يامرجح الميزان يوم ان الحمول الها جمال

[سعود العصيمي]

يامرجح الميزان يوم ان الحمول الها جمال = انته جملها والعصيمي صاحبك جمالها

تعال واشتر ياصحيبي بالجنيه وبالريال = واطلع على راس الجبل ويحلها حلالها

[ناصر الجلاه]

..

سعود العصيمي

..


صح لسانكــ يابوطااايل .. بداية مميزه وننتظر مرجح الميزان وتراه جاري مرصى علاه هههههه


واصلووووا متابع

..

[سعود العصيمي]

اررررحب


ياناصر الجلاه



صح بدنك


جارك وابن عم بعد وياالله المخارج منه



ماعليه خووووف ابدآ وهذه شهاده مني ،،،

[مرجح الميزان]

يامرجح الميزان طاب الليل يوم سعود قال..!!=له كلمة من كبرها يبطي وهو ما طالها
ياسعود حنا ع النقا نرقى على روس الطوال=وأنته مع اللي لو تحسب .. ما تعد عيالها..!!

[مرجح الميزان]

اررررررررحب والله ياجاري يا ناصر يالجلاه




حييت وحي هالمرور






وسعود هذاه ما أقول معه غار يالله الخراج ..ّ!! :)

[سعود العصيمي]

ترا كلامي عن فعل والفعل للشيوخ الرجال = فتح عيونك والعبيه فوقها خيالها


خلك على روس الطوال ولاتضيّع راس مال = والمخطيه ماني براعيها ولا قوالها

[مرجح الميزان]

الله ,,الله



ما أقول فيك قصور .. يمكن تنقل الكعبه شمال=مار المطيه في يميني قيدها وعقالها
ان كنت جاهل بالمرجح روح يكفيك السؤال=عيدان يدري..!! والمدير اللي معاه أقفالها..!!

[سعود العصيمي]

الله يشرفها ويحماها من وجيه الظلال = والا المطيه دونها قوم حدتك افعالها



ماني بجاهل فالمرجح شاعرٍ وابن حلال = وانهبت النكبا تطيّر غترته وعقالها

[قادح شرار]

صح لسانك يا المرجح .

سعود يا مجرم , صح لسانك ...

متابع إنكان به بقية ...

تقبلوا مرور أخوكم .

[سعود العصيمي]

قادح شرار


مرورك له نكهه خاصه يابعدي


وصح بدنك


وحياك الله


يابن العم

[مرجح الميزان]

يالله سترك ..




أفعالكم قصة طويله فالحرام وفالحلال=والكلمة قلتها راع الحجج فتالها
الهوش قايم مار ما وصلت ليا حد القتال=من يم عليان المسمى والعلوم اصحى لها..!!

[مرجح الميزان]

مرحبا بقادح



صح بدنك والوكاد باقي يقيه :)

[سلطان الجـذع]

...


الله الله ياسعود ويامرحج الميزان


صحت االالسن، وفي صفك يامرجح الميزان



.. :)


...

[ذيب النفود]

سعود العصيمي ، مرجح الميزان

صحت ألسنتكم يامبدعين وحنا متابعين

[مرجح الميزان]

ارررررررررررحب والله يا سلطان


صح بدنك


والصف زاااهي





,,

[مرجح الميزان]

ذيب النفود



صح بدنك ومرحبا مليوووووون

[سعود العصيمي]

ياصاحبي يامرجح الميزان جوز من الجدال = جنبتها عن دربها واحرمت نفسك فالها


حنا اليا وصلت لحد القتل عطرنا السلال = مانحسب احساب العلوم اخفافها واثقالها

[سعود العصيمي]

مرحبا ومسهلا



يالاسطووورة



صح بدنك


وفارقني مابيك تجي في صفي السلامه

منك غنيمه.




-----------




ذيب النفود


مرحبا بك ومسهلا


وصح بدنك يالغالي

[مرجح الميزان]

يا صاحبي يا سعود أنا بضرب مثل وأخذ المثال=اللي يعرف قصارها قالوا ..يعرف طوالها
وكل"ن" يقول انه ليا منه بغى المشراف نال=لو كان لا عم الدروب الطايله .. لا خالها

[سعود العصيمي]

اضرب مثل للي مايدري بالخفاف من الثقال = والا الرجال الوافيه منزالها منزالها



صدقت مار البينه ماتنتقارن بالخيال = حنا رجالٍ في اللقاء ما ينشرب فنجالها

[سعود العصيمي]

البناخي


الختام من عندك


صح لساااانك


اسعدتني بهذا الطاروق


ورانا دوامات


لاهنت

[الفهري .]

طاروق حماسي ، يستحق المتابعة .

[سعود العصيمي]

سعود العصيمي =

يامرجح الميزان يوم ان الحمول الها جمال = انته جملها والعصيمي صاحبك جمالها

تعال واشتر ياصحيبي بالجنيه وبالريال = واطلع على راس الجبل ويحلها حلالها



مرجح الميزان =


يامرجح الميزان طاب الليل يوم سعود قال..!!=له كلمة من كبرها يبطـي وهـو مـا طالهـا
ياسعود حنا ع النقا نرقى على روس الطوال=وأنته مع اللي لو تحسب .. ما تعد عيالها..!!



سعود العصيمي =



ترا كلامي عن فعل والفعل للشيوخ الرجال=فتـح عيونـك والعبيـه فوقهـا خيالهـا
خلك على روس الطوال ولاتضيّع راس مال=والمخطيـه مانـي براعيهـا ولا قوالهـا




مرجح الميزان =



ما أقول فيك قصور .. يمكن تنقل الكعبه شمال=مار المطيـه فـي يمينـي قيدهـا وعقالهـا
ان كنت جاهل بالمرجح روح يكفيك السـؤال=عيدان يدري..!! والمدير اللي معاه أقفالها..!!



سعود العصيمي =




الله يشرفها ويحماها من وجيه الظلال=والا المطيه دونها قوم حدتـك افعالهـا
ماني بجاهل فالمرجح شاعرٍ وابن حلال=وانهبت النكبا تطيّر غترتـه وعقالهـا




مرجح الميزان =

أفعالكم قصـة طويلـه فالحـرام وفالحـلال=والكلمـة قلتـهـا راع الحـجـج فتالـهـا
الهوش قايم مار ما وصلت ليا حـد القتـال=من يم عليان المسمى والعلوم اصحى لها..!!



سعود العصيمي =

ياصاحبي يامرجح الميزان جوز من الجدال=جنبتها عن دربها واحرمت نفسك فالهـا
حنا اليا وصلت لحد القتل عطرنا السـلال=مانحسب احساب العلوم اخفافها واثقالهـا


مرجح الميزان =

يا صاحبي يا سعود أنا بضرب مثل وأخذ المثال=اللي يعرف قصارها قالـوا ..يعـرف طوالهـا
وكل"ن" يقول انه ليا منه بغى المشـراف نـال=لو كان لا عم الـدروب الطايلـه .. لا خالهـا





سعود العصيمي =

اضرب مثل للي مايدري بالخفاف من الثقال=والا الرجـال الوافيـه منزالهـا منزالهـا
صدقت مـار البينـه ماتنتقـارن بالخيـال=حنا رجالٍ في اللقاء ما ينشـرب فنجالهـا

[مرجح الميزان]

كنت أحسب ان الشر زال .. لكن شفته لا يزال=ياكل كبود أهل القلوب الميته وطحالها
وختامها قدرك ترى ياسعود فالمشراف طال=وبكره تبين الخافيه .. قول المقاطي قالها..!!

[مرجح الميزان]

سعود صح لسانك وانا أسعد طال عمرك .. تحياتي وتقديري