... طـوحـت بالغـترة سـواة المـجانين ...

[سعود بادي]

مساء الخير
والعذر يسبق الحرف الى قلوبكم للغياب


لاضاق صدري وانكرت نومها العين "=" والهـم جالـة بالخفـوق اجتوالـي
سجيت رجلي مع فجوج الخلى .. لين "=" واخترت من روس المراقيب عالـي
فكيت ازاريري وقلت الهـواء ويـن "=" وعرضت صدري للهبوب الشمالـي
يدق جوالي .. واقـول الـة بعديـن "=" ملحوق يالمجمـول سمـح القبالـي
اجلـي همومـاً ضايقتنـي ببيتيـن "=" يبردبهـا جاشـي ويرتـاح بالـي
في خالياً مادوجوا بة هـل الضيـن "=" والسيل عـادة عقـب سيلـة ليالـي
ابرا لوضـحٍ مارعوهـا السفاهين "=" ولاهـل الشبـوك معاقبيـن الحلالـي
ماصلفقت بالرعيـة يسـار ويميـن "=" وعـن دربهـا مارددوهـا العيالـي
علط الرقاب مطيشـات السلاطيـن "=" امطيـرات النـوم سحـر وجمالـي
وضحٍ تماري (بالنعـش) فالمياديـن "=" صورة من الخالق عظيـم الجلالـي
لاجاء المزاين وازدحـام المزاييـن "=" تتلا هـذاك اليـوم ماجـات تالـي
مادوج الشراي فـي وسطهـا ديـن "=" ولخشمها ماكرمـت خشـم الريالـي
لاصوت الراعي ولدت لـة بحيـن "=" وركبت على درب الرحول العجالـي
طوحت بالغتـرة سـوات المجانيـن "=" والحقتـهـا طاقيـتـي والعقـالـي
تزهر لـي الدنيـا ورود ورياحيـن "=" وكني ملكـت الكـون كلـة حالـي
.
.
.

[مرزوق حمدان العتيبي]

..
.
نص فاخر ياسعود ... صح لسانك واعتلا شانك ....

[نايف الحميدي]

ابو بادي



صح بدنك




وتستاهل الوضح

[محمد العتيبي]

وضحٍ تمـاري (بالنعـش) فالمياديـن "=" صورة من الخالق عظيـم الجلالـي
لاجاء المزايـن وازدحـام المزاييـن "=" تتـلا هـذاك اليـوم ماجـات تالـي
مادوج الشراي فـي وسطهـا ديـن "=" ولخشمها ماكرمـت خشـم الريالـي
لاصوت الراعي ولـدت لـة بحيـن "=" وركبت على درب الرحول العجالـي
طوحت بالغتـرة سـوات المجانيـن "=" والحقتـهـا طاقيـتـي والعقـالـي
تزهر لـي الدنيـا ورود ورياحيـن "=" وكني ملكـت الكـون كلـة حالـي



الله الله الله

جبتها على الجرح يابوبادي ..
صح لسانك وصح فكرك على هذه الشامخه ..
...

[السبيــــعي]

لاضاق صدري وانكرت نومها العين " ^" والهـم جالـة بالخفـوق اجتـوالـي
سجيت رجلي مع فجوج الخلى .. لين " ^" واخترت من روس المراقيب عالـي
فكيت ازاريري وقلت الهـواء ويـن " ^" وعرضت صدري للهبوب الشمالـي

^^^^^^^

ماشاء الله تبارك الله على هالقصيدة

والله انك هيضت شجوننا يا بن بادي
صح السانك ألف

[/عبد العزيز الجذع/]

يا سلام..


قصيدة رائعة..

صح لسانك...


ولاتحرمنا من جديدكـ...

[النخيــــــش]

صح السانك


وبيض الله وجهك على القصيده


ولاهنت يالذيب

[عبدالله الجـــذع]

سعود بادي

اسم شعري لامع

صح لسانك يابوبادي على هالنادره

محبك

.

[غازي غالب]

ابو تركي

صح لسااانك حتى ترضى

شاعر علم وقصيده شااامخه بشمووخ شاعرهااا


لاشلّت يمناااك وهذي ماتسدنا منك

نطالبك بالمزيد


موودتي ,,

[أبو نجر النفيعي]

..

أبو بادي ..


شاعر علم ..وبيض الله وجهك على هالقصيده الجزله ..

وصح لسانك حتى ترضى ..

.
..

وفي انتظار جديدك ..

:)

أخوك

[مرقاب]

لاضاق صدري وانكرت نومها العين "
" والهـم جالـة بالخفـوق اجتـوالـي
سجيت رجلي مع فجوج الخلى .. لين "
" واخترت من روس المراقيب عالـي


اللله اللله ياسعود صح السانك

وتقبل مروري طال عمرك


:)

..

..

..

كرباج