فيـــــه عـــلمٍ بيـــني وبيــــن إبن عمــي طـــلال [الأرشيف] - الهيـــــــــــــلا *** منتدى قبيلة عتيبة

الحر الأشقر

24-Jan-2004, 10:52 AM

فيـــــه عـــلمٍ بيـــني وبيــــن إبن عمــي طـــلال
..............................................علم بين إثنيـــــــن والناس ما تدري عنـــــــه
شفـــــت وسمـــك يابن ثعلي على ارقاب الجمال
..............................................شاهد ك بيـــّـــن ياليـــــت العمــود تبـــيـــنه

al_otaibe

24-Jan-2004, 10:54 AM

الحر الاشقر متميز دائما بطواريقك

متابعين لكم طال عمرك وننتظر ابن ثعلي

ويالله انا في صفك يالحر ولايهوون طلال

تحياتي
العتيبي

الحر الأشقر

24-Jan-2004, 11:08 AM

أخوي al_otaibe وجودك معنا شرف لنا وإعجابك بنا فخر ووسام لنا طال عمرك

ولا هنت والله يحييك،

ووقوفك بصفي شرف وفخر لي وأبشر بعزك إنشاء الله.

والله يجيب طلال ويمتعكم أكثر ويبسطكم ِأكثر .

ومره أخرى لا هنت

أخوك الحر الأشقر

وصل العطياني؟؟؟

26-Jan-2004, 05:50 AM

ياسلام عليك...
كعادتك مبدع...

لكن الله يعينك تنتظر طلال...

راح للمحاني مدري متى يجي ...

البرد مفقّشع قلوب النخل ...

والنخل معرفط بالصيف ويبى ينقّح السلاّ ويوبّره :D

الله يجيبه سالم ...

لاتقطع يدينه المناجل والمحاشّ :)

هوه خابره وريفل :p

تحياااااااااتي.

طلال الثعلي

06-Feb-2004, 10:44 PM

اولا:السلام عليكم ومن العايدين بعد بعد الزحمه

وكل عام وانتم بخير..

والمعذره يالحر الاشقر ولايهونون الربع.

والله اني مادخلت النت من قبل الحج.

ماصدقنا على الله نفتك من الاختبارات ..

واستلم:

ياولد عمي تكلم بعد جبت المجال
والكلام اللي يجي من طرفكم نظمنه

ماغدالي في ديركم جمل يبن الحلال

لاتقول انك لقيته ووسمي فايمنه

الحر الأشقر

08-Feb-2004, 08:56 AM

أولاً من العايدين جميعاً بعد الزحمه وكل عام وأنتم بخير.
وتقبل الله منا ومنكم صالح الأعمال.

ياطــــلال المـــرجلة شف شعوان العيال
.................................والولد لن ما أهتــواها عسى الله يلعنه
وسمـــك يسار المطيـــــه ولافيـها جدال
.................................العمـــــود يــــلوح في كــل دارٍ تقطـــنه

طلال الثعلي

08-Feb-2004, 02:01 PM

ياهلا.

وكل عام وانت بالف خير

المراجل ماتجي بالعمامه والعقال

........................................وكل شاعر يبدع القاف ويصوغ لحنه

ابن ثعلي مايعنيه براق الخيال

.....................................المحاني ديرته والمحاني مسكنه

الحر الأشقر

08-Feb-2004, 02:47 PM

أبشر إنا محتمـــــين اللـــزوم بكــــل حال
.....................................الرســـــن بـــــيديـــننا والركايب مرسنه

خابر إنك فالمحاني وعنـــــدك راس مال
....................................مير عطنى علوم عن نجد من جاكم منه

المورقي22

08-Feb-2004, 03:54 PM

الحر الأشقر طلال الثعلي

واصلوا يا مبدعين

ترانا متابعينكم

وازهوا الصفوف

يالربع

وخالص تحياتي للجميع

وصل العطياني؟؟؟

09-Feb-2004, 12:08 AM

كل عام والجميع بخير ...
كل عام وأنتم الإبداع الحقيقي...
لاهنتوا ...
واصلـــوا ونحن متابعون ...

تحيااااااتي.

طلال الثعلي

09-Feb-2004, 12:43 AM

محتميها اللي على نجد ظلله ظلال

..........................................وانت جدك راس ماله دلاله وصحنه

وش نحسب وش نخلي من ازحول الرجال

........................................الاكيد ان كل شارب يجينا ندهنه

الحر الأشقر

09-Feb-2004, 08:30 AM

راس ماله وقعت الضال مع وقعت طلال
........................................والقرود قرود لو عمرها مية سنـــــه
أبك خــــلك وازيٍ في ذرى هـاك الجبـال
......................................وإن غنمنا القوم نعطــيك ناقــه وبدنه

طلال الثعلي

10-Feb-2004, 12:38 AM

انت تجحدنا وحنا موردة الحبال

....................................كم وكم من واحدا نذبحه ماندفنه

وانت ياراع الغنايم لياقلنا تعال

...............................هات ماعندك وعطنا من الذود اسمنه

الحر الأشقر

11-Feb-2004, 01:18 PM

الخطا ما هوب مني ولامني خمال
...............................قبل لا نغلط وتغلط كلامك ثمنــــــــه
نوكلك ونوكّــلك لا متى مالك حلال
..............................في رجانا طول عمرك ولا لك هيـــمنه

طلال الثعلي

12-Feb-2004, 05:24 AM

ديرتي ديرتك يوم انت شديت الرحال

.................................ليش تتركها وفيها الحروب مدندنه

في غنا الله مانبي منك لو انه ريال

.....................................ضلعنا نايف ووقت الشدايد تزبنه

الحر الأشقر

14-Feb-2004, 11:17 AM

ما رحلنا مير حنا بعيدين الآمال
........................احتمينا نجد والــــيوم تقدر تسكــنه
كان صادق ثبت العلم بآلاد الحلال
...................... لا تجيب العــلم للناس ليــــن تبرهنه

(-العتيبي-)

15-Feb-2004, 07:35 AM

كان صادق ثبت العلم بآلاد الحلال
...................... لا تجيب العــلم للناس ليــــن تبرهنه

وصل العطياني؟؟؟

17-Feb-2004, 07:51 PM

ياسلام ياسلام ...
رائعين جداً ...
واصلوا ...
لاهنتوا..

تحيااااتي.

طلال الثعلي

18-Feb-2004, 02:28 AM

محتميها وانت هاليوم تمشيها عزال

...........................................مدري انته فايسر الطعس والا فايمنه

كان ماعندك خبربينيله ياليال
.
.....................................وانت جدك في ديرنا عظامه وكفنه

(-العتيبي-)

18-Feb-2004, 12:57 PM

كان ماعندك خبربينيله ياليال
.
.....................................وانت جدك في ديرنا عظامه وكفنه