الشرهه حمول بعير .. يالعصيمي

[سلطان الجـذع]

,


,,



يالعصيمي في شهار تحط للصاحي عزيمه = فوقك الشرهه حمول بعير لكن أحتملها
جفت دموع اليتيم ,, وسالت دموع اليتيمه = ليت أبو طايل مسح عن عينها الدمع ...وكحلها

[مرقاب]

(الاسطوره)


حجز 1

:)

وصحت السنتكم مقدماً

..


..



..


مرقاب

[علي الثبيتي]

الله الله
ياسلطان وصح لسانك

ونتتظر ابوطايل

امسحها ياسعود وكحلها هههههههههههه
متابع وبقوه وفي صف سلطان عشان ماتعزم مره ثانيه

[سلطان الجـذع]

.

مرقاااااااااااااااب


حجزك اوكيه :) كل الشكر يالغالي


على التشريف

[سلطان الجـذع]

.


النشمي الله يحييك ياابو فهد وصح بدنك

ومدامك فالصف لاعاد تنشد عن سعود :)

.

[سعود العصيمي]

يالجذع سلطان اشوفك من هشيمه في هشيمه = تظهر الحاجه من الادراج واتقولي اكلها


كل شي ياعميلي له بجوف السوق قيمه = والمسح هذا اختصاصك كلمتك واتعرف اهلها

[خليفة مطلق]

ههههههههههه
سد الباب اللي انت فكيته ياسلطان
صحت السنكم

[سعود العصيمي]

خليفة مطلق


هلا وغلا


وحدد الصف

ههههه

[سلطان الجـذع]

ههههههههههه
سد الباب اللي انت فكيته ياسلطان
صحت السنكم


مساء الخير ياعم

[علي الثبيتي]

الله الله
كلام كلام
صح لسانك يابوطايل
اختصاص مره وحده ههههههههه وين تروح من سلطان
الليل الليل

[سعود العصيمي]

ابو فهد


مرحبابك مليوووون


وازهل سلطااان هذا يبيله



فرمته


كاملة

[سلطان الجـذع]

مشيها مشي الخفوت وراسها راس البهيمه = والرسن في يدين خبلٍ .. غيبة الشمس ارتحلها
السوالف طيبه . لاهنت والنيه سليمه = لاتنوّخ للخفيفه خابرك ماانت بجملها

[علي الثبيتي]

الله اكبر الله اكبر وانا قايلك النيه سليمه ياسعود
الليل الليل

[سلطان الجـذع]

,,,


ايه ياابو فهد علمه يصفي النيه مالت علاه :)

[سعود العصيمي]

وش نسوي يالعتيبي فالشياطين الرجيمه = حظها فالمخطية بريالها والا هللها


ساع مازان الطريق وساع ماشفنا الوسيمه = كل كلمة منك ياسلطان نعطيكم بدلها

[علي الثبيتي]

هههههههههه سلطان انت فيك فيروس ويبالك فرمته
على ذمة سعود والا انا مالي دخل ههههههههههه

الليل الليل وينك يابوطايل لا تنوخ للخفيفه خابرك منته جملها

[علي الثبيتي]

ساع مازان الطريق وساع ماشفنا الوسيمه
طيب طيب صح لسانك

الليل الليل ياسطان
سعود يقول الطريق دوب استو

[سعود العصيمي]

النشمي


صح بدنك



وشكرآ على المتابعه

[سعود العصيمي]

استاذنك ياسلطاااان جاني رياجيل



نكمل لاحقآ.

[سلطان الجـذع]

انت في علمٍ حصل مكلوف يامال الغنيمة = أحسب انك يوم مالت ياابيض الوجه تعدلها
لاتطيح من الشداد ولاتفك خطام ريمه = ليلنا توه .. ومدة يدك ارجع لك دبلها

[سلطان الجـذع]

...


طيب طيب ياسعود

نلتقى على خير ان شاء الله لاحقاً



...

[مرقاب]

يسلالام

لاتطيح من الشداد ولاتفك خطـام ريمـه
ليلنا توه .. ومدة يدك ارجع لـك دبلهـا



:)


..


..



..

[سلطان الجـذع]

.

ويااااااااااااسلام عليك يامرقاب


:)

[قادح شرار]

ههههههههههههههههه.

يا شطن شعارنا شطناه .

صح لسانك يا سلطان , وصح لسانك يا سعود , وبيّض الله وجيهكم .


تقبلوا مرور أخوكم .

[سلطان الجـذع]

,,,


قادح شرار .. ههههههههه صح بدنك

وبيض الله وجهك على المرور ...

[سعود العصيمي]

طيب طيب

استلم


اعتقد قدمت ماجوبك وجوز من الظليمه = كيف وانا ضيف ياسلطان تلحقني زللها

الشداد شدادنا وفعولنا فعولٍ عظيمه = والعلوم اللي تباها يالجذع متى تاصلها

[سعود العصيمي]

مرقاب


قادح شرار مرحبا ومسهلا

[سلطان الجـذع]

اكبر عيالك ثنين ماذبحت ألهم تميمه = واسمع ان سعود عنهم يده بالديزل غسلها
والله ونعمين اهل وقفات وفعولٍ قديمة = ماجهلنا فالعصيمي والفعول اللي فعلها

[شـــلـــهوب]

ربنا وربك الله يالجذع كل ليل وانت خام لك واحد ههههه

ياسلام عليكم وصحت السنتكم


متابع

[سعود العصيمي]

انت الاول من عيالي والك حطيت الوليمه = والعيال الباقيه في ذمتى الله واكتفلها

وانتم ونعمين اهل وقفات وفعولٍ عديمه = والنشمى من نسبها والمناحل من نحلها

[سلطان الجـذع]

مااتشرف فيك أبو .. والوقت والدنيا مقيمه = لن رضيت ابها ولن زادت على نفسك زعلها
انتبه قدام تأخذ لك على السرعه قسمية = والله انه مانكب بعض الرجال الا جهلها

[سعود العصيمي]

هههههه


تجحد ابوك ياقليل المعرفه اجلك هاك والختام عندك



وانت و الله ماتشرفني ولد وامك عقيمه = والعلوم الطيبه ياصاحبي مانت ابطلها

ماحسبت احسابكم ياهل السواليف الوخيمه = كل قوم عندنا تجزا على ساير عملها

[/عبد العزيز الجذع/]

سلطان , سعود .


محاورة جميلة.:d


صحت السنتكم.

[سعود العصيمي]

سلطان الجذع =


يالعصيمي في شهار تحط للصاحـي عزيمـه=فوقك الشرهه حمـول بعيـر لكـن أحتملهـا
جفت دموع اليتيم ,, وسالت دمـوع اليتيمـه=ليت أبو طايل مسح عن عينها الدمع ...وكحلها



سعود العصيمي =


يالجذع سلطان اشوفك من هشيمه في هشيمه=تظهر الحاجه من الادراج واتقولـي اكلهـا
كل شي ياعميلي له بجـوف السـوق قيمـه=والمسح هذا اختصاصك كلمتك واتعرف اهلها




سلطان الجذع =


مشيها مشي الخفوت وراسهـا راس البهيمـه=والرسن في يدين خبلٍ .. غيبة الشمس ارتحلها
السوالـف طيبـه . لاهنـت والنيـه سليمـه=لاتنـوّخ للخفيفـه خابـرك ماانـت بجملهـا






سعود العصيمي =


وش نسوي يالعتيبي فالشياطين الرجيمـه=حظهـا فالمخطيـة بريالـهـا والا هللها
ساع مازان الطريق وساع ماشفنا الوسيمه=كل كلمة منـك ياسلطـان نعطيكـم بدلهـا


سلطان الجذع =


انت في علمٍ حصل مكلوف يامال الغنيمـة=أحسب انك يوم مالت ياابيض الوجه تعدلها
لاتطيح من الشداد ولاتفك خطـام ريمـه=ليلنا توه .. ومدة يدك ارجع لـك دبلهـا





سعود العصيمي =


اعتقد قدمت ماجوبك وجوز من الظليمه=كيف وانا ضيف ياسلطان تلحقني زللها
الشداد شدادنا وفعولنا فعـولٍ عظيمـه=والعلوم اللي تباها يالجذع متى تاصلها






سلطان الجذع =



اكبر عيالك ثنين ماذبحـت ألهـم تميمـه=واسمع ان سعود عنهم يده بالديزل غسلها
والله ونعمين اهل وقفات وفعـولٍ قديمـة=ماجهلنا فالعصيمي والفعول اللـي فعلهـا






سعود العصيمي =


انت الاول من عيالي والك حطيت الوليمه=والعيال الباقيه في ذمتـى الله واكتفلهـا
وانتم ونعمين اهل وقفات وفعولٍ عديمـه=والنشمى من نسبها والمناحل من نحلهـا



سلطان الجذع =


مااتشرف فيك أبو .. والوقت والدنيا مقيمه=لن رضيت ابها ولن زادت على نفسك زعلها
انتبه قدام تأخذ لك على السرعـه قسيمه=والله انه مانكب بعض الرجـال الا جهلهـا





سعود العصيمي =



وانت و الله ماتشرفني ولد وامك عقيمـه=والعلوم الطيبه ياصاحبي مانـت ابطلهـا
ماحسبت احسابكم ياهل السواليف الوخيمه=كل قوم عندنا تجزا على سايـر عملهـا

[سعود العصيمي]

عبدالعزيز الجذع

مرورك يسعدني ويشرفني


شكرآ على الاطرااااااء الجميل

[ناصر الجلاه]

..

سلطان الجذع

..

مااتشرف فيك أبو .. والوقت والدنيا مقيمه
لن رضيت ابها ولن زادت على نفسك زعلها
انتبه قدام تأخذ لك على السرعـه قسميـة
والله انه مانكب بعض الرجـال الا جهلهـا


ياسلااااام يابوعبدالله


..

سعود العصيمي

..

ياسلااااام يابوطااايل مبدع مبدع ههههههه

وانت و الله ماتشرفني ولد وامك عقيمـه
والعلوم الطيبه ياصاحبي مانـت ابطلهـا
ماحسبت احسابكم ياهل السواليف الوخيمه
كل قوم عندنا تجزا على سايـر عملهـا


تقبلووووا مروري

..