أجمـــل النقض و الفتل . . لشـعراء الهــيلا

[وحي العقل]

.

.

مرحباً بكم في صفحةٍ

تحمل إبداعات شعراء منتديات عتيبه الهيلا

في هذه الصفحه


اعزائي الاعضاء ارجو المشاركه في تدوين أجمل واقوى

النقض والفتل . . الذي يحدث بين شعراءنـــا

المتميــزيــن ..


.

.



لي عودة

[وافي الخماش]

سلمت يمناك واطالب بتثبيته ..
استلم يالذيب ..


سلطان الهاجري



الليل يا مستور ما دون الحلوق الا اليدين = لولاك ما طلعت سكيني ولا حديتها

مستور العـصيـمي


سكينك الي قلتها دور لها كبشٍ سمين = يا ليتها تشبعك من ذيل الطلي يا ليتهــا

[عبدالله حبيٌب الزراقي]

وحي العقل

الله يعطيك العافيه على الفكره الجميلة وموضوع يستحق التثبيت

وراح نشارك ان شاءلله معاكم بهذا الموضوع لكن سؤال المقصود فيه الابيات الخاصه بشعراء المنتدى فقط او المحاوره بشكل عام


تحياتي لك ,,

[وحي العقل]

لشعراء منتدى الهيلا

[راعي البلهـا]

مشكور أخوي وحي العقل علا هذه الفكره الرائعه
لاكن قالت العرب من ( تخيـــــــر تحيــــــر)
وأنا بصراحه إحترت فكل شعراء الهيلا
مبدعين. وبصراحه مر علي
قبل عدة أشهر أبيات أضن
هي الأقوى والأجمل
في النقض والفتل
لاكن الذاكـــره
لاتسعفني
والبـــحث
أتعبني.

[وافي الخماش]

طيب ياوحي العقل علمنا انت حطيت الموضوع بقسم المحاورات المنقولة لي عودة ..

[وحي العقل]

نايف الحميدي:
دلةٍ ماتضبط الراس لاصار معموس ****مالي بفنجالها مير عٌـده واركنـه


علي فلاح :
ندهن اشنابك ونرخي عليها حد موس**** شاربٍ ما يقبل الكيف لازم نحسنـه





النادر المطيري:
كبير يالفالح لكن احيان احس انك صغير**** تجحد مطير وبيتكم ياهل الهروج مهدما

هذا جملنا والجمل ماينتقارن بالحمير**** رحتوا عليه تدورون الجايزه والمقسما

علي فلاح :
وانا احسب انك شيخ ربعك ما دريت انك حقير****اليا انكفا ماء وجهك ارجع واغسله كله بماء

هذي على المطران يالنادر ما فالعتبان عير 0****يا شاعرٍ شبعان جوع وفقر رويانٍ ظماء

[مرزوق حمدان العتيبي]

..
احيي فيك تميزك يامبدع ..
لي عوده بحول الله .....

[وحي العقل]

على فلاح العضياني
سبحان من غيّر حوال النّـاس مـن حـالٍ لـحـال***من لا هـداه الله طريـق الخيـر مـا هـو مهتـدي
ترى الغلط منّي .... و قوفي معك ... في ماض الليال***جهدك ما ينفعك ..لـولا الله فـزع لـك ..بجهـدي


ناصر المرشدي
هذي تراها حالـة الدنيـا نـزولِ وارتحـال***العام قبلي ياوسيع العـرف واليـوم بعـدي
ان كان لك وقفه وراك تمنها يابن الرجال؟؟***والصدق مالك فضل... خل الفلسفه يالاجودي

[وحي العقل]

علي فلاح العضياني:

الجذع قالوا لـه اصحابـه تـراك اسطـوره**وشاف نفسه قال انا ( شاعر وأديب سعودي )
وان توفّى ..... اسمه مع الاسامي المشهوره**مطلق وصيـاف وابـن تويـم والمسعـودي


سلطان الجـذع

يمتدح ..نجم الجدي ..من يستدل بنـوره**منزلي بين النجوم وفوق الارض شهودي
ان توفى صاحبـك ياصاحبـي مذخـوره**مجدٍ يخلد ...كما اللي خلـدوه جـدودي

[وحي العقل]

كبتن عتيبه :

سابح البحر الغزير وشـارب العـد الزلالـي**وأعشق اللي تعشقونه ..وأكره اللي تكرهونه!!
لك ثـلاث أيـام تومـي بالعمامـه والعقالـي**والذهيـب تدورونـه فالخـلا ماتاجـدونـه!!



سعودالعصيمي :

تسبح البحر الغزير ونسبحه ياهملالي**والقلوب شهود واللي نكره ماتعشقونه
ماغدالي شي لله الثناء من راس مالي**مار مادورني الكبتن ولاابغاله معونـه

[محمد العتيبي]

لاهنت ياوحي العقل على الفكره الطيبه ..
وهذي ابيات حصلت بيني وبين استاذنا الكبير والرائع
مرزوق حمدان العتيبي ..
محمد العتيبي



ياعتيبه علموا مرزوق لايجلس وزاني
لين احل المشكله والمشكله بيني وبينه

كان مرزوق العتيبي ياعتيبه ماراني
جعل عينه ياعتيبه ماتشوف الا الغبينه



مرزوق حمدان العتيبي



ماورى المجلاس جنبك ربح في كل المعاني
مار هات العلم هاته كل شـيّ ٍ محرزينـه
انت ويش اللي غدالك قولهـا يامودمانـي
لاتدعّي ثم اخربها .... بعد ماهيب زينـه

[النجم الثابت]

سلطان الجذع=

دقايق بس من فضلك ..وأركد لك شياطينك=بعد ياصلك مردود العلـوم اللـي تجمعهـا
اظنك ناسيٍ وش هو حصيل ومكسب يدينك=نعرف طيورك اللي فالهدد تطرح براقعهـا


سعود العصيمي=


تبا تنيا وتتعب وانت ماخلصت من دينك=وانا لاجيت جيت بحجتي واسنادها معها
خذيت الاوله واللي بعدها كاحل عينـك=وحنا ماقطعنا الساقه اللي جيت قاطعهـا

[عبدالله الجـــذع]

وحي مميز يابعدي

السميــــري


ليته سقيم المشكله لا صار له عقلٍ عقيم=مار المهبل حالف(ن) أني لزوود أهبالها
هذا تراه أمرٍ صدر ماهو من أمري يانديم=عند الجوازات السعوديه علـى عمالهـا


الاسطوره


تبا تعلمـك الليـال المقبلـه والله كريـم=انا مـروض مهـره ماترجـع بخيالهـا
والا انت دايم فأخر الطابور من وقت قديم=آآآآاخر زمن /جهالها تضحك على عقالها

[محمد المنصوري]

كبتن عتيبه


بعد شدينـاك يالفالـح علـى سـرج الاصيلـه=لن تركت الماقف الغصـاب يالفالـح مصيبـه!!
واعذبك لو نشـب النـار فـي خشـم الفتيلـه=مير مابغى النار تشتب من صحيب اليا صحيبه!!


علي فلاح



الزلامي ما يدور مدح من زيـد العضيلـه=تعترف له بالرضا يازيـد ولا بالغصيبـه
راعي الشبر الطويل وراعي اليمنا الطويله=ما عليه اليا احتما الميقاف يالكبتن غليبه

[محمد المنصوري]

كبتن عتيبه


تعال يالنشمي ومـشّ السالفـه فالاتجـاه=على ماقال الاكلبي مـادام تمشـي مشّهـا
اثرك يالنشمي مسوي في هل الطائف سواه=اتجمـع العتبـان فالميعـاد ثـم تطشّهـا


النشمي


الضيف في دبرة معازيبه ليـا ربـي هـداه=على ماقال المورقي غد الضيـوف وعشهـا
النشمي اليا شافله مخطي يرده عـن خطـاه=مشقر عصى ربعي واموت وعزوتي ماغشها

[محمد المنصوري]

النشمي


المعاني لغـز للـي قبلنـا واللـي بعدنـا=والعرب ماهم سوى كلاًمعه فكـر ويدلـه
يالجذع مافيه عيب وبنتكـم حبـة ولدنـا=مار حسب الشرع نطلبها على مذهب ومله


سلطان الجذع



المعاني لغز وانته هاتها واسمع رددنـا=قدم أكبر لغز ..وازهل ياطويل العمر حله
ماعليّه كان راحت من بلدنا فـي بلدنـا=البلاء في مهرها ماجابه الرجـال كلـه

[محمد المنصوري]

سلطان الجذع


ابوي قد قال ,,لي لاغنيت محتاجك يخليـك=ترى الغنى للفسق ياكبتـن عتيبـه وسيلـه


كبتن عتيبه


اثر السبب يالجذع من واحدًا قبلك موصيّك=عساه ما اوصاك ياسلطان في ذبح الهزيله!!


سلطان الجذع


يقول خل اهتمامك بالشيـوخ عـن الصعاليـك=حرام لاجاء لك الصعلوك تذبـح لـه جزيلـه


كبتن عتيبه



اشره على اللي يجيك.. ولا اتوقّع واحد يجيك=واحسن لك اتصاحب الحضران وتسوّي بليله!!

[محمد المنصوري]

كبتن عتيبه


عطوك البيت والباب وعطوك القفل والمفتاح=لكن أنته على ماقيـل حاميهـا حراميهـا!!
يامرزوق الجراده زتدها ريش وذنب وجناح=تباهـا تستـوي لكـن ماربـي مسوّيهـا!!



مرزوق العتيبي



ترى محد ٍ بمادح فيك لازدت الصياح اصياح=وهذي سلعـة ٍ ماربـح بايعهـا وشاريهـا
انا مدري علامك ناوي لارض العرب تجتاح=ولكن العرب بارواحها مـن دون اراضيهـا

[فهد صقر الغنامي]

والله المحاورات كثيره الجميله اللتس تحمل معاني الابداع


اشكرك ايها الصديق وحي على هالموضوع

وبسم الله نبداء ولنا عوده


هذه الطاروق بمناسبة تولي بندر المرشدي منصب المدير وهو طاروق بينه وبين صديقه صنهات الغنامي:D


صنهات الغنامي :


يامرحبا ترحيبة (ن) ترقا على متن السحـاب=نبدابها بين الرجال اللـي طـوال اشبارهـا
يالمرشدي مبروك يومنك تعليـت الهضـاب=وامسيت من ضمن الحرار اللي بعال اوكارها


بندر المرشدي:


الك البقاء لاكن لاتعكس قوانين الخطـاب=يعني تسلم والعلوم اللي تبـي تختارهـا
المرشدي من خلقته ذيبٍ مخاوي له ذياب=ولا همته كثر الضواري لو تلد انظارهـا



صنهات الغنامي :


الله يبارك بك وبرجال(ن) عزيزين الجناب=مشكور في وحده والاخرى قوم دور غارها
السيف ابو حدين يابندر ومصقول النصـاب=كم من رجول وكم يدين(ن) سيفنـا بتارهـا



بندر المرشدي:

هاذي سلوم جدودنا من يوم هم فوق الركاب=انكان ما تدري ترا غيرك حفـظ معيارهـا
السيف يقطع فاليدين الطايلة والا الرقـاب=اما الرجول الله يجيـرك دوروا منشارهـا

وصحت السنتهم :D:D


زمان يافن:)

[ماجد الحنتوشي العتيبي]

معجب العتيبي

جيت للهيـلا مسـير وابا ارد السـلام=والشكر للي وصفها وقال ادخلها
قال رح للمنتدى واستمع حلو الكلام=والـعلوم الطيبه عندهـم ماتملها

ابوسليمان

مرحبا باهل الكرم في محلات الكرام=بالنيابه عن رجـال شريـف دلهـا
انت علمك طيب مايلحقك شك وملام=والعلوم الطيبه طيبهـا فـي حلهـا

[ماجد الحنتوشي العتيبي]

تركي الحربي

ياشاعر الروقه ترى فيه ميعاد ياشاعر الروقه=يالمطرب الفني حسب مايقولون يالمطرب الفني
المزن من فوقه بروقٍ ورعاد المزن من فوقه=رد الخبر عني حسب مايقولون رد الخبر عني

شاعر روق

تركي بطاروقه منادي ونشـاد تركـي بطارقـه=وبقافه ايغني حسب ما يقولـون وبقافـه يغنـي
الصيف وبروقه تقادح ولا فاد الصيف وبروقـه =مانت بعلى ظني حسب مايقولون مانت بعلى ظني

[علي الثبيتي]

موضوع جميل
ولنا عوده

[وحي العقل]

النشمي


نادو سعود العصيمي ياعسى فالامر خيره=ودنا نسمع علوم سعود من كل النواحـي
الحمل مصلوب مار سعود ماضوى بعيره=والحقيقه مانشدته وين غاب وين راحـي


سعود العصيمي


يامناديني وصلتك بالسـلاح وبالذخيـره=والوعد مابيننا يابو فهد نور الصباحـي
يامدور للجمل عان الجمل تسمع هديـره=وان بغيت العلم الاخر جاك ياطير الفلاحي

[وحي العقل]

لاهننتوا جميع من مر وفي انتظار مشاركاتكم

[مزلزل الشعار]

سلطان الجذع




مرحبا ترحيب يصرف من عتابه في عتابه=في محلٍ لو نغيب تسوقنا الاشـواق يمـه
السؤال اللي محيّرني سنه ... وابغى جوابه=الثبيتي وش يسوي لو ابوه يطلق أمـه !!!





تركي البراق




البقاء ياربعنا ياهل الشرف واهـل المهابـه=من هجوس الشاعر اللي لابدى لازم يتمّه ..!!
في ماحل الشرع جايز ياعرب مـار الغرابـه=الجذع وشلون حلت قبل عام امه لعمّـه ..؟!!





سلطان الجذع




ممسيّه كبر الخلوج ومصبحه كبر الذبابـه=كيف تركي في رجاها ينثر العفش ويلمـه
هذي اللي عند تركي من ذرى البيت لزهابه=المصيبة في محله باركه ,,, والهم همـه




تركي البراق




والله انّـا مارجينـا غـيـر ربً يلتجـابـه=وانت روّق يالجذع قدام تاتـي بالمطمـه..!!
الطبايع ماتغيّـر .. كـل رجـل وماضرابـه=ياالعصيمي صاحبك سلطان رجل بدون ذمه ..!





سلطان الجذع




كان صادق حط لك صفّين من ذروة شبابه=ثم تعيّن فالبشير اللي يكبـر فـي معمـه
كنت احسب اني معلمك القرايه والكتابـه=مادريت ان الثبيتي يخطي العلـم ويخمـه




تركي البراق




لدّ في ورقان ياسلطان وتشـوف الذيابـه=الذياب الي عشاها قلب حي يضخ دمه..!!!
لاتزكيّ وانت مالك..تـو ماكمـل نصابـه=والثبيتي لاعطاك العلم يابن روق ضمه ..!!




سلطان الجذع




ماش غير خيال صيف ٍ من عصر جها سحابه=وعدنا الاول مغثرب من عيـال ثبيـت جمـه
حية الغار أن وصلها الداب سمه فوق نابـه=ماعليها .. لانها قـد جربـت نابـه وسمـه




تركي البراق




ماجحد سيف المثنّى .. غير من فالعظم صابـه=وانته الي تجهّل البارود ليـن انـك تشمّـه .!
البـلا فالساحـر الـي شالهـا داخـل ثيابـه=لو سلم من قرصة الحيّه ..هذاك الداب خمّه ..!!




سلطان الجذع




راحت الايام تلعب لك على قـوس الربابـه=بعد خشمك حط فيه زمام .. نقاش الأزمـه
سيف ابو زيد الهلالي سلته تحمى نصابـه=وانت ماانت بهم قوم ,,,ووقفتك ماهي مهمه




تركي البراق




ياعسى فيك بركه..ماراح لـي عنـدك طلابـه=اجودي ..وقت اللوازم لانت قرم ولاانت رمّه ..!!
مرسلينـك عـام الاول ياولـد عسـاف لابـه=في مهمه.. مير ياسلطان مانجزت المهمهّ ..!!

[وحي العقل]

كل الشكر يامزلزل الشعار

[فزاع الاسعدي]

رشيد الزلامي /


من يدورلي حبيب وله واحد ريال ........... شفت وجه العازمي ولادري وين اختفى



حبيب العازمي/

......................................... ,,,,,, .......... الوكاد ريالك اقشر لا وجه ولا قفى

[بدر الديحاني]

حي العقل

حي الرجال وحي جنايت الخيل يالغالي

موضوع رائع جدد

وستلمو من أروع ماسمعت

ركزو على المعنى وقوة الابيات ،

عـــبـــدالله الـمـيــزانــي :
مايصيب الرجال الا الكـلام المصيـب =والعـرب ودهـا فيكـم ولا ودهــا
الحبال اربعه والدلـو وسـط القليـب= عــدهـا لا تـجـيـك مطير وتـعـدهـا


حــبــيــب الــعــازمـــي :
ان بغيـت الحقيقـه ماعلينـا صعيـب =دمعة العيـن شرهتهـا علـى خدهـا
كـل دلـو عراقيهـا عليهـا صليـب= هاتهـا يالمطيـري وودهــا ودهــا


عـــبـــد الله الـمـيــزانــي:
يا ولد روق في الا يام مابـه غريـب= ليتـها يـوم جاعـت ما كلـت بـدهـا
شاب راسك وعيا عارضك لا يشيـب= يـوم حديتهـا كيـف انثلـم حـدهـا


حــبــيــب الــعــازمـــي:
يدخل الشك في اللي فيه شـك وريـب= يعتـرض للقـرون المشـط ويكدهـا
يا صحيب من اول ماتغـش الصحيـب= كـان مـا شيبـت لحيتـك لابـدهـا


الله داركم

[/عبد العزيز الجذع/]

يالربع الموضوع لشعار منتدى الهيلا.

@

[عبد العزيز العضيــاني]

يقول حبيب العازمي
انا ومستور ربع ومثل الاخوان,,,,,لكن هذا السنه ماني بداري
والسر موجود في خاتم سليمان,,,,,ولا قراه سلمي ولا مطاري
قال العود؟!

هذ منول لكن اليوم يافلان,,,,,حطيت لك ياحبيب عم غاري
رفعت راسك وصار الجيب مليان,,,,,وانته منول تقيل في الكباري

قال حبـيب

وانته متى جيت عمي ياكحيلان,,,,,عمّت بك اللي تهبد في الغداري
هذا جزايه وتقديري على شان,,,,, حميتكم من سواويق اللواري

وعسى ان شاء الله تحوز على رضاكم

ونطمع في المزيد من هالنوعيه

[محمد الحمادي]

يا بحر جدّه النقض والفتل .. خاص بـ شعراء منتدى الهيلا ..



الله لايهينك :)