عديل الروح

[شوك]

ترفق يـا حمـام الـدوح = دخيلك حبـي لا تجحـد
وحبي لك ترا مفضـوح = وكل النـاس بـه تشهـد
أحبك يا عديـل الـروح = وحبك شـد قلبـي شـد
والا يالزيـن يالممـلـوح = حبيب اليوم وامس وغـد
أسر بحبي لـك وابـوح = وحبك صار مالـه حـد
وانا لي بك هوى وطموح = على قربـك تـرا محتـد
وصال الزين يبني صروح = ويهدمـهـا بكلـمـة رد
بعد ما قام يبغـى يـروح = قهرنـي يـوم فيـه لـدّ
وكفـه مدهـا ويـلـوح = ودمع العين فـوق الخـد
وعطر الورد قـام يفـوح = ويمكن فـلّ مـدري نـدّ
سلبني شعـره المنفـوح = مثل ليـل الشتـا سرمـد
مثل طيـر غـدا مذبـوح = نفض قلبي منـه وارعـد
وكنـي بالهـوى ملفـوح = وزاد الهـم بـي وامتـد
دموع العين جات سفـوح = على المريوش زين القـد
ما غيـر أون ولا أنـوح = كمـا غــرٍ يبـالـه دد
أنا قلبي غـدا مجـروح = وعذبنـي كثيـر الصـدّ
ولا ينفع عـذل ونصـوح = بعد حلّ الهـوى واشتـد
حبيبـي بسمتـه ممنـوح = ودون الهـم تبنـي سـد
ولو يخطي ترا مسمـوح = مادامه جنبـي مـا أبعـد

[معجب العتيبي]

صح لسانك

وننتظر الاجمل

[ابو فايح]

صح لسانك قصيده جميله