الطــأأأرف سدـأد

[ابو سواري]

سلام الله سـلام فيـه لاهل المعرفـه عنـوان = اسوقه للرجال تكمل في مواجبها
بعد شفت البحـر فايض من المكنون والمرجان = اخذت الدره الي قدم عينك جيت جالبها

[مرزوق حمدان العتيبي]

..
بعد شفت البحر فايض من المكنون والمرجان
اخذت الدره الي قدم عينـك جيـت جالبهـا


الله الله
صح لسانك وننتظر المقابل ... وصح لسانه مقدماً ...

[ابو سواري]

صــح بدــنك
يا أستاذ مرزوـق

واشكـرك على
المرـوـر

[شـــلـــهوب]

هلا يامرحبا يابو سواري بعد دورك حان=مادام إنّ المعاني بين قاريها وكاتبها
الا والنعم لكن مانصدّق غير بالبرهان=ابه ناس ٍ نصدّقها وابه ناس ٍ نكذبها

[احمد الزايدي]

صح السانك يابو سواري



وصح السان شلهوب



واصلو لاهنتو متابع للأبداع

[ابو سواري]

يـدوم ابـك البقا يالشاعر الي فاتل الذرعان = رويـدك يا عميـل الخيـر والحره نلاعبها
يجيك الرد وـافي مير لاهل المعرفه ميزان = سمعت القول والي تفهق المعنى نحاسبها

[شـــلـــهوب]

يابو سواري نستكمل بعد الصلاه

[ابو سواري]

ما طلـبت شي

وانـا بروح اطلـب الله


ولـي رجـعه انشالله

[شـــلـــهوب]

الا ياراعي الحرّه ليا طببتها الميدان=نلاعبها على حدّ الخطر وألا نجنبها
يانقّال السواري كيف تنقلها بلا نيشان=تشرّه فالمواقف وأنت ماتعرف مضاربها

[ابو سواري]

تبا تنخى خوي الجود ولا انته ونيس احصان = ولا يابلشه الناقه ليا اوحت حس حالبها
ليا منك شعلت النار نارك عودت دخان = والى منك شرهت اشره على النفس ومصايبها

[شـــلـــهوب]

أنا وشلون أعلّم من جهل وأقول له غلطان=بعد مادرهمت سمحه تعلّق فوق غاربها
تراك تعيش في عصر إزدهار ومعرفه وأمان=لكن بنت الهلالي شوف وحده غير وإخطبها

[شـــلـــهوب]

احمد الزايدي لا هنت على المرور


شرّفت

[شـــلـــهوب]

المشرف العام مرزوق العتيبي


صح كلك ومرورك شرف

[ابو سواري]

ليا مني بنيت البيت اجود قوت السيسان = وانا الي من قديم الوقت شاريها وراكبها
الله يديم الي ذكرته والبلد عـزيز اركـان = وبنت العز يا شلهوب فضله وانت راغبها

[شـــلـــهوب]

تبا تتعب وترخص في زمانك غالي الأثمان=علشان الليال السود تهدي لك تجاربها
ليا منّي طلبت العز هذا طبع للعتبان=رجال ٍ يطلبون العز مابه من يعاتبها

[شـــلـــهوب]

نبا نلحق الصلاه يابو سواري واعذرنا على القصور وصح كلك


أخوك : شلهوب العضياني

[ابو سواري]

صحـ بدنـك يا شلهـوب

والى هنـأ نكتفــي بمـا انـك طلعــت

وانشـالله الجـايات اكثـــر

[الفهري .]

صحت ألسنتكم وبيض الله وجيهكم .

[ابو سواري]

ووجهك يا ابــيض يا لفهــري
ومرحبـا بك بين اخواانك العتبان

[الفهري .]

ووجهك يا ابــيض يا لفهــري
ومرحبـا بك بين اخواانك العتبان



تبقى يابو سواري

وإن شاء الله تسمح الظروف وآخذ معك طاروق .