الأوادم ................والأخوه...............جديد

[ابراهيم الزراقي]

هذه قصيده جديده لي اتمنى ان تحوز على رضاكم واستحسانكم وترقى بمسامعكم




ياهجوس الشعر مدري ياعفاريته وجنه=انكشف طبع الآوادم وانتهى معنى الأخوه
الآوادم نصفهم مثل المجنن في مجنه=مايعرف العلم لو أنك على راسه تنوه
ولايدل الدرب لو تقول هييييه (الدرب منه)=ولايفكر فالزمان الي غدا نصفه مشوه
ضيعوا سلم الجدود وكل واحد خان فنه=واليهود استهدفوهم والعرب ماعد تفوه
نصف سكان الجزيره ماعرف هيله وبنه=ولايعرفون الخيال الي ضهر فالجو نوه
حالهم مزري وكلن في طريقه حسب ضنه=والمصيبه فالزمن ماعندهم صبر ومروه
يحسبون المرجله مضهر وشكل وزود حنه=بس دق الغتره البسام والمرزام سوه
وامسك سلاحك وطب السوق وأرم الي يجنه=وان رميت وصبت وقتك يالهواوي زان جوه
مادروا بن المراجل خيل ماكلن يعنه=مايعنه كود رجالن معه مبدا وقوه
والصداقه في زمنا مثل شي(ن) طاح طنه=مايفيد ولايزيد وكل يوم يجيه بوه
اكثر الاصحاب مايوفي معك بالطيب لنه=مايعرف الطيب والنخوه ولاعنده حموه
واغلب الاصحاب يمشي بين حسد وبين منه=نيته شينه وهو يمشي معك في علم توه
حالتن يرثالها والقلب فيه اليوم ونه=والزمن ماهو زماني والفرح مابان ضوه
والصحيب الوافي الصافي غدا همه يكنه=راح مدري مات مدري ضاع فالوقت بهدوه
يامداغيش النشاما مايرد العلم عنه=من يقول ابشر عطيته كل شي(ن) به تفوه

شعر...ابراهيم الزراقي.

[روق والسماء فوق]

صح لســـــــــــــانك

ولاهنت يالغالي

[أبو نجر النفيعي]

..

الله الله

صح لساانك يا ابراهيم على هالقصيده الرائعه والجزله ..

وفي انتظار جديدك ..

:)

أخوك

[عبدالله الجـــذع]

ابراهيم
قصيده تحتوي على تجارب جميله
الف شكر لك على هذه الجزله

ننتظر المزيد يالرائع

محبك

,

[ابو فايح]

صح لسانك يا ابراهيم قصيده رائعه جدا وننتظر جديدك

[ابراهيم الزراقي]

روق والسماء فوق شكرا على مرورك وصح بدنك

[ابراهيم الزراقي]

ابو نجر النفيعي صح بدنك وتسلم على المرور العطر ولاخلا ولاعدم

[ابراهيم الزراقي]

عبدالله الجذع مرورك مميز وصح بدنك
ودائماً معودني على الرد الوافي

[المبهم]

صح لسانك

على القصيده الرائعه جداً

بيض الله وجهك

والله يعطيك العافية

[صالح الدعجاني]

صح لساانك يا ابراهيم على هالقصيده الرائعه والجزله

بيض الله وجهك

[((أبو راشد))]

؛؛؛السلام عليكم ورحمة الله وبركاتة؛؛؛
صح لسانك اخوي ــــ( إبراهيم الزراقي )ـــ على هالقصيدة الرائعة جداً
وأتمنى لك دوااام التوفيق
تقبل مروري
والسلاااااااااااام ختااااااااااام

[/عبد العزيز الجذع/]

الله الله الله.


ابداع يابراهيم.

صح لسانك ملايين.

[الحنتوشي ساجر]

ابن العم ابراهيم الزراقي


لله درك ..ما اروعك ..وما اروع مانثرت هنا



ما اقول الا مبدع يا مبدع

[ابراهيم الزراقي]

صح لسانك يا ابراهيم قصيده رائعه جدا وننتظر جديدك

ابو فايح الف شكر لك على مرورك وردك الجميل وصح بدنك

[معجب العتيبي]

ابراهيم الزراقي

قلم مميز يستحق المتاااااابعه


شكرا لك على كل ماتقدم


وصح لساااااااااانك

[معلا إبراهيم الأسعدي]

يامداغيـش النشامـا مايـرد العلـم عـنـه=
من يقول ابشر عطيته كل شي(ن) به تفـوه




ياشغاميم النشاما من يـرد العلـم عـنـه=من يقول ابشر عطيته كل شي(ن) به تفـوه



مبدع بارك الله فيك

[ابراهيم الزراقي]

الله يعطيكم العافيه على المرور كلكم وحياك ياولد عمي الحنتوشي