ابوطااااااايل قرب ربع ساعه ....!!!!!

[ناصر الجلاه]

..


يدور الوقت ويدور الزمان وللحياه دروس=ولكن ويش عذر اصحابنا لوطالت المده !!

وألا ياسعود ابن عمي ليا جتك الهجوس عسوس=كلامٍ في ضميرك يالعصيمي بالوفاء بده !!

[معجب العتيبي]

الله الله

يعود قلم التميز ناصر الجلاه

بالانطلاقات والهجوم الكاسح

ليخاطب صاحب الهجمات المرتده

سعود العصيمي

صحة الابدان والقلوب

ومتاابع

[ناصر الجلاه]

..

معجب العتيبي

..


مرحبا يابوسلطان .. صح بدنكـ حضوركـ مميز دائمآ

لاهنت

..

[سعود العصيمي]

ناصر هلا وغلا

استلم


يدور الوقت والا مايدور دروسنا الناموس = ومن قفابه الوقت المقفي راح ما رده


ليادقت هجوسي غنت المسحوب والمنكوس = ولن هاضت هجوسك ماطرالك من خبر عده

[سعود العصيمي]

ابو سلطاااان


صح بدنك


ولا عليك زود يابن العم

[احمد الزايدي]

شعراء مبدعين دائما


ناصر الجلاه صح السانك مليون


ابوطايل صح السانك مليون



واصلو الاابداع المعهود منكم

[ناصر الجلاه]

..


وألا ياسعود غن وسالفتنا سرها مدسوس=وشيٍ تصنعه في خاطرك في خاطري ضده !!

انا بنشدك وش تسوى الربابه لويضيع القوس=اعرف إنك رجل واعي وفيك الخير والسده !!

[ناصر الجلاه]

..

احمد الزايدي

..

صح بدنكـ يالنفيعي .. مروركــ كريـــــم

لاهنت

..

[سعود العصيمي]

نبا نلعب معك ونحارب الحراب حرب الروس = ترا علمٍ طارالك صاحبك ماراح بك قده


نقول ان الوكيد اتشيلها ماتنشري بفلوس = هذا علمي لياسايلتني هاكيه واعتده

[سعود العصيمي]

احمد الزايدي


مرحبا بك وصح بدنك

[زبن الدخيل]

نقول ان الوكيد اتشيلها ماتنشري بفلـوس
هـذا علمـي لياسايلتنـي هاكيـه واعتـده

هوى هوى
امش يبوطايل والقلب داعليك
وارتس على ناصر ولاتفكّه النهار كله

وانا مدرب صفك

[سعود العصيمي]

زبن الدخيل


مرحبا وغلا



حيّك وحي الصف اللي تدربه


يعمرك بوجودك

[ناصر الجلاه]

..


بعدها حولي يالروس واحبي تحت حد الموس=بعد وقعت عقد الصلح حبل المعرفه شده !!


انا ماني بشاريها عليها جودة الطرطوس=انا نشاد والنشاد مزحه غير عن جده !!

[ناصر الجلاه]

..

زبن الدخيل

..

صح بدنكـ يازبن .. وابوطايل مدرسه لي ويشرفني اخذ الخبره من شاعر بحجمه

لاهنت

..

[معجب العتيبي]

ناصر الجلاه

يدور الوقت ويدور الزمان وللحياه دروس=ولكن ويش عذر اصحابنا لوطالت المده !!

وألا ياسعود ابن عمي ليا جتك الهجوس عسوس=كلامٍ في ضميرك يالعصيمي بالوفاء بده !!


سعود العصيمي

يدور الوقت والا مايدور دروسنا الناموس = ومن قفابه الوقت المقفي راح ما رده


ليادقت هجوسي غنت المسحوب والمنكوس = ولن هاضت هجوسك ماطرالك من خبر عده


ناصر الجلاه

وألا ياسعود غن وسالفتنا سرها مدسوس=وشيٍ تصنعه في خاطرك في خاطري ضده !!

انا بنشدك وش تسوى الربابه لويضيع القوس=اعرف إنك رجل واعي وفيك الخير والسده !!


سعود العصيمي

نبا نلعب معك ونحارب الحراب حرب الروس = ترا علمٍ طارالك صاحبك ماراح بك قده

نقول ان الوكيد اتشيلها ماتنشري بفلوس = هذا علمي لياسايلتني هاكيه واعتده


ناصر الجلاه

بعدها حولي يالروس واحبي تحت حد الموس=بعد وقعت عقد الصلح حبل المعرفه شده !!

انا ماني بشاريها عليها جودة الطرطوس=انا نشاد والنشاد مزحه غير عن جده !!

[سعود العصيمي]

عقدت الصلح ياناصر وحد الموس فوقه روس = ابه روس تقص الموس وراسٍ ياكله حده



اجل ياصاحبي ناصر تلبس لك جديد البوس = لابد الوقت ياناصر وسع العرف لابده

[سعود العصيمي]

نكمل متى شئت


او نكتفي بهذا


ياناصر


اللي ودك


مودتي وتحياتي

[خليفة مطلق]

هنا ابداع وشعار متمكنين
تسجيل حضور

[احمد الملاح]

يا سلام شعار مبدعين كعادتهم

[سعود العصيمي]

خليفة مطلق


هلا وغلا


وشكرآ على الاطراء الجميل


احمد الملاح


شكرآ على الاطراء


والمرور

[بدر الكريزي]

""

الله الله ..

صحت السنتكم لين ترضـون ..

رائعين كالعادة ..

""

[مرجح الميزان]

ابك :) ابك :) ابك




جاري ناصر ولد الجلاه وسعود العصيمي





متواجدين في هالطاروق







عز الله انه الوزن الثقيل ان كملتوا وان خليتوه على ما هو




,,

تحياااااااتي

[ناصر الجلاه]

..

سعود العصيمي

..


يكفيني معك الصلح ههههههههه إلى اللقا في محراف جديد وقريب

لاهنت

..

..

الكريزي بدر

..


وجودكــ يشرفنا يابدر وصح بدنكـــ يالغاااالي

لاهنت

..

مرجح الميزان

..


ارررررحب يالجار مروركـ كريــــم وصح بدنكـــ الابدااااع تواجدك وحضورك المميز

لاهنت

..