ليت ابو نجر يركز على مستقبله..

[مرزوق حمدان العتيبي]

.
مسيك بالخير يالمرعب .. مباشر لاهنت ...


مادام ابو نجر النفاعي شاعر ٍ توّه صغير = ليته يكب الشعر ويركز على مستقبله
يوم الشعر فتل ونقض وابداع منقطع النظير = كم واحد ٍ وقف على بابه وضيّع مدخله

[محمد النخيش]

الله الله ياسلام عليك يامرزوق صح لسانك


بدايه حاميه وسجلوني متابع


بس معليش يامرزوق تراني عنصري في صف ابو نجر:d


هههههههه

[مرزوق حمدان العتيبي]

..
.
مرحبا يابو مناسب ..
اهم شي نرى تواجدك ... والصف واحد :)

[أبو نجر النفيعي]

الصغر والله ما يعذرب راعي الفكر الكبير = يا راعي الفكر الصغّير كب عنك المهزله ..!!
الله يخلّي قيس وآبو نجر ويخلي جرير = وبابٍ يجيب الريح يا مرزوق طعني قفّله ..!!

[أبو نجر النفيعي]

..
ههههههههههه

ارحب يابو مناسيب ..

والصف منور وعامر بوجودك ..

:)

.

[محمد النخيش]

الصغر والله ما يعذرب راعي الفكـر الكبيـر
يا راعي الفكر الصغّير كب عنك المهزله ..!!


الله الله عليك يابو مفلح صح لساااااااااااانك

[أبو نجر النفيعي]

..

صح بدنك يابو غازي ..

:)

[مرزوق حمدان العتيبي]

..
:)


المشكله فاللي يفسرها على الفهم القصير = ياللي سبب هالمشكله... ساعد بحل المشكله
ان كان تعبك الحمل قطه على ظهر البعير = وارتاح في ظل البيوت اللي علاك مظلله

[أبو نجر النفيعي]

:(



ارتاح يا مرزوق دام الناس والدنيا بخير = لا تضمن الدنيا على راسك مهيب امحوّله ..!!
يا راعي البابور مرواحك على البحر الغزير = ماكل شيٍ ياولد حمدان منّك نقبله ..!!

[مرزوق حمدان العتيبي]

..
يالطيف يالطيف :)


استغرب انك فاقد اعصابك وتفكيرك مثير = خلك معي فاللي رسمته لاتحاول تجهله
انا زبون الاوله ماجيت بالصف الاخير = واللي طرالك وسط بالك يا ابيض الشارب قله

[أبو نجر النفيعي]

الله واكبر وش تفكّر فيه يا توني بلير = خلك معي وانا معك والدرب خابرته هله ..!!
لايكون ودّك ياولد حمدان في ذاك المحير = اللي علوم اهله من اهموم الليال امهوله ..!!

[أبو نجر النفيعي]

..
ابو حمدان ..

صح لسانك .. وشكرا لاتحاتة الفرصه ...

والرد الاخير والتقفيله من عندك .. ولناء لقاء اخر باذن الله :)


الصلاه الصلاه :)

[مرزوق حمدان العتيبي]

..
ههههه
ومرت بخير ياتاج راسي ...
وصح بدنك ولسانك ... اشكرك بعمق ...
اخوكــــــ ......

[متـعـب المهيدلي]

الله الله على الابداع بحق



صح السانك استاذنا وقدوتنا في الشعر مرزوق بن حمدان العتيبي



ولاهان ابو نجر صح السانك يالغالي



تحياتي لكم على هالطاروق الرائع

[كبتن عتيبه]

ياسلام ياسلام



محاوره كائفه



ابو نجر عوده قويه/مرزوق بن حمدان رائع كما عهدناك

[ابو فايح]

صحت السنتكم ابداع منقطع النظير

[قادح شرار]

يا سلااااااام يا أبو منذر ويا سلاااااااام يا أبو نجر .

طاروووووووووق مكلّف .

صحت ألسنكم يا عتابه .


تقبلوا مروري ...

[مرزوق حمدان العتيبي]

..
.
الاساتذه ...
متعب ....... الكبتن ....... ابو فايح ..... قادح شرار ...
الف شكر على التشريف ... والله لايهينكم ....

[مرزوق حمدان العتيبي]

..
مرزوق ...


مادام ابو نجر النفاعي شاعر ٍ توّه صغير = ليته يكب الشعر ويركز على مستقبله
يوم الشعر فتل ونقض وابداع منقطع النظير = كم واحد ٍ وقف على بابه وضيّع مدخله

ابو نجر ..


الصغر والله ما يعذرب راعي الفكر الكبير = يا راعي الفكر الصغّير كب عنك المهزله ..!!
الله يخلّي قيس وآبو نجر ويخلي جرير = وبابٍ يجيب الريح يا مرزوق طعني قفّله ..!!

مرزوق ...
..
:)


المشكله فاللي يفسرها على الفهم القصير = ياللي سبب هالمشكله... ساعد بحل المشكله
ان كان تعبك الحمل قطه على ظهر البعير = وارتاح في ظل البيوت اللي علاك مظلله
ابو نجر ..

:(



ارتاح يا مرزوق دام الناس والدنيا بخير = لا تضمن الدنيا على راسك مهيب امحوّله ..!!
يا راعي البابور مرواحك على البحر الغزير = ماكل شيٍ ياولد حمدان منّك نقبله ..!!
مرزوق ..
..
يالطيف يالطيف :)


استغرب انك فاقد اعصابك وتفكيرك مثير = خلك معي فاللي رسمته لاتحاول تجهله
انا زبون الاوله ماجيت بالصف الاخير = واللي طرالك وسط بالك يا ابيض الشارب قله
ابو نجر ...

الله واكبر وش تفكّر فيه يا توني بلير = خلك معي وانا معك والدرب خابرته هله ..!!
لايكون ودّك ياولد حمدان في ذاك المحير = اللي علوم اهله من اهموم الليال امهوله ..!!

[معجب العتيبي]

الله الله

متى حصل هالابداع

مرزوق حمدان العتيبي

مرزوق الابداع والتميز شكرا على هذا الجمال

ابو نجر مبدع بما تحمل الكلمه من معنى

شكرا لك

صحة الالسن

[مرزوق حمدان العتيبي]

..
.
احسنت يابو سلطان ..
فديت هالراس :) ...
هالمره سبقتك لو انه ماحد يسبقك على الطيب ...

[% المفرجي %]

صح األسنتكم

ماشاء الله وش هالابداع

الله يبيض وجيهكم جميعا

هذي أول مشاركه لي معكم في هالقسم والله اني كنت غلطان يوم

ماجيت اتابعكم من زمان

امتعتونا الله يسعدكم

[مرزوق حمدان العتيبي]

..
حياك الله يامفرجي على مشاركتك ..
وان شاء الله ماتكون الاخير ... تشرفنا ...

[بندر المرشدي]

يوم الشعر فتل ونقض وابداع منقطع النظير
كم واحد ٍ وقف على بابه وضيّـع مدخلـه


يوم الشعر فتل ونقض وابداع منقطع النظير
كم واحد ٍ وقف على بابه وضيّـع مدخلـه



ياسلام ياسلام ..صح لسااااااانك




الله واكبر وش تفكّر فيه يـا تونـي بليـر
خلك معي وانا معك والدرب خابرته هله ..!!


الله...الله..صح لساااااانك

[عبدالله الجـــذع]

مرزوق
دايم مايعاكسني الحظ في حضور طواريقك مباشره
ولكن مجرد وجودها وقرآئتها لها لذه خاصه

صح لسانك ولسان الغالي ابو نج ـــر

الف شكر

محبكم
.,