غزلية لـ الشاعر / سليمان بن شريم (رحمه لله)

[/عبد العزيز الجذع/]

السلام عليكم ورحمة الله وبركاته






الا ياعيونـي مايفـيـد النـظـر والـشـوف=تكـافـي وكـفـي لاتراعـيـن ياعيـونـي
تكافـي كفـاك مكايـد الـجـادل الغـطـروف=ابو وجنـة فيهـا اشهـر المـوت مقرونـي
انا اشوف شوفـك واتمنـى وانـا مشغـوف=من اللي سلـب عقلـي علـى غيـر قانونـي
لحظنـي بعيـن كـن فيهـا نمـش وسيـوف=وقـع مابكفـي واختلـط وانصفـق لـونـي
اخذني جهار اكبـر ضحـى والعبـاد وقـوف=انـادي بصوتـي والعـرب تقـل ماوحونـي
تبـي ذبحتـي ياريـم وادي سكاكـا الجـوف=حسيبـي عليـك مصـرف الخلـق والكونـي
تعرض غريـب نـازح عنـد ابـو رفـروف=ورى دار قـاره يقنـب الذيـب مـن دونـي
الا واعذابـي منـك ياضـامـر السـرجـوف=شبكنـي هـواك وبيـح الـحـب مكنـونـي
الا يازريف الطـول انـا ازهمـك بالمعـروف=بعـد عونـة الله منـك انـا برجـي العونـي
دخيلـك تلبـي دعـوة مـن ثـلاث حـروف=طرف ساعـة افـرح بهـا وانـت ممنونـي
اريـح ضميـر بالهـوى مولـع مشـغـوف=مــن الله خلقـنـي بالغنـاديـر مفتـونـي

[السبيــــعي]

دخيلك تلبي دعوة من ثـلاث حـروف***طرف ساعة افرح بها وانت ممنونـي

الله يرحمـــــه .. قصيدة جميـــلة
بجمال ناقلهــــا ..

الله يعطيك العافيـــــــة يالغالي

[/عبد العزيز الجذع/]

مشكوووور يالغالي على المرور الجميل..

[الطيار007]

عبدالعزيز بارك الله فيك ومشكور على هذه الرائعه

[/عبد العزيز الجذع/]

مشكوووور يالغالي على المرور الجميل..

[وافي الخماش]

مبدع اجدت بقوة في الاختيار ..

[/عبد العزيز الجذع/]

لاهنت يالغالي على المرور الجميل..

[أبو صقر]

صح لسانك يالجذع ورحم الله الشاعر فهو هرم من اهرام الشعر









تحيتي .........

[/عبد العزيز الجذع/]

لاهنت يالغالي على المرور الرائع...