اليل ياعتيـــــــبة

[عبدالله السبيعي]

سلام تسليم شاعر مايحب الهزل = شاعر سبيعي ليا غنا يجيب الجزل

اعداد وبل السحابة والعجم والعرب = واعداد مافالسعودية وسكانها


اعداد وبل السحابة والعجم والعرب = واعداد مافالسعودية وسكانها


ان كان به شاعرٍ موجود نسري علاه = ماعندنا مشكلة يقرب وندهن ثواه

والله ماهمني فـ عتيبة اطلق شنب = مادامني حاكم القلطة وقيفانها


والله ماهمني في عتيبة اطلق شنب = مادامني حاكم القلطة وقيفانها

[/عبد العزيز الجذع/]

صح لسانك يالسبيعي..



وفي انتظار قبيلكـ...



متابع وبقوة...

[مشاري الشلاحي]

يامرحبا يالسبيعي في محل الكرام =ترحيبةٍ وافية تمشي بسلم ونظام
لكن صوغ المعاني مثل صوغ الذهب=وألا أترك السلعة القشرى بدكانها



لكن صوغ المعاني مثل صوغ الذهب=وألا أترك السلعة القشرى بدكانها


موجود شاعر مطير أقرب وخلك فطين=وأوزن كلامك ليا من جيت للغانمين
الشعر ياصاحبي ذوقٍ وحكمه وأدب=بندقك ياصاحبي لا يهس نيشانها



الشعر ياصاحبي ذوقٍ وحكمه وأدب=بندقك ياصاحبي لا يهس نيشانها

[مرجح الميزان]

=يامرحبا بك عدد ما لاح ومض البروق
=في حلة أطول جبال الأرض برقا وروق
=والذيب عانه على راس الطويله قنب
=وان كان تقوى الصعيبه عد ضلعانها



والذيب عانه على راس الطويله قنب=وان كان تقوى الصعيبه عد ضلعانها



=المطلب اللي تريده يالسبيعي وصل
=المر عنده وعنده للصديع العسل..!!
=وان كانها عودت يا هيه يم النشب
=الله يستر على الغلبا وورعانها
وان كانها عودت ياهيه يم النشب=الله يستر على الغلبا وورعانها

[عبدالله السبيعي]

صحت السنتكم جميع وكلكم كفو عز الله

لكن

منهو قبيلي منكم :)

[مرجح الميزان]

ابد ما دام الشلاحي بدا





يتقدم





تحياتي وبالتوفيق

[مشاري الشلاحي]

عبدالله السبيعي

إذا حضر الماء بطل التيمم

وما دام العتيبي جاء هو قبيلك

وأنا والله أني ما أشوف من النوم

لكن يوم شفت ما أحد رد عليك حبيت أجاريك

لكن كمل مع مرجح الميزان

[ابن طامي]

موجود شاعر مطير أقرب وخلك فطين
وأوزن كلامك ليا من جيت للغانميـن
الشعر ياصاحبي ذوقٍ وحكمـه وأدب
بندقك ياصاحبي لا يهـس نيشانهـا


ونعم فيك وفي مطير

صح لسانك ياشاعر مطير

[عبدالله السبيعي]

يالي ترحب معي خلك عجل واحتزم = ترا معي اكبر الشعار يصبح قزم
والشاعر الي عن الماجوب فر وهرب = لاعلمه ربنا تركيبة الحانها

والشاعر الي عن الماجوب فر وهرب = لاعلمه ربنا تركيبة الحانها



في ذمتي منت بالمقصود يابن الحلال = لكن ريح وهيٌد لاتصادم جبال
انا ابتلشت بعتيبيٍ خبل ياعرب = الله يستر على عتيبة وخبلانها


انا ابتلشت بعتيبيٍ خبل ياعرب = الله يستر على عتيبة وخبلانها

[مرجح الميزان]

=الكيس مهما نفخته يالسبيعي يفش
=قدمك عتيبي يسد العين لا تنتفش..!!
=وحنا ترانا ليا قمنا نسد الطلب
=ونشوم عن راعي الهزله على شانها




وحنا ترانا ليا قمنا نسد الطلب=ونشوم عن راعي الهزله على شانها


=ما أنته بلاقي شبيهك في حلال الوفا
=مار أطلب الله ياعبدالله عساك الشفا
=والشاعر اللي تحكحك من قريص الجرب
=يمسح على بندقه ويثقل وزانها..!!



والشاعر اللي تحكحك من قريص الجرب=يمسح على بندقه ويثقل وزانها..!!

[مرجح الميزان]

يالسبيعي أعتذر عن اكمال الطاروق