المساعد الشخصي الرقمي

مشاهدة النسخة كاملة : تبي تعرف لغة اهل الرياض تعال هنا


فهد النفيعي
28-Jul-2008, 04:53 PM
كيف تتعلم لغة اهل الرياض لغير الناطقين بها


تسذا ... المعنى واضح يعني كذا ولازم تقولها وانت ماد براطمك لتحت

فيذا .... يعني فيذا . هنا . " حط العشا فيذا " يعني هنا

مير .... والله الورطه وش معناها ذي



غديه او غديها .... يعني كوده او كودها ... (( يعني بيفهمون الثانيه ))
,,,,,,,,, مثل ما يقول الابو لولده التسبر " رح ادرس كود اخوانك يغارون منك
ويذاكرون " او رح ادرس غديك تنجح باتسر وتطلع دختور ...

صزز ..... يعني صدق والا صززيه يعني صدقيه

زلابه ,,,,, يعني رخمه مالها معنى ثاني



دلخ ,,,,, انظر اعلاه



هزع ... او تهزع يعني تطمن والا تنزل ,,, اللي تبي

منهو .... من هو وانتهينا

اشبك البلا فشكلك ..... مهيب تبعنا هذي حقت الحجاز



مهيب والا مهوب ... بالعربي ( ليس ) مثل " هذا التفتر مهوب لك هذا



هق! وتي .... يعني ( اظن ) مثل " هقوتي انه فيذا "

توحي ..... تسمع ,,, اذا جيته تسلم على شايبن من شيابكم تهزع على راسه وتقوله
مساك الله بالخير بيقول لك وشوووو ,, بتقول له انت توحي (( في وسط اذنه على
يسمعك ) وبيقول لك من انت ولده ... الخ "


جغمه ,,,, يعني جغمه !

بصرك ,,,, يعني بكيفك .... تقول لواحد تعال معنا ... ويقول لك لا منيب جاي ,,
ترد عليه "بصرك "

بعدي ...... مهوب بعدي يعني بعدي بس بعدي ....
يعني مثلا يقول الابو لولده ,,, يعدي ابوي بس مدري وشلون تنشرح

امصع ..... يعني اسحب بقووووووه مثل الام اذا قالت لولدها تراني بمصع اذنك لو ما
درست



امحق ... هذي محتارين فيها العلماء بس انشالله خير وبيطلعون لها تصريفات للماضي
والمستقبل ,,,, واللي عنده مثل عن امحق يلحقني لاني تورطت بهالكلمه

يدربي ...... يعني يدحرج .... مثل واحدن من الشباب اسمه مدربي رويسه ....

دنينه .... سياكلنا من اول (( ااااان اااااااان )) ترا الاصوات لازم اللاعب هو
اللي يطلعها (( حلوه اللاعب ,, اقصد المبزره اللي يلعبونها من اول ))



كنادر .... جزمه

زبيريه ..... نوع من النعال وهو احسن مبيد للصوارير والضواطير ! والحشرات الزاحفه
الاخرى

سرسري ....... يعني سربوت
سربوت ........ يعني داشر
داشر ,,,,,,, يعني صايع في الشوارع وهو اسهل واحد يطيح في التتن
تتن ......... دخان
برندا ..... ميراندا,, لان اول واحد قالها في الرياض كان مزكم وقال براندا
محلي ......... مصدي
ياخزياه ....... اكثر من يقولها العجز الله يخليهم لنا ولا يحرمنا من حتسيهم
ديرمه ....... روج الاولين
يصطر ......... يصفق مثل ترا ابصطر كف يعني بصفقك كف

سواني ,,, رح للجنادريه وانت تعرف وشي ,, ترا مهيب السوق ...

زبيل .,,, وانت رايح للجنادريه تشوف السواني اسئل عن الزبيل

سماط ,,, لا تروح للجنادريه , رح لاقرب محل مواعين وقل عطني سماط ,,,,, مفرش
ناكل عليه ومنول نسميه سفره

دارسين ,,, عودان يحطونها الحريم مع الاكل بس مدري وشي

ملاس ,,,, ننتسب به الغدا

مراصيع ,, وفي روايه اخرى رصع ,,, اسالو الحريم ويعلمونكم عنه

صبيب ! ,,,, انظر اعلاه ,,, هو نفسه بس بطريقه ثانيه

ترم ترم ,,,,, فلم كرتون نسميه منول ترم ترم وبعض البزران يسميه ابو تتنه (! (
اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه
يسمونه النمر الوردي

عبدالله بن دبيس العتيبي
28-Jul-2008, 05:07 PM
هههههههههههههههههههههههههههههههههههه

الله يضحك سنك ياخوي فهد على الموضوع الرايع
تسذا الحسي الصززي ههههههههه



وتقبل تحياتي

/عبد العزيز الجذع/
28-Jul-2008, 07:14 PM
هههههههههههههههههههههههههههههههههههه


تبي الصدز احسنت يا فهد.



مشكوووور يالغالي.

محب الهيلا
28-Jul-2008, 08:27 PM
مشكور وماقصرت

ذيب النفود
28-Jul-2008, 08:28 PM
زلابه ,,,,, يعني رخمه مالها معنى ثاني



دلخ ,,,,, انظر اعلاه

ابي أفهم وشلون فوق تقول مالها معنى ثاني والكلمة اللي بعدها تقول أنظر أعلاه..


واحد مستقعد ههههه

فهد النفيعي
28-Jul-2008, 11:23 PM
مشكور على المرور

صالح الدعجاني
29-Jul-2008, 01:10 PM
هههههههههههههههههههههههههههههههههههه

الله يضحك على الموضوع الرايع

النخيــــــش
29-Jul-2008, 09:29 PM
بعدى والله اخوي فهد على الموضوع


وصدز دايم انت مميز بمواضيعك

فهد النفيعي
29-Jul-2008, 10:17 PM
شكرا على المرور