تسجيل الدخول

مشاهدة النسخة كاملة : المرشدي ناصر اقف واتحداه!!!!!!1

نايف ابن حديد
11-Jul-2008, 08:44 PM
سلام ردية التقدير والجاه= بالطيب تضفي على كل الحموله
المرشدي ناصر اقف واتحداه=حتى ولو شجعوه وصفقوله
ناصر المرشدي
11-Jul-2008, 09:08 PM
حيالله اللي بنا قافه ومعناه=وقي ساحة الشعر له صوله وجوله
ماكنت احسبه معنا ويش عناه =هو يحسبن التحدي بالسهوله
نايف ابن حديد
11-Jul-2008, 09:24 PM
ابقا الله الشاعر اللي ياخذ ملاه=دلوه وفالليله الظلمى دلوله
والله لتركض وتتعب ماتعداه=ياشاعرن دوب همت به ذلوله
نايف ابن حديد
11-Jul-2008, 09:30 PM
وين الصفوف ياعتابه


الليل الليل
سعود العصيمي
11-Jul-2008, 09:33 PM
سلام ردية التقدير والجاه
بالطيب تضفي على كل الحموله
المرشدي ناصر اقف واتحداه
حتى ولو شجعوه وصفقوله




حيالله اللـي بنـا قافـه ومعنـاه
وقي ساحة الشعر له صوله وجوله
ماكنت احسبه معنا ويـش عنـاه
هو يحسبـن التحـدي بالسهولـه





الله الله



نايف ابن جديد



وطالب ناصر المرشدي


وطاروق يستحق المتابعه


صحت الالسن واصلواااا






وانا فالصفين



مره هنا ومره هنا
ناصر المرشدي
11-Jul-2008, 09:36 PM
ان جيت عد الروى يرويك من ماه=من واقع التجربه كلن يقوله
يالله تطول عمر نايف وشرواه=يبا ينوش القمر ماهوب حوله
ناصر المرشدي
11-Jul-2008, 09:39 PM
سعود العصيمي


حياااك الله وشرفتنا

اما قضية الصف خلك في صفي


المصيبه هذا والله مايعود لان يذل من الكثره وان مازاد صفي اكلني
عبدالله حبيٌب الزراقي
11-Jul-2008, 09:41 PM
ياسلام ياسلام مبدعين


صح لسانك نايف ابن حديد
صح لسانك ناصر المرشدي

متابع الي النهاية ’’
ناصر المرشدي
11-Jul-2008, 09:50 PM
عبد الله


نور المتصفح بوجودك


حياك ربي
نايف ابن حديد
11-Jul-2008, 09:52 PM
ماني بجايه لو امسي وسط مضماه=عساك من ماه تلقى لك بلوله
حي القمر يوم اطالع في محياه=تبارك الله . يالله لاتزوله
نايف ابن حديد
11-Jul-2008, 10:07 PM
عبدالله الزراقي


صح بدنك ولاهنت يالسنافي
ناصر المرشدي
11-Jul-2008, 10:15 PM
ماكنت احسبك كذيا ياحلالاه=ان كان ماجيت عقدتك محلوله
انته تحت والقمر مانته بوياه=مدام ليلك علاك ارخي سدوله
نايف ابن حديد
11-Jul-2008, 10:41 PM
اثرك بحرٍ غزير ولا الحق اقصاه=مبروك يالمرشدي كاس البطوله

لكن خلك شجيع ولاتقول آه= نبي نخض البحر عرضه وطوله
ناصر المرشدي
11-Jul-2008, 11:06 PM
اثرك مثل الجبل من جاه يرقاه=لو انها تدحم فوقه وعوله
الحوت فالبحر يابو زيد تلقاه=مايمسك السابح الا مع رجوله
نايف ابن حديد
11-Jul-2008, 11:32 PM
لا والله الا لحقت مقيط ورشاه= والصيف ماجاك منه الا ثعوله
ياراعي السابق الصفرا المحذاه=لوحيت حس المصوت شفت زوله

ابو تركي صح لسانك

لاشك من الاستفاده من اللعب معك

ولنا لقا قادم ان شا الله
ناصر المرشدي
11-Jul-2008, 11:40 PM
صح لساااانك يابو كادي


وانا المستفيد والله

والسلامه منك فايده الله يخارجنا


و الوعد الجايات باذن الله