خليفه مطلق لاهنت

[ماجد الدعجاني]

السلام عليكم ورحمه الله وبركاته
وأسعد الله مساكم وصباحكم بالخير
خليفه مطلق إقرب لاهنت
نبى نتعلّم منك وتراي شويعر


سلام الله سلام مثل درّ بالعسل ممزوج=عدد ماينسج من النسج وأنواعه ونسّاجه
تحيزم يابن روق وسل سيفك فالليال العوج=ولا يامل قلب اللي يسج وفيه دولاجه

[خليفة مطلق]

عليكم السلام ورحمة الله وبركاته
وانا بعد مثلك يالله اركب البيت على البيت



هلا يامرحبا ترحيب يصفق مثل صفق الموج=ماهو في المنتدى في حلة اللي يضحك حجاجه
والا ياللي تنادي وش تبا من سيفنا عمهوج=تباها بيننا والا للاعداء حرب ومواجه

[ماجد الدعجاني]

يدوم إلك البقى ياللي ترحّب وإن تردّى الغوج=يبى يقصر يمين القايد اللي مقدم أفواجه
يقول الحاكم المعدوم ثلث فالعراق علوج=وقالوا يبتر العجرود لامن قطعت أنساجه

[خليفة مطلق]

ورى السور العظيم الله حبس ياجوج مع ماجوج=وذا القرنين من فضل الكريم إمجوّد إسياجه
من الضلع الطويل ايطيح في واد العرب دلموج=ويسلم منه بيت الله وطوافه وحجاجه

[ماجد الدعجاني]

يخزّون الإبر فالمنتج اللي قلل المنتوج=يبونه ينتفخ ثمّ يزيد السقم فنتاجه
ولا ياللي على المنبر على ثوبك بقايا روج=ترانا خابرين قصّه الإسراء ومعراجه