شيلة قديمة في ذبحة الغبيا والضيرين بين الشيابين والدواسر

[فرناس]

هذي احد الشيلات والقصائد القديمة اللي قالوها الشيابين بعد ذبحة الغبيا والضيرين شرق محافظة بيشة بين الشيابين والدواسر قبل حوالي 30 سنة وكان من ضحيتها شيباني ينقاله شالح بن زهيميل ودوسري ينقاله مزيد بن مبخوت الله يرحمهم وقامت الدولة وحلت المشكلة ودفنت البيار اللي صارت عليها المشكلة


الادشيبان حوض الموت يردونه=مامنهم اللي يبا يفهق عن الثاني
اليوم الاقشر على الكون يتمنونه=لاصاح فيها الصياح وثار دخاني
لاجا المنادا وكلا(ن) شاف بعيونه=كلا(ن) نطل قبعته ثم قام دجراني
بمسلبات(ن) لنطل القفش مامونه=مامنهن اللي يبا ترفيع نيشاني
ترا اليماني صوابه مايداوونه=بمقفش(ن) مارده من شغل عماني
ياهل الكنك جال مانا لاتعودونه=الله يجينا على جاله بعرناني
هاك السنة يوم اخو هملا تعرفونه=يغزكم مثل غز الذيب سرحاني
يغزكم لين حط الحزم من دونه=لين ان شيخ الدواسر طق نجراني
كم شيخ قوم(ن) بعد هذال يبكونه=قصه بسيف(ن) يقص الروس من داني
شيخ ولد شيخ ذكره مايدانونه=عنها القبايل تهج اطرف الاضعاني
كم جمعة(ن) فرقوها يوم يتلونه=لارد للسيف شابت كل الاذهاني
لاطب جال الحمل يمشي على هونه=هذا كلام(ن) على معنى وبرهاني
يرعاه بمزرج(ن) حد الصفا لونه=لاجالهن مع طلوع الشمس ميداني
ياسعد ربع(ن) نهار الكون يتلونه=اليا اشتبك عجهم في حزم صدعاني
راع المطيه عن القمرا يغزونه=يطرد بسيف(ن) من الدمان غرقاني
يبا الكسيبة وشاف الموت بعيونه=ولاعاد يمديه يزبن روس ضلعاني
ولد كلاوة على الحجة يجروونه=يطر جيبه لياجا عند سلماني
يطر جيبه وينسف دمعة عيونه=يبكي بكا جادل(ن) تبكي لخلاني
ولد كلاوة يعض الحيد بسنونه=دون الغبيا شيوخ الادشيباني
ولد كلاوة ترا ربعه يخونونه=تراه ربعه مثل عزوة مريصاني

.................................................. ....................

للتحميل اضغط بالفاره اليمنى ثم حفظ بأسم (http://www.izxzi.com/1.wmv)

[سفن اب]

كفو الاد مشيب الله يعطيك العافيه........

[ابن طامي]

اخوي فرناس

الله يعطيك العافيه عندي ملاحظه بس

انت تقول المعركه هذي قبل 30 سنه

قبل 30 سنه واللي يرحم والدينك

آل سعود ماسك الحكم

شلون صارت المعركه ..؟

وقبل 30 سنه آل سعود صارلهم مده طويله جداً ماسكين


ياليــت تتأكد من المصدر



لاهنت ..

[البريماني]

هذي المعركه يالرويس على ايام الملك فيصل قبل 35 سنه تقريباً

وعلى ماضن راح من الدواسر سبعه ريجيل

[الرومي]

ونعم في الشيابين ونعم في المخاريم الدواسر ..

[عتيبـــــ ولد ــــــــة]

هذي هية على وقت الملك فيصل رحمه الله ..


وبيضت الآبار .. وكان فيها واسطات من السديري وتدخلت فيها أميرة .. وكان الملك مسافر ويوم عود ودرا عن السالفة قال إللي أخذوه العتبان لهم .. ولكن بيضت الآبار ..


ما تشوف الناس يذلون من العتبان ..؟ لأن ما عليهم من أحد .. المخطي والعايل يلطمونه ولو وراه دولة ..

[عتيبـــــ ولد ــــــــة]

طبعا يقولون الدواسر إن ابن ربيعان تدخل بـ 40 جيب وكل جيب فيه 4 ريجيل .. وعادينهم بعد ..!!!


وهي ما دخلها الا الشيابين ..


وابن حميد كذلك تدخل فيها .. وحصل له الموقف المشهور مع السديري .. يوم رد عليه الرد اللي ما بعده رد .. وطلع للكويت وسووا له حفل لا راح ولا جا مثله .....
.................................................. .................................................. ...............................................

نتمنى من الجميع الابتعاد عن جميع الاعتبارات السياسية فيما حصل في تلك الحادثة

الإدارة

[ربوع نجد]

القصة معروفة

وموقف ابن ربيعان وابن حميد قوي

من الرقابة ما اقدر اكمل ;)

[الامير حريبيش]

كفو بالاد شيبان الفهود المغذاه موقفهم معروف

[عكاش]

بيض الله وجهك يافرناس على هالاحدية الحربية للشيابين في الغبيا والضيرين

[بدر بن ثعلي]

كفو بالشيابين وبالدواسر والله يعطيك العافية

[نجر بن هاجد]

كفو ياالاد مشيب

[بدراني دوسري]

السلام عليكم،،،،

اولا:
الضيرين اسم يطلق على الهضب وبه بئران ماء،،، الاول اسمه الغبيا والثاني حروس

لكن يبدو انكم الى الان ما تعرفون اساميها صحيح

احدهما لقبيلة الرجبان والثاني للمخاريم وكلاهما من الدواسر من بني سالم بن زايد.
وحصل خلاف بين الرجبان مع بعض عيال عمهم،،، ذاك الحين،،

وهذه من بلاد الدواسر ذكر هذا ابن جنيدل - ما هو دوسري - ومذكور اهضاب الضيرين في اشعار الدواسر من 300 سنة واكثر

بينما ما عرفت هالديار عندكم الا السنين الاخيرة

ثانيا:
هي معركتين الاولى في زمن الملك فيصل والثانية في وقت الملك خالد 1401 هـ على ما اعتقد وانتهت بدفن الابيار.

ثالثا :
في عهد الملك فيصل تجرا الشيابين وارادوا ياسسون هجرة لهم ويحطون بيوت فيها فحاربوهم المخاريم ومنعوهم وفي المرة الثانية كذلك.

[بدراني دوسري]

هذي احد الشيلات والقصائد القديمة اللي قالوها الشيابين بعد ذبحة الغبيا والضيرين شرق محافظة بيشة بين الشيابين والدواسر قبل حوالي 30 سنة وكان من ضحيتها شيباني ينقاله شالح بن زهيميل ودوسري ينقاله مزيد بن مبخوت الله يرحمهم وقامت الدولة وحلت المشكلة ودفنت البيار اللي صارت عليها المشكلة


الادشيبان حوض الموت يردونه=مامنهم اللي يبا يفهق عن الثاني
اليوم الاقشر على الكون يتمنونه=لاصاح فيها الصياح وثار دخاني
لاجا المنادا وكلا(ن) شاف بعيونه=كلا(ن) نطل قبعته ثم قام دجراني
بمسلبات(ن) لنطل القفش مامونه=مامنهن اللي يبا ترفيع نيشاني
ترا اليماني صوابه مايداوونه=بمقفش(ن) مارده من شغل عماني
ياهل الكنك جال مانا لاتعودونه=الله يجينا على جاله بعرناني
هاك السنة يوم اخو هملا تعرفونه=يغزكم مثل غز الذيب سرحاني
يغزكم لين حط الحزم من دونه=لين ان شيخ الدواسر طق نجراني
كم شيخ قوم(ن) بعد هذال يبكونه=قصه بسيف(ن) يقص الروس من داني
شيخ ولد شيخ ذكره مايدانونه=عنها القبايل تهج اطرف الاضعاني
كم جمعة(ن) فرقوها يوم يتلونه=لارد للسيف شابت كل الاذهاني
لاطب جال الحمل يمشي على هونه=هذا كلام(ن) على معنى وبرهاني
يرعاه بمزرج(ن) حد الصفا لونه=لاجالهن مع طلوع الشمس ميداني
ياسعد ربع(ن) نهار الكون يتلونه=اليا اشتبك عجهم في حزم صدعاني
راع المطيه عن القمرا يغزونه=يطرد بسيف(ن) من الدمان غرقاني
يبا الكسيبة وشاف الموت بعيونه=ولاعاد يمديه يزبن روس ضلعاني
ولد كلاوة على الحجة يجروونه=يطر جيبه لياجا عند سلماني
يطر جيبه وينسف دمعة عيونه=يبكي بكا جادل(ن) تبكي لخلاني
ولد كلاوة يعض الحيد بسنونه=دون الغبيا شيوخ الادشيباني
ولد كلاوة ترا ربعه يخونونه=تراه ربعه مثل عزوة مريصاني

...............................

للتحميل اضغط بالفاره اليمنى ثم حفظ بأسم (http://www.izxzi.com/1.wmv)

- هي شرق بيشة وشمال الوادي 250 كم وهي من ديار الدواسر وحدودهم الشمالية ولا تزال.

- الشيابين ونعم بهم مير من هو شيخ الدواسر اللي طق لنجران؟؟؟
الدواسر ما لهم شيخ شمل ،،، والهلقمي امير المخاريم ذبح في الضيرين دون دياره.

[بدراني دوسري]

هذي هية على وقت الملك فيصل رحمه الله ..


وبيضت الآبار .. وكان فيها واسطات من السديري وتدخلت فيها أميرة .. وكان الملك مسافر ويوم عود ودرا عن السالفة قال إللي أخذوه العتبان لهم .. ولكن بيضت الآبار ..


ما تشوف الناس يذلون من العتبان ..؟ لأن ما عليهم من أحد .. المخطي والعايل يلطمونه ولو وراه دولة ..

اذا كان السدارى فزعوا فنعم بهم وهذا المطلوب ....

اما الكذب وان الواسطة من اميرة فوراء الاكمة ما وراءها!!!

والواسطة سبق ان تكلمنا عنها في نفس المنتدى وانكم انتم يا عتيبة اكثر واسطات ،،،، ومن قال ان الضيرين صارت لكم ؟؟؟؟ وكيف اجل تبيض الابار؟؟؟؟

الدواسر نازلين في نجد من الف سنة وحامين حدودهم فاقرا التاريخ زين ما هو سواليف شيبان من طرف واحد.!!!!

،،،، واللي يتحدون الدول هذا عجيب!!!! ولا اقدر اقول شي حتى لا يحذف ردي!!!

[منصور بن فهيد]

يعطيك العافيه ياكاتب الموضوع ..
والسبعة انعام بالدواسر ومثلها للشيابين ..
والحادثه كانت نزاع على آبار مياه بدايتها كانت بين الفهيدات من الشيابين والمخاريم من الدواسر تطورت فيما بعد ولم يتدخل احد من خارج الشيابين في هذه الحادثه ..
وللمعلوميه من وقعت عليهم الحادثه من الفهيدات والمخاريم بينهم مصاهره ونسائب ..
هذا ماحبيت اضيفه تحياتي ..

[عكاش]

ومذكور اهضاب الضيرين في اشعار الدواسر من 300 سنة واكثر

بينما ما عرفت هالديار عندكم الا السنين الاخيرة
.


هذا دليل انك تكلم بدون معرفة ودك ترد وبس وهذال بن فهيد امير تعرفه الانس والجن يقول


ياراكب من عندنا ثنتين=يم الجنوب مناحي تلقاه
يحرم عليه الحزم ( والضيرين)=والهضب مايشرب برايد ماه

ثانيا:
هي معركتين الاولى في زمن الملك فيصل والثانية في وقت الملك خالد 1401 هـ على ما اعتقد وانتهت بدفن الابيار.


في عهد الملك فيصل تجرا الشيابين وارادوا ياسسون هجرة لهم ويحطون بيوت .

ماشاء الله عليك تغرف بمغرافة من الكلام والهروج وتوزع على المنتديات قال ايش قال تجرا الشيابين والله اخر زمن

.................................................. .................................................. .................................................. .........
.................................................. .................................................. ...

وعلى طاري التجرا في عهد الامن والامان والرخا ولعب الواسطات دورها وش قصة هالابيات للشاعر الكبير محمد بن جروان القحطاني رحمة الله عليه


قبل سبعينن تعاوت على حدانا=والدواسر ماتعدوا على بعض الحدود
مخبلك يالي تبي مارثة جدانا=ماتجيلك بالوسايط وتزييف الشهود

وحنا والله مانذم الدواسر ذخر زايد ونحشمهم عن بعض الكلام

لكن ردي كان تبيين الحقائق التي تجهلها

[ولد مجنون]

الدواسر نازلين في نجد من الف سنة وحامين حدودهم فاقرا التاريخ زين ما هو سواليف شيبان من طرف واحد.!!!!


بسم الله أكبر وعلي بركة الله نبدأ


و إن أكرمت اللئيم و طال عرفه صد عنك و خان=عـلـيـك يـــدوّر الـعـثـرات و الحـسـنـات غـاويـهـا
ومــن لا يـذكـر الله و يتـذكـر مــا فـعـل شيـطـان=ردي الــحــظ دايـــــم لـــــلأذى نـفــســه مـعـنـيـهـا
تحمـلـنـا و لا عــــاد نـتـحـمـل و الـمـغـطـى بــــان=مبـيـتـة الـخــدع فـــي حـقـدهـا و الـحـقـد معـمـيـهـا
و مــن يـنـوي لـنـا بـشــر هـــذا جـاهــلٍ غـلـطـان=و نـقــول لـــه جــاهــل و الـجـهـالـة لا تـطـريـهـا
و لا نجـهـل و لا يجـهـل عليـنـا كـايـنٍ مــن كــان=مــاهــي بـعــلــوم جــهـــال حـجـاويـهــا تـسـلـيـهـا



والواسطة سبق ان تكلمنا عنها في نفس المنتدى وانكم انتم يا عتيبة اكثر واسطات ،،،، ومن قال ان الضيرين صارت لكم ؟؟؟؟ وكيف اجل تبيض الابار؟؟؟؟


الدختور أبو تكشيره , يفغص أطراف معقد الشوش بدراني دوسري , وصف حالته أنها ساءت وميؤوس منها نسأل الله السلامه , متمغط بين الحياة والموت , الله يجيرنا من مرض تخثر الدم و كارثة نفوق أباعر بن قويد بوادي الدواسر و طيره مخروشان بأنفلونزا الطيور , ونفوق البدراني بمتلازمه عوز مناعة التاريخ المهمش المكتسب , ياما نصحت مورد الشبهه البدراني وحذرته ممنوع الحرش والأقتراب والتاريخ لا يرحم والدنيا براهين , مار ما من مجيب , خذ كحل عينك بهالوثيقه قبل لا تتمغط كراعينك و تلفظ أنفاسك الأخيره والله يرحم الحي الميت والميت الحي

كتاب من ولي العهد الأمير سعود بن عبدالعزيز الي مستشاره عبدالله بن ألياس , يطالبه بأن يأمر ويوصي (السديري) للأشراف علي خدمة الشيخ بن ربيعان ومرافقيه , وتجهيز قوافل الرز والقهوه لهم


http://up109.arabsh.com/s/kc28vgpavs.jpg (http://up109.arabsh.com/)

نشبت في حلقك ووجهك يوم يقري الوثيقه تقول سامعلك مصيبه , بلغ سلامي لقري الولامين والفرعه والمعتلا والنويعمه ، والشرافا وكمده وبئر الثليما لحرث وزرع نخيل الوادي , وقصر أبوطوق لجمع الزكاة والجزيه للدوله العليه العثمانية , وقرية كنده وأمرؤ القيس الفاو التاريخيه بوادي الدواسري , وعلي حلفائكم حصاة قحطان شمال الوادي , وعلي حلفائكم العجمان بمنطقة نجران جنوب الوادي , وعلي الزيود حلفاء الحروب بمحافظة عسير غرب الوادي , وعلي المسميات القديمة لوادي الدواسر وادي العقيق ووادي بنو حريش وتمره وجرم وعقيل علي أطلال الملحمه الزايديه

أللهم إني أعوذ بك من الهم والحزن والعجز ‏والكسل, سبحانك أللهم وبحمدك أشهد ألا إله إلا أنت أستغفرك وأتوب إليك

[البريماني]

كفو ياولد مجنون

[رايد الهديبي]

الله يعطيك العافيه

ونعم والله بالاد مشيب

[أبونواف]

والله ومليون نعم بالادشيبان
ليت جبت أسم الشاعر ياقرناس

[سطام العفار المزحمي]

الوقعة انتهت بانتصار الشيابين انتصار ساحق مع ان الطرف الاخر كان مزود بالسلاح الحديث والذخائر

الحمد لله على الامن والامان والدواسر والشيابين وعتيبة اخوان وموحدين بالله والدين والعقيدة ونعم في عيال زايد

[منصور بن فهيد]

القصة معروفة

وموقف ابن ربيعان وابن حميد قوي

من الرقابة ما اقدر اكمل ;)

لم يقف احد من اللي ذكرتهم او من باقي قبائل عتيبه ...

الحادثه كما اشرت اليها في رد سابق في هذا الموضوع كانت نزاع بين عدد من الفهيدات من الشيابين وعدد من المخاريم من الدواسر تطور فيما بعد ليشمل الشيابين والمخاريم بمساعدة السديري ...

[الصف الواحد]

لم يقف احد من اللي ذكرتهم او من باقي قبائل عتيبه ...

الحادثه كما اشرت اليها في رد سابق في هذا الموضوع كانت نزاع بين عدد من الفهيدات من الشيابين وعدد من المخاريم من الدواسر تطور فيما بعد ليشمل الشيابين والمخاريم بمساعدة السديري ...

أخوي منصور بن فهيد

بل كان هناك موقفين من عمر بن ربيعان ومن ابن حميد والموقف معرووووف...

واذا تريدني ان اثبت ذلك انا مستعد...

ولكن كي لا ندخل بالامور السياسيه الحساسه لن اورد ما في جعبتي من ادله تثبت موقف ابن ربيعان وابن حميد.... والمواقف حدثت في مجلس الملك فيصل رحمه الله...

[ناهش الدوسري]

السلام عليكم ورحمة الله وبركاته



.................................................. ............................
.................................................. .................................
.................................................. .
.................................................. ..........................................

تعقيبات الشيباني والدوسري والدكتور السبيعي في صحيفة الرياض تم جمعها في موضوع واحد , وتناقش الاعضاء بشكل مستفيض على تعقيبات المذكورين على هذا الرابط:

http://www.otaibah.net/m/showthread.php?t=24627

فلا داعي لتكرارها مرة آخرى

الإدارة

[رمح برقاا]

والله ونعم في الشيابين والمخاريم الدواسر

والله يبعد عناا المشاكل وياكم يا الربع