عبدالله حبيب الزراقي .. أقلط على فنجال بريه ..!!

[مرجح الميزان]

:)


هلا يا مرحبا ترحيبة تنصى ولد زراق=تراحيب الوفا والطيب .. والدعوه عموميه
دلال الكيف لا فاحت على أهل الكيف.. لو تنساق=يكفيهم ليا طاب السمر فنجال بريه..!!

[عبدالله حبيٌب الزراقي]

هههههه ياهلا وغلا


يدوم الك البقى يالشاعر الي تحكم الاسواق = يبع ويشتري في كل الاسواق الخليجيه
الا ياطيبها من يدك لو هي حكٌل ماتنذاق = مدام انته مسويها نعرفك طيٌب النيه

[سعود العصيمي]

مرجح الميزان

دلال الكيف لا فاحت على أهل الكيف.. لو تنساق
يكفيهم ليـا طـاب السمـر فنجـال بريـه..!!






عبدالله حبيب الزراقي

الا ياطيبها من يدك لو هي حكٌل ماتنـذاق
مدام انته مسويها نعرفـك طيٌـب النيـه




ياسلام سلم




صحت الالسن والقلوووووب

[فهد صقر الغنامي]

الله الله


صحت السنتكم وطاروق كايف بلا شك



متابعين يالذيااابه

[عبدالله حبيٌب الزراقي]

يهلا وغلا بسعود العصيمي شرفت ونورت

الليله مرجح عندي وعندك نبا نقرر موازينه هههههه

صح بدنك شاكر لك مرورك المشرف

[عبدالله حبيٌب الزراقي]

فهد الغنامي

شرفت ونورت ويشرفنا متابعتك وصح بدنك يالغالي

[مرجح الميزان]

الله ,,الله

ذكرتني لميس ..!!


لو ان السوق في حكم المقاطي بأعلن الأغلاق=ليا شفت اليدين اللي تسمى بالحراميه
يا مشا الله يا ذكر الله أثرك الشارب الذواق=ترى ما هي بتركيه!!.. عسى فالك بتركيه..!!

[عبدالله حبيٌب الزراقي]

ترانا نقطع الاعناق بس .. مانقطع الارزاق = ومثلك مايحارب لو معه سبعين جنيبه
افا والله بدينا يامرجح نخلط الاوراق = عسى فالي وفالك ياطويل العمر حوريه

[مرجح الميزان]

سعود العصيمي وفهد صقر




صحت الابدان ويا هلا والله ومرحبا







..

[مرجح الميزان]

الرزق لله الرزاق .. ولا أنته قاطع الأعناق=ومثلك ما يدرهم لو تلبس ثوب جنيه..!!
وترانا قوم لا منا هرجنا نحسن الأخلاق=يوم أن أكثر عباد الله بالأخلاق التجاريه

[عبدالله حبيٌب الزراقي]

على نزف الجروح الغايره لاتقرش اللزاق = ترا بعض الجروح تزيد ماتنفع لها الكيه
ولا ياصاحبي مابيننا شي ٍ على الاطلاق = علوم ٍ غانمه مانجزي الحسنات بالسيه

[مرجح الميزان]

عبدالله صح صح صح صح لسانك




تشرفت بهالطاروق معك .. بصراحه أفحمتوني .. تحياتي وتقديري وعلى الود نلتقي



,,

[عبدالله حبيٌب الزراقي]

صحححح بدنك ملياار مافيك حيله مشاء الله عليك محاورتين تلعبها وسريع في الردود ومع السرعه ابياتك جميله كنك جالس عليها ساعه

صح بدنك مره ثانيه والشرف لي والاستفاده ونلتقي على خير ان شاءلله