سلامووو عليكم :)

[شـــلـــهوب]

السلام عليكم ورحمة الله وبركاته


حبيت تكوني مشاركتي الاولى هنا في منتدى المحاورة





ياسلام الله بقاف ٍ ماختلف كمّه ونوعه=عايَش العصر القديم وواكب العصر الحضاري

أغلب الشعار سبته راح في ذمّة ربوعه=لو تهيّضه اللحون ولو تسرّيه الطواري

[مدقق القوافي]

وعليكم السلام ورحمة الله وبركاته
وبدايه جميله ان شاء الله وحياك ربي ياشلهوب

البقا واهلا بقافن يسبق سهيل بطلوعه=فالسما نورن يشع وللوطا كاشف رداري
صاحبي شلهوب ضيف اهل الكرم منهم ربوعه=من هل الوديان ولا دوسري ولا مطاري

[السبيــــعي]

هالله هاالله

شلهوب .. مدقق القوافي

صح السنتكـــمـ

واصلـــوا يا بعدي

[مدقق القوافي]

السبيعي صح كلك وسلمت

[شـــلـــهوب]

والله إنّي مازهمته بالإسم لو حب كوعه=واحد ٍ ماهو مع أهل المعرفه كاتب وقاري

وإن جهلني كيف يجهل شيخ،، مزحم تحت طوعه=بدر (شلوب) المسمّى فالوغى ذيب المساري

[عبدالله الجـــذع]

الله اكبــر..

صحت الالسن شعرائــنا

قاف رائــع
متابع لكم حتى النهايه

محبكم

,’

[شـــلـــهوب]

السبيعي مشكور ومجمل




عبدالله الجذع مرورك شرف ولاهنت

[شـــلـــهوب]

اتمنى من المشرفين تعديل ( شلوب)


اللي في عجز البيت الثاني (شلهوب) خطأ مطبعي

[ذيب النفود]

صحت السنتكم يامبدعين

ومتابعين

[مدقق القوافي]

عبد الله الجذع ,ذيب النفود, صحت ابدانكم شرفتونا

[مدقق القوافي]

ياكل الذيب الجمل لو الجمل ما سد جوعه=والقدر والموت غصبا عنك ماهو بختياري

ماجهلنا بدر بن مارق وحنا من فزوعه=وانت لاعقبك بدر ولا انت ذيبن للغداري

[شـــلـــهوب]

حنّا عييّنا لا نتوافق في التوقيت من أول ليله :)


فلكن هاك وصح لسانك ولاهنت يالغالي







لو مدقق يطعم العلم ويضمّه في ضلوعه=يستريح ويخدمه فاللازمه راع السواري

كل علم ٍ لن ثبت مصدره ماتجهل فروعه=والعتيبي لو جهل فالعلم مايعذره غاري

[شـــلـــهوب]

أشكر كل من مر هنا والى لقااااااء قريب


اخوكم ومغليكم