تسجيل الدخول

مشاهدة النسخة كاملة : مساء الخير يالكبتن

شـــلـــهوب
19-Jul-2008, 08:08 PM
مسيكم بالخير جميع

يالكبتن متى ماسمح وقتك ويشرّفني


يامسا الخير ياراس ٍ تلقـّى الهبايب=ماتذرّى عن الوقفات صبح وعشيّه
كبتنوك الجماعه بين مخطي وصايب=مار ياصاحبي وش موجب الكبتنيّه
مرجح الميزان
19-Jul-2008, 08:37 PM
صح بدنك يا شلهوب وصح لسان الكبتن مقدماا




,,





لنا عوده
$ الحــيــران $
19-Jul-2008, 08:44 PM
صح لسانك بانتظار اكتمال الإبداع
شـــلـــهوب
19-Jul-2008, 08:48 PM
مرجح الميزان صح كلك شرفت



وحياك في كل وقت
شـــلـــهوب
19-Jul-2008, 08:49 PM
الحيران صح كلك والابداع بيكتمل بوجودك ووجود الطيبين

شرواك
عبدالرحمن الهيلوم
19-Jul-2008, 08:54 PM
بانتظار شعار الهيلا
وصحت السنتكم مقدما يالغالين
كبتن عتيبه
20-Jul-2008, 01:02 AM
الله الله



يامساء الخير من راسٍ وقف للنوايب=عنده الحر برد..وعنده الشمس فيّه!!
دامت الشك زايل..ياعسى أبليس غايب=جيب ماتستطيع..ولا تكبتن عليّه!!
/عبد العزيز الجذع/
20-Jul-2008, 01:08 AM
الله عليكم.

صحت السنتكم..

متااااابع وبقوة.
قادح شرار
20-Jul-2008, 01:40 AM
يا سلام سلّم .

صح لسانك يالشلهوب .

وصح لسانك يالكبتن .

وبلا شك في صفك يالكبتن .
احمد الملاح
20-Jul-2008, 12:02 PM
صح السانك يا شلهوب ولا تقصر بالبيوت الطيبه


يامسا الخير ياراس ٍ تلقّى الهبايـب
ماتذرّى عن الوقفات صبح وعشيّه
كبتنوك الجماعه بين مخطي وصايب
مار ياصاحبي وش موجب الكبتنيّه

الله الله يا الكبتن مبدع كالعاده


يامساء الخير من راسٍ وقف للنوايب
عنده الحر برد..وعنده الشمس فيّه!!
دامت الشك زايل..ياعسى أبليس غايب
جيب ماتستطيع..ولا تكبتـن عليّـه!!
شـــلـــهوب
20-Jul-2008, 05:20 PM
أنت علامك ماتخش الا فـ أنصاف الليول :)

ياليت يالذيب تجي مع أول الليل نبا ننتهي منها في قيس ساعه



كمّ علم ٍ حفظه الوقت ضمن العجايب=وكمّ علم ٍ غدى في ذمّة العامريّه
أنت جندي مشاه ولا تقود الكتايب=مار ياعسكري وقـّف وعطني تحيّه
شـــلـــهوب
20-Jul-2008, 05:22 PM
عبد الرحمن الهيلوم صح كلك

شرفت
شـــلـــهوب
20-Jul-2008, 05:22 PM
حياك الله ياعبد العزيز الجذع


صح كلك ومتابعتك نوماس
شـــلـــهوب
20-Jul-2008, 05:24 PM
صح كلك ياقادح وشرفتنا يالذيب


واما بالنسبه للصف لازم تجي في صف الكبتن وإلا وشهو له كبتن :)
شـــلـــهوب
20-Jul-2008, 05:25 PM
أحمد الملاح مرورك شرف



الله يحييك يا أحمد في كل وقت
عبدالله حبيٌب الزراقي
20-Jul-2008, 08:16 PM
ياسلام عليكم مبدعين

صح لسانك الشهلوب
صح لسانك كبتن عتيبه


واصلوا ليا الفجر اللعب الكايف ماينمٌل منه

متابع ,,
كبتن عتيبه
21-Jul-2008, 02:50 AM
الله الله


الزلامي يقول انشد من القوم شايب=واشر عاقل وبيع 120وعشرين عيّه!!
كان حتى التحيّه صار فيها طلايب=لا تطالب ترى جتك التحيّه هديّه!!
شـــلـــهوب
21-Jul-2008, 06:46 PM
طيب طيب يالكبتن مار راحت مثل أقصاد الراجحي هههه


راح وقت الفروسيّه ياعوص النجايب=والهوى صورته صغرت بعين الصبيّه
تالي الوقت بشّرنا عطيب الضرايب=صوّتوله وصوتي معه ياهل الحميّه!
شـــلـــهوب
21-Jul-2008, 06:47 PM
عبد الله الزراقي حياك الله

ومتابعتك نوماس
كبتن عتيبه
21-Jul-2008, 07:10 PM
شلهـــــــــــــــــوب


المعذره انا اكثر تواجدي اخر الليل



وإلى اللقاء في طاروق ثاني




تحيااااتي