار واصحاب اخلاق عالية
ولاننسى نقول بيض الله وجه كل هذلي وعتيبي صوت

تحياتي للجميع

[أبو مرحبا]

لا يا اخوان ابن جبري هذيل

هو الشيخ توفيق بن بريك بن امبارك بن جبري السويهري


(بن جبري)



شقيق الشيخ بركات السويهري




بيض الله وجيهكم ياهذيل

لاهنت على التوضيح يااخ حسن

[رمح برقاا]

يا عبدالله الجذع اولا الهذلي يستاهل الدعم من عتيبه او غير عتيبه لأنه شاعر جزززل وشاعر بطل
اما الدعم اللي حصل من الشيخ حقهم ابن جبري الرجال شاف ان عتيبه وشاعرهاا تستاهل الدعم والوقووف معهاا وبيض الله وجهه على دعمه الغير مستغررب

وسلطان الثبيتي يستاهل الدعم والقارحي يستاهل الدعم