المساعد الشخصي الرقمي

مشاهدة النسخة كاملة : يازين سج القدم والارض ممطوره

راعي المغاتير
18-Dec-2002, 07:22 PM
هذه القصيده عصماااااااااا
بمعنى الكلمة
قصيده لا يشق لها غبار
استطاع شاعر هذه القصيده
ان يعبر تعبير عن مافي الضمير
عن الوقت الماضي وايام البدو الماضيه
وتذكرك بالتراث تراث اجدادك
وتذكرك بااحلى ايام قضيتها بالبر

يازين سج القدم والارض ممطوره = مع درب نوقٍ يهيض القلب ممشاها
ترعى من الريم والحيران مقهوره = عقب السحايب عليها نثرت ماها
أخير ياصاحبي من لعبت الكوره = واخير من كلمةٍ في الكتب تقراها
عيني بشوف البدو ياخوك مسروره = في فيضةٍ للدبش يازين مرعاها
لامن شيخ البدو كوع على كوره = والقهوجي دلته بالنار يصلاها
اهب وقتٍ مضى يامزين عصوره = تلقى العشا والشبب والناس تلقاها
واللي سمع كلمتي واهتزت شعوره = اكيد يفهم ويدرك ويش معناها
يابندر الناس منهيه وماموره = والموت ياصاحبي تراه يقفاها
اشفق على الطيب من الناس وازوره = لو ان رجلي من اجله تطول خطاها
والنفس ماهي على القشران مجبوره = نفس عزيزه وبعض الناس مابغاها
نفسي تبي ربهة بالطيب مذكوره = اللي تعز الخوي وتذلل عداها
ويابندر المعذره فالخط وقصوره = ياذخر ناسٍ تزين كا من جاها
محمد بن خربوش العضياني
ابوعيد البرقاوي
19-Dec-2002, 11:43 PM
يعطيك الف الف عااافيه اخوي راعي المغاتير وبصراحه قصيده جميله بمعنى الكلمه
وجزاك الله خيرررر


مع السلامه
()×××(×):::::::::::::::::::::>
راعي المغاتير
20-Dec-2002, 10:19 AM
الف شكر لك يابو عيد على المرور الكريم والرد اللي مثل راعيه واهم شي انها اعجبتكم
فرهــودي
20-Dec-2002, 01:42 PM
اختيار موفق..
القصيدة.. رائعة جدا.. وكاتبها في المنتدى اروع.
وننتظر منك المزيد... من الابداعات.


تقبل تحياتي،،
نسيم الليل
راعي المغاتير
20-Dec-2002, 02:41 PM
الله يسلمك ويعافيك هذا دليل على ذوقكك واشكرك على التواصل والتفاعل اللي تعودناه منك
الصمصام
21-Dec-2002, 11:21 PM
عزالله انك هيضتنا

واطربتنا

تقبل تحياتي

الصمصــــــــــــــــــــــام
راعي المغاتير
22-Dec-2002, 04:26 PM
الصمصام

الله لايهينك على الرد

واللي سمع كلمتي واهتزت شعور ** اكيد يفهم ويدرك ويش معناها
ابن عاصم
22-Dec-2002, 09:28 PM
عسي يمنا نقلة هالقصيده ما تعطب

هذا اللي اقدر اقوله
راعي المغاتير
27-Dec-2002, 12:14 PM
ومن يقوووووووووول ياابن عاصم

حياك على المرور الكريم وتشكر على الرد اللي مثل راعيه
شليويح العطاوي
19-Mar-2003, 05:38 PM
يعطيك العافيه اخوي راعي المغاتير
القصيده جميله جدا
راعي المغاتير
19-Mar-2003, 06:01 PM
شليويح العطاوي <<< عاشت االاسامي


مشكور على الرد

وعلى المرور الكريم

وتشكر على
التواصل اللي تعودناه منك

وابشرررررررررررروا يالعتبان والله بالمزيد

ولكم مني .......سلاااااااااااام وللجميع
شليويح العطاوي
19-Mar-2003, 06:06 PM
الله يخليك اخوي راعي المغاتير وماشاء الله عليك مواضيعك مثل الاماس
ماتكون الا نادرة
بس نادرة وقيمة يعطيك الف عافية وننتظرمنك المزيد
اخوكم / شليــويح
راعي المغاتير
20-Mar-2003, 12:16 AM
الله يسلمك ياشليويح العطاااااااوي

ومنتدى الهيلاااااااا يستاهل والله

وحنا مطلوب منا اكثرررررر

ونشاءالله مانقصر مع منتدنا الغااااالي


وابشروا بسعدكم وابشروا بالمزيد

ولكم مني سلااااااام .. وللجميع
علي فلاح العضياني
31-May-2005, 08:31 AM
صح لسانك يا محمد ابن خربووووش العضياني


هذا القصيد اللي بطعمه بيض الله وجهك

وبيض الله وجهك ياراع المغاتير على نقلك لهذه القصيده العصماء


اخوووكم الفالح
ابـن نـعـيـس
31-May-2005, 02:15 PM
صح لسان محمد على هذا لابداع


ووفقت يا راع المغاتير على هذا النقل والله يعطيك العافيه


تحيا111111تي
ابوعبد الرحمن22
31-May-2005, 06:40 PM
صح لسانك ولسان العضياني

قصيده جزله فعلاً

تحياتي