سلام ومرحبا

[فهد الشهيب الثبيتي]

بحكم ان هذي اول مشاركه لي في الهيلا تقبلو هذه البدعه واقرب شاعر يشرفني اللعب معه :



بعد جيت في موقع عتيبه طويلين الشبور=اسلــّم وارحـّب والعتيبي زعيم المرجله
هل المدح والنوماس دايم على مر العصور=وتاريخنا في صفحة المجد ما احد ٍ يجهله

[$ الحــيــران $]

هلابك إذا سمحت لي .
استلم ::

نيابه عن أهل الدار ارحب وازيد النور نور 00 هلا مرحبا بك يالعتيبي رفيع المنزله

هل المجد مايلحق هل المجد شي من القصور 00 عتيبه هل الأمجاد والصيت وأهل الأوله

[فهد الشهيب الثبيتي]

تطير الطيور وقللي انته وش انت من الطيور؟=وبعض الطيور ان حامت شوي جات محوّله
سمعنا علوم جداد والمزهبه عيّت تثور=لكن انت يالحيران وش قلت في هالمشكله

[$ الحــيــران $]

استلم ::

عميلك قطيرك يالسنافي وصقر من الصقور 00 مدار الفضا واسع ولن ضقت من شي ازهله

ياخبل الغشيم اللي بجهله عكس خط المرور 00 وأنا أقول يارجال كلٍ يجازى بعمله

[فهد الشهيب الثبيتي]

انا يوم افكر يارجل فالورود وفالصدور=خطا تعمل المعروف في ناس ماتستاهله
وراع القشر قدره مثل قدر لحــّاس القدور=انا اعطيك راس العلم وانته علاك تكمــّله

[$ الحــيــران $]

استلم ::

قليل الأصل لو من عيال البطن والا الظهور 00 ترى أتعس اللحظات لا واجهك وتقابله

عديم القدر ماحاش فالمجد سطر من السطور 00 عساها تفجر في محاني ظلوعه قنبله

[فهد الشهيب الثبيتي]

تلوّى بشجره فالثرى مايطول الها جذور=على قلة التدبير والنقص مسرج همـّله
وهالحين مابين النشامى كما الكلب العقور=يخزز وينبح والعرب ماتلد الوجه له

[$ الحــيــران $]

استلم ::

هذاك الردي دايم وهو من ثبورٍ في ثبور 00 عظامه كما الصاموله اللي تجيك محلحله

ليا شاب راسه ومات دور محفرة القبور 00 ولاله يكود القبر يمحي علوه واسفله

[مرزوق حمدان العتيبي]

...
.
الشهيب ... و .. الحيران..
طاروق راقي ومشوّق ...
واصلوا ولايفوتني
ان اكرر الترحيب ببن عمنا الشهيب ..

[$ الحــيــران $]

مشرفنا العزيز مرزوق لاخلا ولاعدم على مرورك العذب

[عز العرب]

الله الله
كلام شعار كبار
وصحت السنتكم

[ثعلي وبين فعلي]

الشهيب ... و .. الحيران

مشكوووووووووووووووووووورين على هاذه المبادعه


تحياتي,,,,,,,,,,,,,,

[$ الحــيــران $]

عز العرب صح بدنك ولاهنت على مرورك

[$ الحــيــران $]

ثعلي شكرا على مرورك العذب لاهنت

[فهد الشهيب الثبيتي]

وش الحل يالحيران,اظنك على الدعوى صبور=وباب ٍ يجيب الريح واجب عليك تقفلــّه
بعير الشواوي قام يهدر وهو ماهو هدور=مع ان الخطام مخطمـّه واليدين معقـّله

[فهد الشهيب الثبيتي]

جميع من تابع له وافر الشكر وشرفنا وجودكم

[$ الحــيــران $]

استلم ::

تبا الحل يابن العم عمر العيون العور عور 00 تبا تهج عنا الجن لامن قرينا الزلزله

خطمنا خطامه مار من يجحد النعمه كفور 00 وقفل سموعك لاتوحيت بعض البلبله

[فهد الشهيب الثبيتي]

لاترحم عدوّك وانت رجّال تحكم كل شور=ترا مايتوب النذل حتى تجيه مفلفله
وبيته مداهيل الطراقي وفـ اللازم يبور=ابا اقول مافي خاطري وانت من بعدي قله

[$ الحــيــران $]

استلم :

أنا مثل عنتر مار هالمعتدي ياخوك ثور 00 بسيطه بسيطه بعد بكره نجيه ونقتله

من يخالف السنة عسى جثته بين النسور .. ولاني بممهل للعدو وأنت حذرى تمهله

[فهد الشهيب الثبيتي]

صح لسانك اخوي الحيران

تشرفت باللعب معك

وان شاءالله لنا لقاء آخر

[$ الحــيــران $]

أخوي الشهيب صح لسانك ملايين

شرفتني بوجودك لاخلا ولاعدم

وفرصه سعيده يالغالي