خلووووووها

[ابو بندر]

الليله ابا امشي مع الخط السريع= لو المواتر كلها تمشي معه
واللي يبا يمشي معايه ما يضيع=يا مرحبا به والبيارق لامعه

[أبو وافي العتيبي]

الليلة أبا أبني كما السور المنيع = لو أن سور الصين دايم نسمعه
واللي يبى يبني معي نعم الصنيع = دام البقـــاء به عــد زرعٍ نزرعه

[ابو بندر]

الشمس لن حميت يبا الجامد يميع=والعلم حاصل مار لو ترخيه ولا ترفعه
يالله تمنعنا من الاشرار في حصنن منيع=اللي يدسون الخناجر من تحيت الاقنعه

[أبو وافي العتيبي]

أقول لا تاطئ على شوك النقيع = أشوف رجلك في طريقك مسرعه
مادام أبو بندر بدى في كل ريع = أبا أقنعه والنـــاس مثـــلي تقنعه

[هايل المرزوق]

ابو بند ر
ابو وافي
صح لسانكم وعلى القوه

[% المفرجي %]

صحت ألسنكم

وعلى القوه

مبدعين الله يوفقكم

[أبو وافي العتيبي]

هايل المرزوق
المفرجي



صحت أبدانكم ولاهنتوا على المرور



تحياتي

[ابو بندر]

ياما حلا الايام والوقت المطيع =بعض العرب ما يعرف اللي ينفعه
يعجني الراي الوجيه اللي رفيع=من راس رجلٍ كل بحرٍ يشرعه

[ابو بندر]

هايل المرزوق صح بدنك
شكرا لمرورك لا عدمناك

[ابو بندر]

المفرجي
صح الله بدنك
الابداع تواجدك

[أبو وافي العتيبي]

هذا الزمان اللي يشيب بالرضيع = وأم الولد ماعاد تقدر ترضعه
مار الأمانة حطـــها بيـــد الوديـع = وأودع الموضوع وأنته وأدعه

[ابو بندر]

اللي يبا يشري بعد بكره يبيع=اشهد يا شاهد وطبعي يا مطبعه
والعين تدمع من محاجرها دميع=يا وافي الحبل اربطه لا تقطعه

[أبو وافي العتيبي]

اللي يبا الأخبار يسـمع للمذيع = عانه على الموضوع يشر بأصبعه
والهرجه اللي فالنحر تقرع قريع = تجيب بعض النــــاس ولا تقلعه

[نواف العازمي]

ابو بندر
ابو وافي
صح الله السنتكم وابدانكم
واصلووووو

[ابو بندر]

بعض العرب فالوقت يا وافي لكيع=بطنه كبير وكل شي يبلعه
لاكن لن جينا مع السكه جميع=اوصيك ابو عقلين حذرى تتبعه

[أبو وافي العتيبي]

بعض العرب فالوقت له راسٍ صديع = راسه كبير وكل ساعة يصدعه
وبعض العرب وضعه يابو بندر فضيع = عند الشدايد دايم يصف أربعه

[أبو وافي العتيبي]

أبو بندر

تشرفت بالعب معك طال عمرك

والمعذرة على القصور وبكرة عندي دوام بدري


تحياتي

[ابو بندر]

ابو وافي العتيبي
الشرف لي بلقائك الطيب في هاذه المحاوره
ما حصل قصور لا عدمناك والله يصبحك با النور والرضا