المساعد الشخصي الرقمي

مشاهدة النسخة كاملة : قــــــالوا عـــــــلامك


شوك
03-Jul-2008, 11:37 PM
قــــــالوا عـــــــلامك

قالوا علامـك قلت مشغـول بالي = من بعد شفت الزين ما ني بمرتاح
من طول فكري به سهرت الليالي = واصبحت من ذكره كما طير نواح
ياليت يدري ويش صـار وجرالي = ما كان يتركني معذب ولا راح
نار الحشا من وجد روحي تصالي = ما كن جوفي غير مطعون برماح
كله سبايب شوق ظبي بدا لي = اشغل حياتي لين صارت بلا راح
محبـوبي اللي ضحكتـه در لالـي = ما ظنها ألا برق خاطف ليا لاح
والخـد مثل الشمس وقت الزوالي = يوضي لمن يسر الليالي ليا شاح
في وسط خده نوع حمره وخالي = ما كنه إلا ورد صافي وتفاح
والرمش فوق العين مثل الظلالي = يظلل المحبوب عن كل لفاح
والعين بحرٍ واسعٍ به لوالي = يغرق به الولهان لو كان سباح
ريقه عسل مخلوط سكر وحالي = والطيب كادي والعرق ورد فواح
والجيد شكله مثل عنق الغزالي = والشعر مثل الليل ما بعده إصباح
ويش آبا أوصف في عجيب الدلالي = تصعب تواصيفه على كل مداح
يا ناس قولوا له يخل التغالي = ما ينفعه والله لعبه بالارواح
إما يقابل شوقي اله بوصالي = ولا يخل القلب يا ناس سواح
ما ني عقب فرقا حبيبي بسالي = اثر الهوى من جد قاتل و سفاح

محمد النفيعي511
05-Jul-2008, 07:47 PM
http://www.up-00.com/uploads/rMh79536.gif (http://www.up-00.com/)

عبدالله الجـــذع
07-Jul-2008, 03:26 PM
شوك

قصيــده جميــله جدا
تخضبت بالعذوبه والرقــه

صح لسانك على هالجزله
ولاتحرمنا جديد قلمك ورائع فكرك

محبك
.,

معجب العتيبي
08-Jul-2008, 11:56 AM
الله الله اللله

مبدع ياشوك


صح لسانك