سلام من شاعر مطيري على عتيبه ... (اقرب شاعر)

[جابر العبدلي]

سلام يالعتبان ++ أقرب شاعر

الله لايهينكم



بسم الولي في محل العز والهيبه=سلام من شاعر مطيري على عتيبه
نبغى لنا قاف نبدي به وننهي به=والسيف مجرود والاعلام مرفوعه



سلام الله سلامن على عز ومعزه=سلامن عد ماهبت هبوب الشمالي
نبى شاعر عتيبي يسد فكل حزه=مدام اللعب توه طرالي واستوالي

[ساير الغنامي]

بسم العظيم الكريم الواحد الوالي=
يامرحبا ياهلا ياجار نا الغالي=
وابشر بقافن بنوره يسري الساري=
والسيف مجرود والاعلام مرفوعه=
هلا ترحيب وافي عن الشكه منزه=عدد ماصلو الناس ف العشر التوالي
على زين المثايل يجي للقلب فزه=ومدام اللعب طاري عليك انا طرالي

[فهد صقر الغنامي]

صح السانك ياساير رد وافي ينبي بقدوم شاعر متمكن



هلابك العبدلي بين اخوانك



واصلووووو

[ساير الغنامي]

ارحب يافهد صقر ومشكور لتواضعك وقدومك لمتصفحنا
وستبقى انت استاذ الجميع لاهنت يابن العم

[فهد النفيعي]

صح لسانكم

وقواكم الله

[جابر العبدلي]

ابحتزم في حزامي نسل جداني=وانت احتزم ياعزيز القدر والشاني
الملعبه بنت تطلبني وتنخاني=والسيف مجرود والاعلام مرفوعـه



يدوم لك البقا والشعر طيرٍ نكزه = عليكم يا عتيبه عليكم يا خوالي
ألا ياساير الراس له سيفٍ يجزه = يجز الراس سيفٍ ليا جاله مجالي

[مرزوق حمدان العتيبي]

..
.
جابر وساير .. صحت السنتكم .. وعساكم على القوّه ..
...

[ساير الغنامي]

النفيعي فهد صح بدنك وقواك ربي

مرزوق حمدان صح بدنك وقواك ربي

مروركم تشريف ومحل فخر لاهنتو

[ساير الغنامي]

اعتز بربعك وانا ربعي هل الشهره=
ربعي عتيبه من العارض ليا الحره=
منا المعلم ومنا عالم الذره=
والسيف مجرود والاعلام مرفوعه=
جميع اسواق الاموال جاها العام هزه=وهزت سوقكم وانخفض فيه الريالي
ياجابر مامعك سيف خشمك لاترزه=وطير الشعر حنا هله واهل القتالي

[ابو سواري]

يعطــيكم العــافــيه




والله يوفقكم

ونستنى منكم قـاف طيب

[هايل المرزوق]

جابر وساير صح لسانكم وقواكم الله
واصلواااااااااااااااااااااااااااااااااااا

[نايف الثبيتي الروقي]

صح السنتكم ياجابر العبدلي ويابن عمي

ولاهنتو

وواصلو وانا بين الصفين

[جابر العبدلي]

إن كانها بالفعل تبطي وانا عمك=انته عتيبي وانا عوقك وانا سمك
سيفي بعد دم جدك شاربن دمك=والسيف مجرود والاعلام مرفوعـه



انا سيفي معي وانت سيفك في ملزه=تذكر ماجرى في عسيرات الليالي
ربطنا صاحبك في حصانه ثم ندزه=عليكم يالعتيبي و ناطى كل عالي

[جابر العبدلي]

لاهنتوا جميعا


على هالتواجد الجميييييل



,,

[عبدالله الجـــذع]

الربع

محاوره رائعه جدا
وشعراء اروع

صحت الالسن

واصلو

محبكم

,

[ساير الغنامي]

منته بعمي ولاهمي عمت عينك=
وجدي خذا ابلك واخذ دارك واخذضينك=
وسيفك وخذ من يداك وكسرت يدينك=
والسيف مجرود والاعلام مرفوعه=
وانا سيفي مسلط على عنقك يحزه=وفيكم يسبق السيف عدل اهل العدالي
لمحتك يوم عرجا ورى شيخك تغزه=وهو منحاش تارك حليفه دون والي

[ساير الغنامي]

ابو سواري " هايل المرزوق" نايف الثبيتي" عبد الله الجذع
الف شكر وتحيه لتواجدكم ومشاركاتكم الجميله
تحياتي لكم جميعا وصحت ابدانكم

[جابر العبدلي]

حنا هل الفعل لا صار الرحى داير=وانتم هل الكذب والتزوير يا ساير
كم راس شيخٍ عتيبي فالسما طاير=والسيف مجرود والاعلام مرفوعه



ألا يا ساير الحق لا تزعل بفرزه=جعلنا الله عليكم عقوبه و اعتلالي
ترا لنته مجاهد في فلسطين غزه=ولالك يالعتيبي حموله واحتمالي

[جابر العبدلي]

صــح ابـدانـكــم

جــمـــيــــعـــا

..

[مرزوق حمدان العتيبي]

.

انا سيفي معي وانت سيفك في ملزه
تذكر ماجرى في عسيرات الليالـي

..
شاعر ياجابر وتستحق الاشاده
..
...


لمحتك يوم عرجا ورى شيخك تغـزه
وهو منحاش تارك حليفه دون والـي

..
حبكة وسبكة شاعر وراوي .. لله درك يابن غنام .. لله درك ..
...

[جابر العبدلي]

مرزوق حمدان العتيبي


الله لايهينك // وسام على صدري الإشاده منك



وسجل اعجابي الشديد في شاعرية "ساير " أيضاً



...



جزيل الشكر يابو حمدان على مرورك الكريم

[عبدالرحمن الهيلوم]

صحت السنتكم جميعا شعارا وحضورا
وموفقين خير

[ساير الغنامي]

كل المناخات ياجابر كسبناها=
ياالي تختل العرب وتحالف اعداها=
وتنخى لقحطان ولحرب وترجاها=
والسيف مجرود والاعلام مرفوعه=

نحل ارضك وننزل وبيرقنا نرزه=وتصير منظمه ضد قوات احتلالي
حمر عين ان نظر يمنا فيها نطزه=ويخجل بعدها مايناظر فالرجالي

[ساير الغنامي]

مرزوق حمدان حياك الله يابو محمد وجود اسمك في هذا
المتصفح يزيده اشراقا ونورا وتشريف واشادتك فخر ونوماس
لاهنت على تواصلك الجميل وتشجيعك المحفز للأبداع


-----------------------------------------------------
الهيلوم هلا والله يابن العم وصح بدنك
-----------------------------------------------------------
جابر شكرا لتواضعك الجم ولا هنت

[ساير الغنامي]

اخوي جابر انا طالع الأن ويمكن مارجع الا متأخر
حط بيتك وانا ارد عليه بعدين وصح لسانك

[ثعلي وبين فعلي]

صح السنتكم ياجابر العبدلي ويابن عمي

ولاهنتو

[جابر العبدلي]

رح يالعتيبي بعد ما طاح منزالك=تكذب وتنصب بعد ماضاعت احوالك
خلاص روح مع المطران فنجالك=والسيف مجرود والاعلام مرفوعه



يدوم الكذب فيكم وكلن يجني غرزه=طبيعه فيكم الكذب شيبان وعيالي
حمر عين ان وصل لمكم عينك تخزه=يذر الكحل في عيونكم بأول وتالي

[ثعلي وبين فعلي]

صح السنتكم ياجابر العبدلي ويابن عمي

ولاهنتو

وواصلو وانا بين الصفين

[جابر العبدلي]

ثعلي


صح ابدانك ولاهنت على مرورك

[جابر العبدلي]

أخوي / ساير الغنامي



تشرفت كثيرا باللعب معك (طارووووق كاااااااااايف)


وانت شاعر كبير صح لسااااااانك وجملت ربعك




شكرا لك مرة أخرى ولكل من شرفنا بحضوره في هذا الطاروووووق




واسمحولي ياخوالي كان ضايقتكم ولاشي

بس ترا الدعوه لعب وقصيد


// وقدركم معزز ومحشوم ومافيه شكه //





ولي العوده قريبا ان شاء الله في المنتدى للعب طواريق جديده



تقبلوا تحياااتي جميعا أخوكم / جــابــر العبدلــي المـطــيـــري

[هايل المرزوق]

صح الله لسانكم جابر المطيري (شيخ مطير سابقا)
والمبدع ساير الغنامي

[ساير الغنامي]

الا على طاري الفنجال من شربه=
فنجال فارس مطير الي قضى نحبه=
شربه سلاتن رمى تراحيب من ضربه=
والسيف مجرود والاعلام مرفوعه=
مانكذب والحقايق جويبر تستفزه =لماذا كل هذا الغلط والانفعالي
تدوم الك النذاله طعم ديسن تمزه=وطبيعتك الحسد والغدر في كل حالي

[ساير الغنامي]

ثعلي وبين فعلي صح بدنك ولا هنت على الحضور
هايل المرزوق صح بدنك ولا هنت على التشجيع

[ساير الغنامي]

اخي / جابر العبدلي المطيري
الشرف لي بمجاراتك

وانت الي شاعر كبير وشرفت ربعك
شكرا لك مرارا وتكرا را والمعذره لو حصل بعض الهفوات
واللعب دائما لايخلو من بعض الملاحظات ولا كامل الا وجه الله سبحانه

وقبيلة مطير عزيزه وما تطرقنا اليه لايمسها من قريب ولا بعيد
ونأسف لاستخدام بعض العبارات والشك زايل
وتقبل تقديري واعجابي وتحياتي لشخصك
وتصبح وتمسي على خير


شكرا لكل من دخل هذا المتصفح