سلام تسليمتن تمشي عداله .........

[أبو وافي العتيبي]

سلام تسليمتن تمشي عداله = أمنظمة ماتجي عكس النظامي
أنا زميلن متيم بالزماله = لكن ماني مفرط في حزامي

[عبدالله حبيٌب الزراقي]

من بعد ماشفت مظمون الرساله = يامرحبا وانت لك كل احترامي
لو الزماله لها بنك وحواله = ارسلتها للفقرا والظوامي

[أبو وافي العتيبي]

دام البقاء وأنت رجال الجماله = أنته من اللي يسدون المقامي
حط أحتمال الوفاء حط أحتماله = ولا شكيتك على الشيخ الزلامي

[عبدالله حبيٌب الزراقي]

الطيب والله مانقطع حباله = بالفعل ولا بتصريف الكلامي
ماودٌنا نشغله رايح في حاله = تلقى الوفا بالكمال وبالتمامي

[احمد الزايدي]

الله الله


يابووافي صح السانك مليون



وصح السان الزراقي مليون



مبدعين كاعادتكم دائما

[عبدالله حبيٌب الزراقي]

احمد الزايدي

صح بدنك مليار لاشك الابداع وجودك شرفت ونورت

[أبو وافي العتيبي]

البرق يابرق لكنه في خياله = رش المطر ماوصل عند النوامي
ياوارد العد تشرب من زلاله = أنته كريمٍ على نهج الكرامي

[أبو وافي العتيبي]

أحمد الزايدي

صح بدنك شرفني مرورك يالغالي

لك كل التقدير

[عبدالله حبيٌب الزراقي]

لن خيٌلت وامطرت بامره جلاله = بامره تهل المزون من الغمامي
ترا الكريم الذي ساقت دلاله = ماهو بحسب القبيله والاسامي

[أبو وافي العتيبي]

يابن حبيب الشهر بيّن هلاله = والدهر دوار عامٍ بعد عامي
البن فنجال والشاهي بياله = وأنته مرامك تطابق مع مرامي

[عبدالله حبيٌب الزراقي]

لو عندكم حٌل لسباب البطاله = ماكان شفنا سروق ولا حرامي
من منطلق نظرتك جواب سواله = ليش الجمل ماعلى راسه خطامي

[بدر الكريزي]

""

صحت ألسنتكم ..

واصلوا لا هنتم ..

""

[عبدالله حبيٌب الزراقي]

بدر الكريزي

صح بدنك ولاهنت شرفت ونورت

[أبو وافي العتيبي]

يالله يالله في درب السهاله = قضيتٍ واصله عند المحامي
من منطلق نظرتي مطلق عقاله = هذا الجمل للشداد وللمسامي

[أبو وافي العتيبي]

بدر الكريزي

صح بدنك ولاهنت شرفنا تواجدك

لك تحيتي

[عبدالله حبيٌب الزراقي]

الي شكا كلوته يشكي طحاله = ليته يريٌح على ريش النعامي
مدام صارت من الشيبه نذاله = في ذمتي ماحسبنا للبعامي

[أبو وافي العتيبي]

والي شكا قدرته ماله وكاله = لا كبرت المشكله والضرب حامي
مادام واقف على حيد الهاله = عينه تبى تحترم لذ المنامي

[أبو وافي العتيبي]

عبدالله الزراقي
بيض الله وجهك تشرفت بالعب معك وأستبيحك عذراً بكرة دوام والنوم وصل لنا لقاء أخر

تصبح على خير

[عبدالله حبيٌب الزراقي]

المشكله في مهربت العماله = مثل الخفافيش تنشط فالظلامي
مدري لعانه منه ولا جهاله = لعل بيت الجهاله للهدامي

[عبدالله حبيٌب الزراقي]

ابو وافي العتيبي

ووجهك ابيض عزالله اني تشرفت باللعب معاك

نوم العوافي ومعذور وصح بدك لاهنت يالذيب

[ذيب النفود]

أبو وافي صح لسانك يالشايب

عبدلله صح لسانك ياولد دعلوج