الطارف

[محمد صالح العطاوي]

ياسلامي عليكم عد نجماً يبين= وعد ناسن تحب الخير لخوانها
الليالي تجمع بين زينً وشين=والرساله غدى فالوقت عنوانها

[أبو وافي العتيبي]

مرحبا عد دورات الزمن والسنين = وعد ماتنبت الأشجار بغصانها
الليالي تخلي كل قاســي يلين = والرســـالة يبى للناس تبيانها

[فالح المحلسي]

صح السنتكم واصلو على هالابداع

[محمد صالح العطاوي]

البقا يالمرحب وانت رجلاًفطين=ماتغرك علومن زادت جنانها
ياعسي الجو يصفي والليالي تزين=والعلوم الجزيله عاليً شانها

[بندر المرشدي]

محمد صالح العطاوي

صح لساااااانك وانت مبدع



ابو وافي انت وافي


صح لساااااااانك

[أبو وافي العتيبي]

يالعطاوي ترى قانون للطيبين = كل سلفة تبى ترجع لديانها
يالله أني طلبتك في زماني تعين = كل نارٍ تشوف الناس دخانها

[محمد صالح العطاوي]

الوفا للرجال وكلنا خابرين=ولا تبنا البيوت بغير عمدانها
من يريداليمين نقول عان اليمين =ومن يريد الرديه قول له عانها

[عبدالله حبيٌب الزراقي]

الله الله ابداع

صح لسانك محمد العطاوي
صح لسانك ابو وافي العتيبي


متابعين للنهاية ,,

[أبو وافي العتيبي]

فالح المحلسي

بندر المرشدي

عبدالله حبيٌب الزراقي


بيض الله وجيكم على المرور شرفتونا لا هنتوا

تحياتي

[أبو وافي العتيبي]

الله اللي خلق لرجل قلبٍ وعين = ولا تقدى العرب ياكود بعيانها
من يريد السمين نقول عان السمين = وأنت من لابةٍ تستاهل أسمانها

[هايل المرزوق]

محمد صالح العطاوي
ابو وافي العتيبي
صح لسانكم وعلى القوه