للشــــاعر المتمـــكن !!!!

[الوليد الحافي]

ياسلامي سلامٍ فيه بعض العتاب = والعوارف تشوف الدرب بعيونها
عرجّت للعلالي ورجعت للتراب = من يقول الامانه عند مامونها!!!!

[عميدالشعراء]

ياسلامي سلامٍ فيه بعض العتاب = والعوارف تشوف الدرب بعيونها
عرجّت للعلالي ورجعت للتراب = من يقول الامانه عند مامونها!!!!


مرحبا والسؤال نواجهه فالجواب = وضح المشكله للي يحلونها
فيه طلقه سماويه وطلقه صواب = والامانات اهلها مايخونونها

[الفهري .]

ياسلام

طاروق روووعة

ازهلوا الصف .

[الوليد الحافي]

بين ريش الحمام وبين ريش الغراب = يوجد فروق والا ماتشوفونها
علم اللي على الساحل يحث الركاب = ليه ياخذ من ام ابليس حاجونها

[عبدالرزاق القشعمي]

صح لسانك ياشاعر الحفاه على هالطاروق الكايف

وصح لسان عميد الشعراء

متابع

[الوليد الحافي]

الفهري والقشعمي بيض الله وجيهكم

وصحت ابدانكم

[عبدالرحمن الهيلوم]

صحت السنتكم ياااااااااالغالين

[عميدالشعراء]

بين ريش الحمام وبين ريش الغراب = يوجد فروق والا ماتشوفونها
علم اللي على الساحل يحث الركاب = ليه ياخذ من ام ابليس حاجونها

فالسماء جول والاجواء عسام وسحاب = والرعد فوقها والبرق مندونها
هو خذاه برضى والا خذاه اغتصاب = قصلي سالفة ليلى ومجنونها

[ذيب النفود]

بين ريش الحمام وبين ريش الغراب = يوجد فروق والا ماتشوفونها
علم اللي على الساحل يحث الركاب = ليه ياخذ من ام ابليس حاجونها

شاعر الحفاة ، عميد الشعراء

صحت الألسن والقلوب

[عميدالشعراء]

بين ريش الحمام وبين ريش الغراب = يوجد فروق والا ماتشوفونها
علم اللي على الساحل يحث الركاب = ليه ياخذ من ام ابليس حاجونها


فالسماء جول والاجواء عسام وسحاب = والرعد فوقها والبرق مندونها
هو خذاه برضى والا خذاه اغتصاب = قصلي سالفة ليلى ومجنونها

[الوليد الحافي]

طيب



في بطون الشعاب وفوق روس الهضاب = تسبر النخله اللي مال عرجونها
اخذه سرق جعله للعنا والذهاب = هذي السالفه وافطن لمضمونها

[المبهم]

صح السنتكم

والله يعطيكم العافية

[الوليد الحافي]

الله يعطيكم العافيه جميعاً

[الفهري .]

لازلت متابع ومستفيد .

[الوليد الحافي]

مشكور يالفهري :)

[عميدالشعراء]

طيب



في بطون الشعاب وفوق روس الهضاب = تسبر النخله اللي مال عرجونها
اخذه سرق جعله للعنا والذهاب = هذي السالفه وافطن لمضمونها


لاتلوم الذيابه ياخوي الذياب = يمكن الجوع الاقشر قطع بطونها
انتهينا من الموضوع والفال طاب = والرجال السوالف مايعيدونها

مشكوووور على الطاروق الكايف لكن والله اني مشغوووول شوئ وانت شاعر معنى مافيك شك شكرأ

[الوليد الحافي]

صح بدنك وشكراً لك .. طاروق خفّافي مااحسن منه :)

[الفهري .]

شاعر الحفاة

لايضيق بالك تراها مجرد مزحة .

[الوليد الحافي]

ههههههه الله يسلمك ياجار :) وانا ماضاق بالي

وتمون انت :)

[الفهري .]

لعل الظروف تسمح وناخذ معك طاروق .

[الوليد الحافي]

نتشـــرف وان شاء تسمح الظروف عن قريب :)