الشاعر المتمكن

[نايف بن ملحق الثعلي]

مرحبا والليل يا شعار=من معه حجه يقدمها
مانبا الي الشاعر البيطار=يسمع الكلمه ويفهمها

[مرجح الميزان]

البقا بك تسع عشر أمرار=وأجمع العشره وقسمها
يابن ثعلي ما أنته المختار..!!=يوم خلق الله تعلمها

[نايف بن ملحق الثعلي]

انت وش عندك من الاخبار=اربط الغتر ه وحزمها
واعذابك لوتشب النار=اشهد انك رحت مع فمها

[مرجح الميزان]

كان ودك نبدي المشوار=المطيه معك وسمها..!!
شد حيلك والفلك دوار=قدمك النيران نشعمها

[نايف بن ملحق الثعلي]

الدروب اثنين وانت اختار=العرب شدت محازمها
في يديني جتبك الاقدار=لازمن ذاالليل تطعمها

[مرجح الميزان]

جيت طاير معلن الأنذار=ناوي العالم تصدمها
وطحت فاللي معك ما يحتار=رايتك في ايديه سلمها

[نايف بن ملحق الثعلي]

مابغينا نكشف الاسرار=والقيامه لاتقومها
انت مثل الثعلب المكار=والذيابه ماتهاجمها

[عبدالله حبيٌب الزراقي]

الله الله مبدعين

قاف خفيف خالي من الكرسترول وغني بالعناصر المفيده

صح لسانك الثعلي الي رضاك
وصح لسانك يامرجح الي رضاك

وعلى فكره مرجح يحتاج نسوي له تشريح للمخ ههههه مشاء الله عليه يلعب اكثر من محاوره وسريع بديهه اللهم ولاحسد

[مرجح الميزان]

كان عندك سر دق الطار=وعلم العربان وعزمها
بندق ثارت بدون عيار=كيف نشره وأنت لازمها..؟!

[مرجح الميزان]

مرحبا والله يا عبدالله <<<<<< سجع :)




صح بدنك




وحي هالمرور ولا عليك زود



..
تحياتي

[نايف بن ملحق الثعلي]

مانحب الصاحب البوار=وانت ذالليله تخمخمها
ياعسي الناقه تجيب احوار=جعلها تسلم قوايمها

[مرجح الميزان]

كان دمك يابن ثعلي فار=العرب ما طال برطمها..!!
وأخذ علم ما عليه غبار=لا تزودها نحرمها

[نايف بن ملحق الثعلي]

صح لسانك
تصبح علي خير

[ابن معتاد]

صح لسانك يا نايف وصح لسانك يا مرجح الميزان

[مرجح الميزان]

صح بدنك
وتصبح على ألف خير

[بندر الحافي]

صحت الالسـن

طاروق جميل

[/عبد العزيز الجذع/]

يا سلام.

قاف رائع.

صحت السنتكم.