المساعد الشخصي الرقمي

مشاهدة النسخة كاملة : عبدالله حبيب الزراقي طاب ليلك ,,,

مرجح الميزان
02-Jul-2008, 10:58 PM
ياسلام الله سلام"ن" مثل نفح العبير=في حلال غيمة الضيف منها تنجلي
الحموله يا ولد روق في ظهر البعير=وكان عيا..!! لا تقول البعير معقلي
عبدالله حبيٌب الزراقي
02-Jul-2008, 11:22 PM
طابت ايامك يامرجح اسفرت وانورت


مرحبا ياصاحبي ياعسى حالك بخير = ليت والله كنت عندي وذكي لك طلي
الحموله فالظهر والقدم فيها يسير = والجمل ياصاحبي للحموله ينقلي
مرجح الميزان
02-Jul-2008, 11:37 PM
بوجودك ..




البقا بك ..والليالي رحاة تستدير=وكرمتك في منزلك ما تجي في منزلي..1!
من يريد المرجله يسلك الدرب العسير=والدروب الهينه للباس المخملي
السبيــــعي
02-Jul-2008, 11:39 PM
هالله هالله

بداية طيبـــــة .. وفالكم التوفيق

يا عبدلله .. ويا مرجح


وصح السنتـــــكمـ
\

\
مرجح الميزان
02-Jul-2008, 11:41 PM
هلا والله بالغلبا ,,
عبدالله حبيٌب الزراقي
02-Jul-2008, 11:50 PM
المحبه والمعزه لها الشي الكثير = والكريم الي قدوره على النار تغلي
الردي ياصاحبي لو لبس بشت الامير = ماتعٌليه المراجل ولا هو معتلي
عبدالله حبيٌب الزراقي
02-Jul-2008, 11:51 PM
السبيعي

صح بدنك شرفت ونورت
/عبد العزيز الجذع/
03-Jul-2008, 12:00 AM
الله الله...

صحت السنتكم...



تحياتي ...
عبدالله حبيٌب الزراقي
03-Jul-2008, 12:01 AM
عبدالعزيز الجذع

صح بدنك شرفت ونورت
مرجح الميزان
03-Jul-2008, 12:06 AM
الله اللي يعلم الغيب وأحوال الضمير=اترك الهرج المثالي.. تسمع ما يلي
في ظلال الشجره اللي على الحد الخطير=العرب تاكل بعضها لعين الأحولي
مرجح الميزان
03-Jul-2008, 12:10 AM
صح بدنك يا عبدالعزيز
عبدالله حبيٌب الزراقي
03-Jul-2008, 12:22 AM
الحقيقه كل عاقل يشير ويستشير = لو كلام الناس ماهو كتاب ٍ منزلي
العرب هذا السنه روٌحت سودة عسير = لجل عينن من رمدٌها تذٌر المكحلي
مرجح الميزان
03-Jul-2008, 12:43 AM
لا تعلمني ..وعلم بها العقل الغرير = صاحبك يا صاحبي بالخبر ما يجهلي
يا زمان العافيه دوم للوقت الأخير=المقاطي.. صار مع صاحب له مبتلي..!!
مرجح الميزان
03-Jul-2008, 12:44 AM
:)


عبدالله الزراقي صح لسانك .. وأشكرك على اتاحة الفرصحه
عبدالله حبيٌب الزراقي
03-Jul-2008, 12:58 AM
انخفض سعر الذهب وارتفع سعر الشعير = ماش غيرك سيف ياسيف ابو طالب علي
المقاطي صاحبه مالقى نفس المصير = علٌها خيره وكلن بجهده يعملي
عبدالله حبيٌب الزراقي
03-Jul-2008, 12:59 AM
مرجح الميزان صح بدنك ولي الشرف بهذه الفرصه