قادح شرار العتيبي ماسك الطاره.. @@

[مرجح الميزان]

قادح



انه لمن دواعي سروري مجاراتك.. :)





قادح.. شرار.. العتيبي.. ماسك الطاره..!!=ويمتر المنتدى ..والمنتدى خالي
قلت آتجمل معه ..وأنشد عن أخباره=يمكن يجينا بعلم يشرح البالي

[/عبد العزيز الجذع/]

صح لسان يا مرجح..


وفي انتظار ضيف كرسي الاعتراف...


اظنه قاعد يجاوب على الاسئلة في كرسي الاعتراف الشباب محجرينله:d

[السبيــــعي]

صـــح السانــــكـ اخوي مرجح الموازين ..

الله يعطيك العافية على هالطاروق المميز




قااادح شرار الله يعينه ابتلش بالكرســــي
على قولة عبدالعزيز استلموه الربع هناك

\

[قادح شرار]

هلا حيا الله أخوي مرجح الميزان . المعذرة يا أخوك ما شفت طلبك غير هالحين . وأتشرف باللعب مع شاعر كبير مثلك .


قادح..شرار..العتيبي..مهجّد الحاره = دوك الخبر جاك واضح يا بعد حالي


يمكن يجاملك قادح يرخي فناره = من شان يحفظ حلالك بين الأموالي

[قادح شرار]

صح لسان يا مرجح..


وفي انتظار ضيف كرسي الاعتراف...


اظنه قاعد يجاوب على الاسئلة في كرسي الاعتراف الشباب محجرينله:d

محجرين لي . :D .

الله يقطع أبليسك يا أبو عزة . لا بالعكس مستمتع مع الأسئلة , هو ما غير سؤالك كان أصعب سؤال .


تحياتي لك .

[قادح شرار]

صـــح السانــــكـ اخوي مرجح الموازين ..

الله يعطيك العافية على هالطاروق المميز




قااادح شرار الله يعينه ابتلش بالكرســــي
على قولة عبدالعزيز استلموه الربع هناك

\

لا يا أبو نورة .

قادح مووجود بس ما شفت أخوي المرجح يوم جاب الطاروق كنت خارج المنتدى .

ما عليك من كلام عبدالعزيز . :D

مشكووووور على مرورك طال عمرك .

[Man من العتبان]

هلا حيا الله أخوي مرجح الميزان . المعذرة يا أخوك ما شفت طلبك غير هالحين . وأتشرف باللعب مع شاعر كبير مثلك .


قادح..شرار..العتيبي..مهجّد الحاره = دوك الخبر جاك واضح يا بعد حالي


يمكن يجاملك قادح يرخي فناره = من شان يحفظ حلالك بين الأموالي


هالله هالله

صح لسانك ولا يهون مرجح الميزان


<<< ماسك صف مع قادح شرار >>>

[مرجح الميزان]

هلا ومرحبا



ولا أبطى من جا.. ياقادح مار استلم ..استلم :)




يابو شوارب نعرفك معك صفاره=في حارتك كل ليله تطرد الفالي.. !!
لكن صيدتك سهله ,,والخبر شاره=ثنتين من محزمي تسدحك طوالي

[مرجح الميزان]

ياهلا والله ومرحبا حي الله كل من مر :)

[بندر الحافي]

صحت السنتكمـ

شي ما يوصف

ثنتين من محزمي تسدحك طوالـيش

بإنتـظار قادح شرار ليكتمل الطاروق بحلته الاملة

في امان الله

[قادح شرار]

طيب طيب ...



راع الموازين يمشي .. راكب حماره = ويظن نفسه على الميدان خيّالي

وسلاحه اللي معه .. مهسوس معياره = ليته يروّح ويرعى فالخلا الخالي

[قادح شرار]

هالله هالله

صح لسانك ولا يهون مرجح الميزان


<<< ماسك صف مع قادح شرار >>>


هلا حيا الله MAN .

صح بدنك يالغالي .

والصف بلا شك يزهابك .

ومشكووووووور على مرورك طال عمرك .

[قادح شرار]

صحت السنتكمـ

شي ما يوصف

ثنتين من محزمي تسدحك طوالـيش

بإنتـظار قادح شرار ليكتمل الطاروق بحلته الاملة

في امان الله


هلا حيا الله بنـــدر .

مرورك لا يوصف مدى سعادتي فيه .

مشكووووووور على مرورك طال عمرك .

[السبيــــعي]

هههه

صح السنتكم
قادح .. و.. مرجح الموازين

مبدعيــــن والله

\

[مرجح الميزان]

الله ,,الله



ياعنك لا من نوى صاحبك مشواره=ما هو مخلي في رجلك قيد وحبالي..!! <<<
رميت لك فالبحر طعم وسناره=جيت متهور نسيت المر.. والحالي..

[مرجح الميزان]

مان من العتبان والحافي والسبيعي .. صحت الأبدان حياكم الله :)

[قادح شرار]

ههههه , أسمع



الطير ينقر حصاه ..براس منقاره = والله زمن شين .. كثرت فيه الأهوالي


لا تعترض دربي ..وتدعسك سيّاره = وحمارك اللي معك سرجه ترى مالي

[قادح شرار]

هههه

صح السنتكم
قادح .. و.. مرجح الموازين

مبدعيــــن والله

\


صح بدنك .

والله لا يحرمنا من شوفتك يا أبو نورة .

مشكووووووور على متابعتك طال عمرك .

[مرجح الميزان]

استلم استلم .. يا أيها القادح



ولا فض فوك على ما سبق ..



:)


الله يا تالي الأيام غداره=كل "ن" يبا يشتري ويبيع بالغالي..!!
لا تزعل اللي غلاك مصدع جداره=وتطيح وأنته معه في منزل عالي

[وافي الخماش]

ههههههههههه طاروق حماسي صح السنتكم واصلوا ..

[مرجح الميزان]

وافي ..صح بدنك وياهلا

[قادح شرار]

أخوي مرجح الميزان , كان لي الشرف الكبير بمجاراة شاعر علم مثلك . وأشكرك على إتاحة الفرصة لي من الأستفادة منك طال عمرك .

تحياتي لك .


نجّار وأبلش عباد الله بمنشاره = ماهو بعير ٍ يشيل احمول وأثقالي

من كان دراه قزاز .. يفطن على داره = ويحــذر حصـاة ٍ تـجي من كل نبّالي .

[قادح شرار]

ههههههههههه طاروق حماسي صح السنتكم واصلوا ..

يا هلا ويا مرحبا مليووووون ولا يكفووون .

أول مرة أبو الوفاء يزور محاورة لي . :) .

نوّرت الصفحة وعقبال ما نشوفك دايم الدوم .

مشكوووووووور على مرورك طال عمرك .

[مرجح الميزان]

مرحبا ياقادح وصح لسانك ..


والشرف




بلا


شك لي


..



تحياتي

[وافي الخماش]

يا هلا ويا مرحبا مليووووون ولا يكفووون .

أول مرة أبو الوفاء يزور محاورة لي . :) .

نوّرت الصفحة وعقبال ما نشوفك دايم الدوم .

مشكوووووووور على مرورك طال عمرك .

لا هنت يا قادح والله اني متابع بس على قليل وابشر ما يصير خاطرك الا طيب ..

[قادح شرار]

يا مرحبا بالجميع .


مرجح الميزان :

قادح.. شرار.. العتيبي.. ماسك الطاره..!! = ويمتـر المنتـدى ..والمنتـدى خـالـي
قلت آتجمل معه ..وأنشـد عـن أخبـاره = يمكـن يجينـا بعلـم يـشـرح البـالـي


قادح شـرار :

قادح..شرار..العتيبي..مهجّد الحاره = دوك الخبر جاك واضح يا بعد حالي
يمكن يجاملك قادح يرخـي فنـاره = من شان يحفظ حلالك بين الأموالي

مرجح الميزان :


يابو شوارب نعرفك معك صفـاره = في حارتك كل ليله تطرد الفالي.. !!
لكن صيدتك سهله ,,والخبر شـاره = ثنتين من محزمي تسدحك طوالـي


قادح شـرار :


راع الموازين يمشي .. راكب حماره = ويظن نفسه علـى الميـدان خيّالـي
وسلاحه اللي معه .. مهسوس معياره = ليته يروّح ويرعى فالخـلا الخالـي

مرجح الميزان :

ياعنك لا مـن نـوى صاحبـك مشـواره = ما هو مخلي في رجلك قيد وحبالي..!! <<<
رميـت لـك فالبحـر طـعـم وسـنـاره = جيت متهور نسيـت المـر.. والحالـي..

قادح شـرار :

الطير ينقر حصاه ..بـراس منقـاره = والله زمن شين .. كثرت فيه الأهوالي
لا تعترض دربي ..وتدعسك سيّـاره = وحمارك اللي معك سرجه ترى مالـي

مرجح الميزان :


الله يـا تالـي الأيــام غــداره = كل "ن" يبا يشتري ويبيع بالغالي..!!
لا تزعل اللي غلاك مصدع جـداره = وتطيح وأنته معه في منـزل عالـي

قادح شـرار :

نجّار وأبلـش عبـاد الله بمنشـاره = ماهو بعير ٍ يشيل احمـول وأثقالـي
من كان دراه قزاز .. يفطن على داره = ويحذر حصاة ٍ تجي من كل نبّالـي .


إنتهى الطاروق .......