كلمات مواساه وعزاء لرفيق الهيلا.. د| عبدالله بن سلطان بن سفران ..!!

[عايض بن زوير]

بعد,, رحم الله الموتى رحمة واسعه



وألهم أهليهم وغاليهم




الصبر والسلوان


,,

,





على الساحه قريت اليوم يا محمد ولد شباب=خبر خلى دموع العين فوق الخد سكابه
يقول : الموت أخذ (مشلح) عن الدنيا ومعه (ذياب)= وجنب ذياب يا محمد أخذ جمله من أحبابه..!!
وأنا ماني على حكم القدر يا صاحبي مرتاب=على كف القدر نمشي ..وحكم الله نرضى به
ولا لحد"ن" عن اللي قدره رب الملا مجناب=سكن حيد الجبل ولا تعلا فوق مرقابه
نطيع.. ولا نضيع اليا حسبنا للطريق حساب=وعرفنا الموت حق وكل منا داخل بابه
وعرفنا ان الزمن فعله مع المومن سواة الداب=مع الغصن الخضر.. لامن شحن سمه تلوى به
ولكن لو شحن سمه ترى صبر الفتى غلاب=يبا يقضي على داب الثرى ويقلع أنيابه
وأنا يا محمد الليله لأنك فأول الاصحاب=كشفت اللي برى حالي .. وابا أكشف لك عن أسبابه
يشح الرجل عن دمعة قهر فالموقف الغصاب=ولا منه فقد غالي ..تشوف دموع منسابه
صحيح اللي رحل عنا قريب ..!! ولا نقول أقراب=ولا هم يا ولد عمي ليا عدوا من عتابه
ولكن لو تعرف اللي غلاه مطقق الاطناب=تبا تعرف سبب دمع يسيل نجد وشعابه..!!
هذاك اللي ليا منه وقف دونه نسوق رقاب=وغلا الغالي على سلم الوفا عداه لأقرابه
وأنا الليله على شانه نويت أبدي على المرقاب=واوردها على عد الروى واصدر ركابه
سلام الله يا عبدالله .. بطق الباب .. فك الباب..!!=وأخذ من واحد"ن" عزك عزاه اليوم فكتابه
سلام الله يا عبدالله بمد كتاب تلو كتاب=حوى واجب عزا عن ربعي العتبان بنيابه
وسلام الله يا عبدالله عسى قبر غشاه تراب=علاه المزنه الغرا ثلاث شهور صبابه
وعسى رحمة ولي العرش للخمسه بخمس ثياب=وعسى مثواهم الجنه مع المختار وأصحابه
عزايه واقبله .. وليا قبلته طيبه بأطياب=وصبه من على قمة جبال الرين وهضابه..!!1

[أبو نجر النفيعي]

..

الله يرحم اموات المسلين .

وصح لسانك يابو زوير على هالمعبره والجزله بحق ..

وبيض الله وجهك ..

:)

أخوك

[محمد العتيبي]

الله يرحم اموات المسلمين ويغفر لهم ..
عايض بن زوير
صح لسانك على الكلمات الرائعه والمعبره ..
وعظّم الله اجر اهل الموتى ..
...

[بدر الكريزي]

""

الله يرحمهم .. ويغفر الله .. و يسكنهم جنات الفردوس ..

و أعظم الله أجـر أهلم .. وألهمهم الصبر والسلوان ..


وصـح لسان يا ولد العم .. على هـذه القصيدة المعبرة ..

و بيض الله وجهك..


""

[عبدالله الجـــذع]

الله يغفر له ويرحمه يارب..

عايض جزله يالجزل...

صح لسانك واعتلى شانك...

محبك..

..,

[ذيب النفود]

الله يرحمهم رحمة واسعة

عايض جزاك الله خير على هالمشاعر وهالجزالة

[مرزوق حمدان العتيبي]

..
.
دايم وانت للمرجله وللجزاله عنوان .... ياعايض ..
صح لسانك ....

[/عبد العزيز الجذع/]

الله يغفر له..


وصح لسانك يا عايض.

[صالح الدعجاني]

الله يرحم اموات المسلمين ويغفر لهم
ويغفر ذنوابهم
صح لسانك

[عايض بن زوير]

أبو نجر
,,
محمد العتيبي
،،
بدر الكريزي
،،
عبدالله الجذع
،،
ذيب النفوذ
،،
مرزوق العتيبي
،،
عبدالعزيز الجذع
،،
صالح الدعجاني
،،


جميعكم أهل وفا وللوفا عنوان ولا هي غريبه يالهيلا


صحت أبدانكم




والله لا يهينكم


،،

تحياتي

[عيضه الثبيتي]

عايض المقاطي




صح لسااانك ملايين

[الذيب المقاطي]

ابو زوير
رحم الله أموات المسلمين جميعا وهذه سنة الحياة
وشهادتي فيك مجروحة ولكن ستبقى مبدعا كما عهدناك
تقبل مروري

[محمد الذيابـــي]

الله يرحمهم رحمة واسعة

عايض جزاك الله خير على هالمشاعر وهالجزالة