تهب هوج العواصف والبنادم يسير.......

[احمد الزايدي]

تهب هوج العواصف والبنادم يسير=والله سبـحـانه اللي يعـلـم أبنيته


وأحسب حسابك ترى عمرأبن ادم قصير=والخير كثرمنه والشر لاتبيته

[أبو وافي العتيبي]

تهب هوج العواصف والفلك يستدير = والناس الأحياء تبى تبكي على الميته
وحسب حسابك ترى قافيك علمٍ خطير = كلٍ عرف حسنته كلٍ عرف سيته

[$ الحــيــران $]

ياسلام أحمد الزايدي وأبو وافي صحت ألسنتكم

عساكم على القوة

[أبو وافي العتيبي]

الحيران

صح بدنك شرفتنا بمرورك طال عمرك


لك تحيتي

[عبدالله حبيٌب الزراقي]

الوضع في هذي الايام جدا خطير = الشر قيُل ضعاف الناس في فيته
ترا البنادم حياته ماتساوي كثير = اليوم تعمل وبكره فالقبر ميته

[عبدالله حبيٌب الزراقي]

ابو وافي

المعذره والله ماشفت ردك الا بعد ارسلت

واصل وصح لسانك ولسان الزايدي

متابع لكم وتقبل اعتذاري ’’ دايم تصير معاي هههه

[أبو وافي العتيبي]

ابو وافي

المعذره والله ماشفت ردك الا بعد ارسلت

واصل وصح لسانك ولسان الزايدي

متابع لكم وتقبل اعتذاري ’’ دايم تصير معاي هههه


عبد الله ألعب مع الأخ أحمد الزايدي أنا مشغول الآن

وعتذار خاص من الأخ أحمد


تحياتي

[احمد الزايدي]

دنياك ياالأجودي فيهايحير الضمير=ومن لايحاسب ضميره ينتضر كيته


ماينعرف فاالقبر منصب مدير وزير=يتحاسب الأدمي كل حسب جيته

[/عبد العزيز الجذع/]

صحت السنتكم..


وكلكم فيكم الخير..



واصلوا.

[احمد الزايدي]

الحيران صح بدنك والله يسلمك

.. ..


أبو وافي عذرك جميل ..والله يسهل يطرقك يا الغالي


.. ..


عبد العزيز الجذع صح بدنك والله يسلمك

[عبدالله حبيٌب الزراقي]

احمد بعد إذنك بواصل معاك ابو وافي كلمني وعنده ظروف مشغول الان وطلب مني اواصل معاك ونتشرف بالمواصلت اللعب معاك.. تفضل لاهنت


سبحان رب ٍ جعل فالكون شر ٍ وخير = والخير كله على من يتبع اوصيته
ابليس وابو جهل يلقون نفس المصير = ماهو بشرط الصلاح يطٌول لحيته