قصيده تتكلم عن نفسها بتاريخ/1/12/1424 هـ

[نادرالامير]

هذا الموقف حصل اليوم الجمعه
________________________


عقب الصلاه اليوم قدم المصلين** جا عود شايل واحدن من عياله
عمر الولد يمكن يجى تسعة اسنين** مشلول حتى عود ضعيف حاله
العود قدم الناس دمعه على العين** يبكي وينخى من يدور جماله
تكفون فزعه طيبه يا هل الدين** اصبحت انا فى موقفن ينرثا له
ام الولد ماتت وغيره وراعين** وعندي تليف كبد صعب الدوا له
كم جيت مستشفى ولا من ملبين** يبغون منهو ما شكى قل ماله
بالورع ادور ولا نتيجه على الزين** صعبن على مثلي يحصل مناله
انا فقير اشكي من العسر والدين** لو لي عمل كان اكتفي من خلاله
يا كيف صار العود قدم المقيمين** يشحذ ولا احدن فى الوطن ينعنا له
وين انت ياللي تعرف الواجبه وين ** تشيل حملا كبر ابانات شاله
اليوم حانت فزعتك للمسيكين** من قدم المعروف ما شان فاله
والله لو املك مثل ناس كثيرين ** ما يشتكي الي شفت من ما جرا له

[متعب العضياني]

اخوي النادر الله يجزاك خير وصح لسانك قصيده معبره
والله يقويك وانا اخوك
الشعر باعتقادي هذا الجانب الرائع منه الذي يرضي الرب قبل الناس
الله يجزاك خير
وتقبل تحياتي

[متعب العضياني]

اخوي النادر الله يجزاك خير وصح لسانك قصيده معبره
والله يقويك وانا اخوك
الشعر باعتقادي هذا الجانب الرائع منه الذي يرضي الرب قبل الناس
الله يجزاك خير
وتقبل تحياتي

[نادرالامير]

متعب العضياني صح بدنك ميزة الشاعرانه يعكس الشي اللي يشوفه في نفس المجتع اللي يعيش فيه وتقبل تحياتي

[بارق الصيف]

يعطيك العافيه اخوى موقف صراحه يعور القلب ولكن هاذى حال الدنيا
الله يكفينا شرها وياكم ناس يملكون الملاين ولا يعطونها المستحقين
صح لسانك ولا هنت وعساك على القوه

[خالدالعصيمي]

اخوي نادر الامير

قصيده في قمة الروعه

نسال الله ان يكتب لك الاجر والثواب

[نادرالامير]

اخواني بارق الصيف وخالد العصيمي الله يسلمكم ويطول اعماركم

[ابن مشيب]

صح السانك ولسان قايلها يا نادر الامير , فعلاً قصيدة معبرة بكل ماتعنية الكلمة , نسئل الله ان يعيننا ويعين هذا الشخص , وان يشفي ابنه , انه على كل شياً قدير.......

[نادرالامير]

صح بدنك ياابن مشيب


والقصيده لي طال عمرك

[المختلف]

صح لسانك يانادر وسلمت يدك

[ابن مشيب]

كنت احسبك ناقلها من شاعر غيرك لانها في قسم الشعر الشعبي , لكن دامها من ابداعك فاصح السانك , قصيدة رائعة بكل ماتعنية الكلمة...........

[نادرالامير]

صح بدنك ياالمختلف والله يسلمك

[نادرالامير]

اخوي ابن مشيب لك حق والخطا مني انا اخطيت في وضع القصيده

[وصل العطياني؟؟؟]

صح لسانك...
قصيدة معبرة...
وعلى الرغم من حزنها إلا أنها إحتفظت بجوهرها الإبداعي...
سلمت يداك...


وماحصل خطأ...
( السارية ملحوقة) !!!
ننقلها لقسم قصائد الأعضاء وبكل سرور...






تحيااااااتي.

[نادرالامير]

صح بدنك ياوصل والطيبه ماهي غريبه عليك



مشكور

[بن حادي]

الاخ العزيز نادر صح لسانك وجزاك الله خير فعلا قصيدة معبره وطيبة من طيب ولكن ايش رايك في هذا اللي صاير كل بعد صلاة يطلع واحد ولااثنين ويتكلمون عن طروفهم الصعبه والله وانا اخوك ماعاد ادري من اصدق

[نادرالامير]

الاخ المحترم ابن حادي صح بدنك والله يطيب فالك والمعذره على الرد المتأخر لأ ني جاهل في الجهاز اما بالنسبه للي تكلم عنهم مانعلم عنهم الله اللي يعلم والصحيح ماهوب معجبني شغلهم لكن الموقف اللي شفته حرك شعوري طال عمرك على العز والكرامه

[داهية عتيبة]

صح لسانك طال عمرك
الله لايهينك

[نادرالامير]

صح بدنك ياالداهيه

الله يطول عمرك



وبارك الله فيك