عمر الدغيلبي
04-Jul-2008, 01:25 PM
السلام عليكم
مساكم الله بالخير
أقدم لكم ديوان الشاعر / سالم بن ملهي الدغيلبي العتيبي
وجميع ما احتواه الديوان من قصائد من تنزيل
إبنه سعود بن ملهي ومن تنزيل الأستاذ / فيصل المسعودي
وهاهي أمامكم في موضوع واحد
وأرجو أن تنال على إعجابكم
الشاعر / سالم بن ملهي الدغيلبي
http://www.mn3r.com/files/uploads/0f7c29df84.jpg
القصيدة الأولى /
قصيدة الشاعر سالم بن ملهي ضمن فعاليات ملتقى قبيلة عتيبه لمزايين الإبل
باسم رزاق الخلايق نبتـــــــــــــدي = الله اكبر عد ماهل الهـــــــــــــلال
وله في كل الفرايض نسجـــــــــــــدي = العظيم اللي عليه الاتكـــــــــــــــال
والمليك اللي برايه نقتـــــــــــــــدي = غيثنا وقت الشدايد والثقـــــــــــــــال
اله نعلن بالولى ونئيـــــــــــــــــدي = المليك اللي حكمها بالعــــــــــــدال
افتخر لا قلت له يا سيـــــــــــــدي = ابو متعب جعل حكمه ما يـــــــزال
وسيدي سلطان ماعنه نغـــــــــدي = بالظفر والطيب يضربه مثــــــــال
الامير ابن المليك القايـــــــــــــــدي = قايد القوات في يوم القتـــــــــــــال
زغـردي ياحـلا القصايـد زغــردي = بالجنوب وزغردي صوب الشمال
وعانقـي نجـمـة سهـيـل وعــودي = وزغــردي بمـزايـن الهـيـلا لـيــال
وعلقي قولـة هـلا فــوق الـجـدي = كثـري الترحيـب بزحـول الـرجـال
اكثـر الترحيـب فـي مشـي وعـدي = مثل شرب الهيل من صفـر الـدلال
ربـعـي الهـيـلا الـيـا بــار الـــردي = تـاج راسـي لا صفـق جـال بـجـال
ربـعــي الـهـيـلا كـعــام المـعـتـدي = مكرمين الضيـف وافيـن الخصـال
ربـعـي الهـيـلا لـيـا قـــل جـهــدي = هضبـة فـي ظلهـا انعـم بالـضـلال
هضبـة فـي ظلهـا انعـم واسـعـدي = وسيـفً اضربـه ليـل جالـه مجـال
عـزوتـي يـــالاد مـنـعـر مـسـنـدي = صلب جدي فزعتـي فـي كـل حـال
اكـسـبــو قــولــة نــعــم لــلابــدي = والهم البيضاء على روس الطوال
ربعـي الظـفـران والـهـم تشـهـدي = ماضـي الايــام مــع ســود اللـيـال
مامشـت مـع خيلهـم خيـل الــردي = ذا كــلام الـصــدق مايبـغـاءسـؤال
الهم التاريخ يشهد يابعـــــــــــــدي = ولتويجري بمدح ربعي ويش قال
دغيلبي في يميني مشهـــــــــــــدي = طيب ابوي وطيب ربعي و الخوال
قلتها من شان جدي وولـــــــــــــدي = والكبير من الرفاقه والعيـــــــــــــــال
القصيدة الثانية / قصيدة مدح في الأمير عبدالعزيز آل جلوي
لا و الله اللي قربت نقلت الطير= من يوم بان سهيل عقب الكسوفي
تجمعت عقب الغياب الصقاقيــر = كــل يشــيل الطير فــوق الكفوفي
كل يشيل الطير ويلوح عصيـــر = عسى تعبهم في الطيور مخلوفـــي
متولمين للحبارى المعابيــــــــر = الطير جاهز و المواتر وقوفــــــي
مافيه عذر ولا تفيد المعاذيـــــر = كمل بقرناسة عديم الوصوفـــــي
متى يعود من الإجازة على خير = اللي اليا جيته يقدر ظروفـــــــــي
راع العلوم الطيبة و المقاديــــر = منصاي لا شحت على الظعوفـي
كريم سبلا في الليالي المعاسير = اللي ليوعود بالمواعيد يوفــــــــي
نسل الرجال اللي تقود الطوابير = مطوعت عدوانها بالسيـــــــوفي
لانا طحن ورد المنايا المصادير = زيزومها عبدالعزيز معروفــــي
الشور شوره لوتطول المشاوير= والشوف شوفه لاقصر كل شوفي
هداج تيماء ما يحسب المخاسير= جمايله محصي عددها ولوفـــــي
غيث الرجال أهل الوجيه المسافير= وفرحة خوياً بالسجون محذوفي
يا سعود له عندي معزه و تقدير = عندي يعادل نور عيني وشوفـي
القصيدة الثالثه / قصيدة مدح في زابن بن شالح الدغيلبي
رزقي على اللي كل الارزاق بيديه = الواحد الاحد جزيل العطايا
ورزق ورا الانذال مانيب راجيـــه = خزاين الله يابو سالم ملايا
ومن باعني ببلاش بالصد اجازيــه = خلة يولي لعنبوا ذا الحلايا
ومن خلقني مااقول للخبل لبيـــــــه = والله لوانة من ادنى الدنايـا
ومن غير اخوي العود اقبل يديه = هذا بلاية كان فية بلايــــــــا
وانا رفيقي عارفة وافتخر فيـــــه = راعي الحمايا كان جت بلحمايا
رفيقي اللي جعل ربي يخليــــة = الله يفكه من صدوف المنايـــــــا
غيث الرفيق وغيث من جاه ناصيه = هوراعي الفزعه حميد السجايا
وان قيل منهو قلت مانيب مخفية = زابن ولد شالح مافيها خفايــــا
رفيق يغليني وانا مثله اغليـــــه = لا شافني قدم جزيل التحايا
زابن كفو ذكره مع الناس يكفيه = افخر بذكره مع جميع البرايا
هو صلب جدي لا انكر الخبل عانيه = هو تاج راسي فزعتي هو ذرايا
القصيدة الرابعه / قصيدة نصح وتوجيه
خليك في راس الجبل لا تضيعين=خليك في روس الجبال الطويله
تمسكي روس الرجال السليطين=اللي ليا ثقل الحمل ترتكيله
أهل الكرم وأهل الوفاء وأهل الدين=شومي لهم يابنت بأية وسيله
شومي عن ضعوف العرب والمساكين=ترا الهزيلة طول عمره هزيله
تجنبي درب الزلق لا تطيحين=طيحتك يابنت النشاما ثقيله
وليا عشقتي فعرفي من تعشقين=لا تعشقين الا الرجال الأصيله
تحكمي فالقلب والفكر والعين=دمٍ تعشقينه من أية فصيله
تراك في غبة بحر لا تغرقين=موت الشرف ولا حياة الفشيله
وانتي من انتي فوق ثم فوق ومنين=قبيلتك ياخير والله قبيله
وأنا ولد عمك على العسر واللين=سترك وعونك في الليال البخيله
القصيدة الخامسه /
مرثية في خويه زيد بن بندر الشمري رحمه الله
لعل قبراً دفن به زيد يسقيه=وبل السحاب ومدلهم المزوني
يمطر على قبر السنافي ومن فيه=وينبت على قبره جثال الغصوني
وعسى الخزامى والنفل من حواليه=وزهور فوق القبر من كل لوني
لا واخويي كل ماوحيت طاريه=قاما يهلن العباير عيوني
خويي اللي طول عمري مخاويه=والله مانسى زيد مهما يكوني
لو طالت الايام مانيب ناسيه=مدام راسي حاملاته متوني
والحمدالله والشكر ولبيه=لرضيت ربي كل شيء يهوني
القصيدة السادسه / قالها في / عبدالله بن محمد الفغم
حيث ان عبدالله الفغم قام بإهداء الشاعر / سالم الدغيلبي طير باهض الثمن
وقام شاعرنا ببدع قصيدة شكراً وعرفاناً منه لهذا الموقف الوفي من الفغم
طيبك ياعبدالله مايحتاج تبريق=شيخٍ ولد شيخ على مستواها
انته ولد زيزومها حزة الضيق=وخوالك شيوخ العرب وومراها
من روس ربعٍ كلبوهم مطاليق=اللي يذري بالشدايد ذراها
لا زغردن بيض البني للعشاشيق=محمد عقيد القوم قايد لواها
كل الفغمه رجال لا نشف الريق=وزود على هذا جزيل عطاها
انتم هل العليا مثل هضبة طويق=من ضدته غبر الليالي نصاها
اخوان صبحا لا صفح كل رقريق=لا ثارت الهيجا ودخن سماها
اهل الكرم والجود من غير تلفيق=تكرم يمانيها وتكرم لحاها
ارفعلك البيضا بروس الشواهيق=اهل الكرم والجود هذا جزاها
مع احزل التحايا والإحترام :cool:
مساكم الله بالخير
أقدم لكم ديوان الشاعر / سالم بن ملهي الدغيلبي العتيبي
وجميع ما احتواه الديوان من قصائد من تنزيل
إبنه سعود بن ملهي ومن تنزيل الأستاذ / فيصل المسعودي
وهاهي أمامكم في موضوع واحد
وأرجو أن تنال على إعجابكم
الشاعر / سالم بن ملهي الدغيلبي
http://www.mn3r.com/files/uploads/0f7c29df84.jpg
القصيدة الأولى /
قصيدة الشاعر سالم بن ملهي ضمن فعاليات ملتقى قبيلة عتيبه لمزايين الإبل
باسم رزاق الخلايق نبتـــــــــــــدي = الله اكبر عد ماهل الهـــــــــــــلال
وله في كل الفرايض نسجـــــــــــــدي = العظيم اللي عليه الاتكـــــــــــــــال
والمليك اللي برايه نقتـــــــــــــــدي = غيثنا وقت الشدايد والثقـــــــــــــــال
اله نعلن بالولى ونئيـــــــــــــــــدي = المليك اللي حكمها بالعــــــــــــدال
افتخر لا قلت له يا سيـــــــــــــدي = ابو متعب جعل حكمه ما يـــــــزال
وسيدي سلطان ماعنه نغـــــــــدي = بالظفر والطيب يضربه مثــــــــال
الامير ابن المليك القايـــــــــــــــدي = قايد القوات في يوم القتـــــــــــــال
زغـردي ياحـلا القصايـد زغــردي = بالجنوب وزغردي صوب الشمال
وعانقـي نجـمـة سهـيـل وعــودي = وزغــردي بمـزايـن الهـيـلا لـيــال
وعلقي قولـة هـلا فــوق الـجـدي = كثـري الترحيـب بزحـول الـرجـال
اكثـر الترحيـب فـي مشـي وعـدي = مثل شرب الهيل من صفـر الـدلال
ربـعـي الهـيـلا الـيـا بــار الـــردي = تـاج راسـي لا صفـق جـال بـجـال
ربـعــي الـهـيـلا كـعــام المـعـتـدي = مكرمين الضيـف وافيـن الخصـال
ربـعـي الهـيـلا لـيـا قـــل جـهــدي = هضبـة فـي ظلهـا انعـم بالـضـلال
هضبـة فـي ظلهـا انعـم واسـعـدي = وسيـفً اضربـه ليـل جالـه مجـال
عـزوتـي يـــالاد مـنـعـر مـسـنـدي = صلب جدي فزعتـي فـي كـل حـال
اكـسـبــو قــولــة نــعــم لــلابــدي = والهم البيضاء على روس الطوال
ربعـي الظـفـران والـهـم تشـهـدي = ماضـي الايــام مــع ســود اللـيـال
مامشـت مـع خيلهـم خيـل الــردي = ذا كــلام الـصــدق مايبـغـاءسـؤال
الهم التاريخ يشهد يابعـــــــــــــدي = ولتويجري بمدح ربعي ويش قال
دغيلبي في يميني مشهـــــــــــــدي = طيب ابوي وطيب ربعي و الخوال
قلتها من شان جدي وولـــــــــــــدي = والكبير من الرفاقه والعيـــــــــــــــال
القصيدة الثانية / قصيدة مدح في الأمير عبدالعزيز آل جلوي
لا و الله اللي قربت نقلت الطير= من يوم بان سهيل عقب الكسوفي
تجمعت عقب الغياب الصقاقيــر = كــل يشــيل الطير فــوق الكفوفي
كل يشيل الطير ويلوح عصيـــر = عسى تعبهم في الطيور مخلوفـــي
متولمين للحبارى المعابيــــــــر = الطير جاهز و المواتر وقوفــــــي
مافيه عذر ولا تفيد المعاذيـــــر = كمل بقرناسة عديم الوصوفـــــي
متى يعود من الإجازة على خير = اللي اليا جيته يقدر ظروفـــــــــي
راع العلوم الطيبة و المقاديــــر = منصاي لا شحت على الظعوفـي
كريم سبلا في الليالي المعاسير = اللي ليوعود بالمواعيد يوفــــــــي
نسل الرجال اللي تقود الطوابير = مطوعت عدوانها بالسيـــــــوفي
لانا طحن ورد المنايا المصادير = زيزومها عبدالعزيز معروفــــي
الشور شوره لوتطول المشاوير= والشوف شوفه لاقصر كل شوفي
هداج تيماء ما يحسب المخاسير= جمايله محصي عددها ولوفـــــي
غيث الرجال أهل الوجيه المسافير= وفرحة خوياً بالسجون محذوفي
يا سعود له عندي معزه و تقدير = عندي يعادل نور عيني وشوفـي
القصيدة الثالثه / قصيدة مدح في زابن بن شالح الدغيلبي
رزقي على اللي كل الارزاق بيديه = الواحد الاحد جزيل العطايا
ورزق ورا الانذال مانيب راجيـــه = خزاين الله يابو سالم ملايا
ومن باعني ببلاش بالصد اجازيــه = خلة يولي لعنبوا ذا الحلايا
ومن خلقني مااقول للخبل لبيـــــــه = والله لوانة من ادنى الدنايـا
ومن غير اخوي العود اقبل يديه = هذا بلاية كان فية بلايــــــــا
وانا رفيقي عارفة وافتخر فيـــــه = راعي الحمايا كان جت بلحمايا
رفيقي اللي جعل ربي يخليــــة = الله يفكه من صدوف المنايـــــــا
غيث الرفيق وغيث من جاه ناصيه = هوراعي الفزعه حميد السجايا
وان قيل منهو قلت مانيب مخفية = زابن ولد شالح مافيها خفايــــا
رفيق يغليني وانا مثله اغليـــــه = لا شافني قدم جزيل التحايا
زابن كفو ذكره مع الناس يكفيه = افخر بذكره مع جميع البرايا
هو صلب جدي لا انكر الخبل عانيه = هو تاج راسي فزعتي هو ذرايا
القصيدة الرابعه / قصيدة نصح وتوجيه
خليك في راس الجبل لا تضيعين=خليك في روس الجبال الطويله
تمسكي روس الرجال السليطين=اللي ليا ثقل الحمل ترتكيله
أهل الكرم وأهل الوفاء وأهل الدين=شومي لهم يابنت بأية وسيله
شومي عن ضعوف العرب والمساكين=ترا الهزيلة طول عمره هزيله
تجنبي درب الزلق لا تطيحين=طيحتك يابنت النشاما ثقيله
وليا عشقتي فعرفي من تعشقين=لا تعشقين الا الرجال الأصيله
تحكمي فالقلب والفكر والعين=دمٍ تعشقينه من أية فصيله
تراك في غبة بحر لا تغرقين=موت الشرف ولا حياة الفشيله
وانتي من انتي فوق ثم فوق ومنين=قبيلتك ياخير والله قبيله
وأنا ولد عمك على العسر واللين=سترك وعونك في الليال البخيله
القصيدة الخامسه /
مرثية في خويه زيد بن بندر الشمري رحمه الله
لعل قبراً دفن به زيد يسقيه=وبل السحاب ومدلهم المزوني
يمطر على قبر السنافي ومن فيه=وينبت على قبره جثال الغصوني
وعسى الخزامى والنفل من حواليه=وزهور فوق القبر من كل لوني
لا واخويي كل ماوحيت طاريه=قاما يهلن العباير عيوني
خويي اللي طول عمري مخاويه=والله مانسى زيد مهما يكوني
لو طالت الايام مانيب ناسيه=مدام راسي حاملاته متوني
والحمدالله والشكر ولبيه=لرضيت ربي كل شيء يهوني
القصيدة السادسه / قالها في / عبدالله بن محمد الفغم
حيث ان عبدالله الفغم قام بإهداء الشاعر / سالم الدغيلبي طير باهض الثمن
وقام شاعرنا ببدع قصيدة شكراً وعرفاناً منه لهذا الموقف الوفي من الفغم
طيبك ياعبدالله مايحتاج تبريق=شيخٍ ولد شيخ على مستواها
انته ولد زيزومها حزة الضيق=وخوالك شيوخ العرب وومراها
من روس ربعٍ كلبوهم مطاليق=اللي يذري بالشدايد ذراها
لا زغردن بيض البني للعشاشيق=محمد عقيد القوم قايد لواها
كل الفغمه رجال لا نشف الريق=وزود على هذا جزيل عطاها
انتم هل العليا مثل هضبة طويق=من ضدته غبر الليالي نصاها
اخوان صبحا لا صفح كل رقريق=لا ثارت الهيجا ودخن سماها
اهل الكرم والجود من غير تلفيق=تكرم يمانيها وتكرم لحاها
ارفعلك البيضا بروس الشواهيق=اهل الكرم والجود هذا جزاها
مع احزل التحايا والإحترام :cool: