المساعد الشخصي الرقمي

مشاهدة النسخة كاملة : العازمي يدرس تركي 2000 اصول الفتل والنقض!!!


ابو فايح
25-Jun-2008, 08:11 PM
للشعر روح ومعاني .. وللموال صوت ومغنى عند بعض الشعراء..

محاوره من اروع المحاورات ..ومدرسه كان فيها الطالب تركي الفين ..

مبتسماً .. كعادته في الإبتسام ..وضحكته التي تخفي خلفها الجواهر !! ..

يستمع وينصت للأستاذ .. الشاعر العملاق .. عبدالعزيز العازمي ..


حلق الشاعر .. العازمي في سماء الإبداع وأجاد في المحاوره وأصاب

في كثير من الردود على الشاعر تركي الألفين .. إن لم نقول أنه أجاد في

جميعها .. حيث قدم العازمي عدة دروس .. أذهل بها الصفوف والمتابعين

وذلك بإنفراده بالنجوميه .. وضل الألفين يقبع في الحدود الضيقه والترديد

للمواويل المعتاده .. ومما لاشك فيه أن الالفين يتحرك في مساحه

معينه وحيز صوتي محدود .. ولانستغربه منه عدم الرد أو تطور مستواه

الشعري .. وتلك الحقيقه التي لابد منها ..

أقدم لكم هذه المحاوره الحصريه الغير موجوده على الشبكه العنكبوتيه

صوتيه وكتابيه ولكي تستمتعون باجمل

محاورات رمح عتيبه وخليفة حبيب العازمي الشاعر عبدالعزيز العازمي

اولا المحاوره كتابيه:


تركي:
سلام يا اهل الوفاء يامكرمين الضيوف
من شاعر مايحط الا النقط بالحروف
والليله المعركه فيها القنا والسيوف
الحي يحييك والميت يزيدك غبن


ياهاجس الشعر حضر بعد كل حضر**خل المعاني تداحم في طواريقها
ياعلة البطن جعلك ماتجين الظهر**الارض ماعمروها الا مخاليقها


عبدالعزيز:
يامرحبا بالقريب ومرحبا بالبعيد
هاذي لزومي وانا واقف وتحسب رصيد
وان كان عندك جديد يجيك علم جديد
الحي يحييك والميت يزيدك غبن

انته تغوص البحر ولا تهاب البحر** جعل الامانات تحفظها صناديقها
العله الها طبيب من سنعها حضر** ياجعل الاهرام تفنى مع فواريقها

تركي:
عطيتك العلم وانت الي عليك افعله
الارض قامت تزلزل كلها زلزله
وباب المعاني على شرواك مانقفله
الحي يحييك والميت يزيدك غبن


انته تحسب السنه ولا تحسب الشهر **ياخي بعض السلع ماحب تسويقها
لكن قولوا معي يله تجيب المطر**حتى ان الاشجار ماتفنى غرانيقها

عبدالعزيز:
انا بعلمك فالموضوع وانت انتبه
واليا حسبت الحساب اللي عليك احسبه
الداب لاتقربه والذيب لاتقربه
الحي يحييك والميت يزيدك غبن

ياتركي الفين لو انك بعيد النظر**ماكان نفسك علينا زايد ضيقها
انا لقيت الفراش محولن فالجمر** عطيتك السالفه عليك تصديقها

تركي:
ماني بضايق وانا ياصاحبي ليش اضيق
وانته صديق ما والله شفت مثلك صديق
وش رايك انك تخاويني ونمشي الطريق
الحي يحييك والميت يزيدك غبن

ان كان تبغا القرار اللي من الموتمر**ياليت الابواب ماتغلق مغاليقها
اللي مع الشوف ما يرجع يقص الجرر **يا اهل الصقوراطلقوها من مسابيقها

عبدالعزيز:
ياتركي الفين وسع خاطرك وش بلاك
انا بخاويك في الطرقه وابا امشي معاك
واليا لقيتك تلف اتدور ابضغط علاك
الحي يحييك والميت يزيدك غبن

انته تقول القرار ولا نشوفه صدر**الناس من كلمتك ما بللت ريقها
انا دواكم يطول الوقت ولا قصر**واهل المزاريق ندري عن مزاريقها

تركي:
يازين خوتك لامن النجوم ادبحت
خوت رجال على شوف الرجال فرحت
اما طلعنا الجبل ولا نزلنا تحت
الحي يحييك والميت يزيدك غبن

ياعين ياعين ما مكسبك غير السهر**يالله عسا الشمس تشرق من مشاريقها
000 لا تمشي في طريق الخطر**ولا تعلقك بقعا في معاليقها


عبدالعزيز:
انا خوي معك في حزن ولا فرح
انته تبا زعل ولا تباها مرح
اليا طلعنا احتزم ولا نزلنا انسدح
الحي يحييك والميت يزيدك غبن

اليا ذبحك السهر ارقد وخل السفر**لو ان خوت عيال مطير ما اطيقها
اليا بلاك العمى ولا بلاك العور** لا تحمتحنا في نجد وفي مفاريقها


تركي:
انا معك ياولد عاصي وعيني وراك
ولا خيرفي واحد في خوته ما حماك
لكنك اسجد لرب الكون وابسط يداك
الحي يحييك والميت يزيدك غبن

ان كان جايك ضرر منهم نبا نعتذر**حنا رجالن توثقها مواثيقها
يا نجد ماعاد باقي فيك غيرالدهر** واهل المثايل لقانا فيك تصديقها

عبدالعزيز:
انته خوي مع الطرقه تسد اللزوم
مانطلمك نعرفك لو طحت طبعا تقوم
ياذيب يامفترس ما تاكل الا اللحوم
الحي يحييك والميت يزيدك غبن

ما صار غير الخيانه منك هاك العصر**نسمع عن مطير وانته جبت تطبيقها
يانجد دار المروى والكرم والفخر *لو حرت مطير زاهيت ن زماليقها


وهنا رابط المحاوره فيديو

_____________________________.3gp - 8.1 Mb (http://up5.m5zn.com/mbxqywh8biqk/_____________________________.3gp.htm)

وهنا رابط من اليوتيب
http://www.youtube.com/watch?v=Ilauw7vS7X0

/عبد العزيز الجذع/
25-Jun-2008, 08:36 PM
ابداع عبدالعزيز العازمي..


ما شاء الله عليه...



لكن المقطع عيا يتحمل..!


يقولي:الرجاء ادخال كود التحميل التالي


وادخلت الكود ثم يقولي مره ثانية نفس الكلام..!




ومرة ثالثة ورابعة وخامسة..!



لكن ماعليه المحاورة الكتابية تسد..


لاهنت يابوفايح على النقل..

الدوسري ..
25-Jun-2008, 10:29 PM
يعطيك العافيه أخوي ابو فايح

أبداع من رمح عتيبه عبدالعزيز العازمي

ابن طامي
25-Jun-2008, 10:51 PM
ابداع عبدالعزيز العازمي..


ما شاء الله عليه...



لكن المقطع عيا يتحمل..!


يقولي:الرجاء ادخال كود التحميل التالي


وادخلت الكود ثم يقولي مره ثانية نفس الكلام..!




ومرة ثالثة ورابعة وخامسة..!



لكن ماعليه المحاورة الكتابية تسد..


لاهنت يابوفايح على النقل..


اخوي عبدالعزيز


انت حط الرقم في المربع الفاضي ثم اضغط على (( تحميل الآن ))

ويجيك فتح ولا حفظ ولا إلغاء

وإن شاء الله انك كفيت ووفيت


.................................................. ...................


ابو فايح

الله يعطيك العافيه

ولاهنت

الدوسري ..
25-Jun-2008, 10:52 PM
المحاوره هذي وين كانت من معهم من الشعار

ذيب الدعاجين
26-Jun-2008, 03:39 AM
يعطيك الف عافيه لى المحاوره الرائعه

روح جاي
26-Jun-2008, 04:22 AM
من اجمل محاورات رمح عتيبه ابداع وفتل ونقض

اتمنى ان تجيب الموال والقاف الثاني اللي لعبوه ويعطيك ربي العافيه على نقل المحاوره.

المحاوره كانت في رابغ عند الحروب وكان معاهم ابو ناب.

عتيبـــــ ولد ــــــــة
26-Jun-2008, 09:32 AM
طيب اشرحوا الأبيات عشان اللي ما فهموا <<< ما يبي يقول ما فهمت


بعدين إذا جات على المعنى والنقض والفتل تركي يعوضها بالطرب .. مع إن عندي صوت حبيب خاصة من أول أزين من تركوه ألفين مرة ..

عبدالله الجـــذع
26-Jun-2008, 09:44 AM
الله..

الرمح دائما مبدع
والحفله هذي يطلب الله العوض فيها تركي

الف شكر لك يالغالي

محبك

,

بدر الديحاني
26-Jun-2008, 04:00 PM
ابوفايح المحلل الرائع

كفيت وفيت

وصح السان الشاعرين

تركي بن عطاء الله

وعبدالعزيز العازمي

كلهما مبدعين ونعيد ونقول

المعنى بطن الشاعر ،


تحياتي

وافي الخماش
26-Jun-2008, 04:12 PM
الله لا يهينك يابو فايح ابدعوا وترا جابوها على الساحة ..

ابو فايح
26-Jun-2008, 08:34 PM
ابداع عبدالعزيز العازمي..


ما شاء الله عليه...



لكن المقطع عيا يتحمل..!


يقولي:الرجاء ادخال كود التحميل التالي


وادخلت الكود ثم يقولي مره ثانية نفس الكلام..!




ومرة ثالثة ورابعة وخامسة..!



لكن ماعليه المحاورة الكتابية تسد..


لاهنت يابوفايح على النقل..
اخوي عبدالعزيز حاول مره ثانيه وان ماضبط راسلني على الخاص
يعطيك العافيه أخوي ابو فايح

أبداع من رمح عتيبه عبدالعزيز العازمي
شاكر لك مرورك اخي الدوسري
اخوي عبدالعزيز


انت حط الرقم في المربع الفاضي ثم اضغط على (( تحميل الآن ))

ويجيك فتح ولا حفظ ولا إلغاء

وإن شاء الله انك كفيت ووفيت


.................................................. ...................


ابو فايح

الله يعطيك العافيه

ولاهنت
بيض الله وجهك على المرور ومشكور على التوضيح
المحاوره هذي وين كانت من معهم من الشعار
كانت في رابغ ومعهم ابو ناب الحربي
يعطيك الف عافيه لى المحاوره الرائعه
لاهنت على المرور
من اجمل محاورات رمح عتيبه ابداع وفتل ونقض

اتمنى ان تجيب الموال والقاف الثاني اللي لعبوه ويعطيك ربي العافيه على نقل المحاوره.

المحاوره كانت في رابغ عند الحروب وكان معاهم ابو ناب.
والله كان بودي بس الشريط من بعد موال عبدالعزيز الاخير انتهى ما ادري للحفل شريط ثاني او لا
طيب اشرحوا الأبيات عشان اللي ما فهموا <<< ما يبي يقول ما فهمت


بعدين إذا جات على المعنى والنقض والفتل تركي يعوضها بالطرب .. مع إن عندي صوت حبيب خاصة من أول أزين من تركوه ألفين مرة ..
والله الابيات الت ياللون الاحمر واضحه والمووايل واضحه ايضا والمحاوره من اولها وهي فتل ونقض بالذات يوم تركي يقول تبا القرار اللي من الموتمر فظن الجميع انه سيقول القرار في الشطر الثاني من البيت ولكنه شطح بعيدا وهنا رد عبدالعزيز قال اين قرارك؟
الله..

الرمح دائما مبدع
والحفله هذي يطلب الله العوض فيها تركي

الف شكر لك يالغالي

محبك

,
اولا لاهنت على مرورك وثانيا ازيدك من الشعر بيت هاذي الحفله وغيرها اثنتين مع عبدالعزيز وجميعها حاميه ومن بعدها امتنع تركي عن اللعب مع عبدالعزيز
ابوفايح المحلل الرائع

كفيت وفيت

وصح السان الشاعرين

تركي بن عطاء الله

وعبدالعزيز العازمي

كلهما مبدعين ونعيد ونقول

المعنى بطن الشاعر ،


تحياتي

الله لايهينك اخوي بدر على المرور وبعدين وينك لك مده ماشفناك

ابو فايح
26-Jun-2008, 08:36 PM
الله لا يهينك يابو فايح ابدعوا وترا جابوها على الساحة ..

هلا والله بوافي لاهنت على مرورك

كاسب الطيب
26-Jun-2008, 09:35 PM
لا هنت يابو فايح وبيض الله وجهك ...


وبصراحة المحاورة طيبه وابدع فيها ابو عزه كعاادته ...


اهنيك على ذوووقك الرفيع يابو فايح واختيارك للمحاورات الجزله ...


فالطيّب لا يأتي الا بطيّب ،،،



تحياتي لك يالغالي ،،،

عمر الدغيلبي
27-Jun-2008, 07:09 AM
محاورة رائعة بالفعل

وأجاد فيها العازمي بإبداع غير مستغرب

إستمتعت بقرائتها وتستاهل تحميلها بلا شك :D

بيض الله وجهك يا ابو فايح وما قصرت يا ذيبان

عبدالله هادي ناشي الفليت.
27-Jun-2008, 10:14 AM
مشكووووووووووور وبيض الله وجهك




يعجبني رمح الهيلا

راعي النوادر
30-Jun-2008, 07:55 AM
مــشــكــور ويعــطيك الف عــافية

سلـطـان
02-Jul-2008, 05:15 PM
الله يعطيك العافيه يا أبو فايـح على المجهود ..



تركي:
انا معك ياولد عاصي وعيني وراك
ولا خيرفي واحد في خوته ما حماك
لكنك اسجد لرب الكون وابسط يداك
الحي يحييك والميت يزيدك غبن

الحين المحاوره بين حبيب وتركي ولا عبدالعزيز وتركــي


ياليت تعلمنــي

لان تركي يقول :: انا معك ياولد عاصي وعيني وراك

والمعروف أبن عاصي هو حبيب


تحياتي لكـ

/عبد العزيز الجذع/
02-Jul-2008, 06:07 PM
الله يعطيك العافيه يا أبو فايـح على المجهود ..



تركي:
انا معك ياولد عاصي وعيني وراك
ولا خيرفي واحد في خوته ما حماك
لكنك اسجد لرب الكون وابسط يداك
الحي يحييك والميت يزيدك غبن

الحين المحاوره بين حبيب وتركي ولا عبدالعزيز وتركــي


ياليت تعلمنــي

لان تركي يقول :: انا معك ياولد عاصي وعيني وراك

والمعروف أبن عاصي هو حبيب


تحياتي لكـ



المحاورة بين عبدالعزيز العازمي وتركي.



وابن عاصي عزوة العوازم.

سلـطـان
02-Jul-2008, 07:41 PM
المحاورة بين عبدالعزيز العازمي وتركي.



وابن عاصي عزوة العوازم.

مشكور يالجذع على التوضيـح .....

لا خلى ولا عــدم

ابن عقاب الشمري
04-Jul-2008, 05:49 PM
محااورة رائعه من الطرفيين ؟؟


شكرا على المحاورة ؟؟؟

بدر الكريزي
06-Jul-2008, 05:45 AM
أبو فايح

بيض الله وجهكـ على هالمحاورة ..

و صـح الله ألسنتهم ..

و عز الله إن عبدالعزيز مبدع مبدع و مبدع ..

لكن ما قدرت أحمل المقطع ياليت ترفعه على موقع ثاني ..

فرناس
06-Jul-2008, 06:41 AM
تروكة تخصصه فن وطرب وليس شعر
ليش مستغربين اللي يسوونه الشعراء فيه ؟؟؟؟؟؟؟؟؟؟؟؟؟؟

الذيب الثبيتي
10-Jul-2008, 04:45 AM
بيض الله وجهك اخووووي ابو فايح

الله يعطيك العافيه

محاورة ابدع فيها رمح الهيلاااااا

ابو ساره
10-Jul-2008, 06:50 AM
بيض الله وجهك على ها المحاوره الرائع

وكا عادات العازمي متفوق متفوق


واخوي ترى الرابط عا يتحمل عندي


لاهنت غير الرابط

ابن نميان
15-Jul-2008, 05:01 AM
بيض الله وجهك يابوفائح

كعادتك ماتقدم إلا الفاخر والراقي ...


كل الشكـر ..


عبدالعزيز شاعر جزل ولاهي غريبه عليه الجزاله ..

أحمد الناصر
24-Jul-2008, 01:13 AM
الله..

الرمح دائما مبدع
والحفله هذي يطلب الله العوض فيها تركي

الف شكر لك يالغالي

راع العبيه
24-Jul-2008, 01:41 AM
عملاق ياعبد العزيز العوض فالله ثم فيك حيب ماعاد يحب المحاورات مثل اول

ابو براك الرياض
24-Jul-2008, 01:56 PM
وصح السان الشاعرين

تركي بن عطاء الله

وعبدالعزيز العازمي

كلهما مبدعين ونعيد ونقول

المعنى بطن الشاعر ،


تحياتي

الفرهود الأسعدي
28-Jul-2008, 10:14 AM
الســـــــــــــــــــــلام عليكم ورحمه الله وبركاته
مشكووووووووووووووووووووووووووووووووووووووووووووووو وور

ولا هنــــــــــــــــــــــــــــــت







~*¤ô§ô¤*~*¤ô§ô¤*~الفـــــــرهـــــــــود~*¤ô§ô¤*~* ¤ô§ô¤*~
~*¤ô§ô¤*~*¤ô§ô¤*~الفـــــــرهـــــــــود~*¤ô§ô¤*~* ¤ô§ô¤*~
~*¤ô§ô¤*~*¤ô§ô¤*~الفـــــــرهـــــــــود~*¤ô§ô¤*~* ¤ô§ô¤*~
~*¤ô§ô¤*~*¤ô§ô¤*~الفـــــــرهـــــــــود~*¤ô§ô¤*~* ¤ô§ô¤*~

السيحانـي
29-Jul-2008, 03:45 PM
~*¤ô§ô¤*~مشكووووور وما قصرت بيض الله وجهك يا ابو فايح
وخوت عيال مطير ما طيقها
ههههههههههههههههههههه~*¤ô§ô¤*~

عنزي220
06-Aug-2008, 12:48 AM
الله يعطيك العافيه على المحاوره يا ابوفايح وما قصرت

ابو فايح
15-Aug-2008, 04:38 PM
لا هنت يابو فايح وبيض الله وجهك ...


وبصراحة المحاورة طيبه وابدع فيها ابو عزه كعاادته ...


اهنيك على ذوووقك الرفيع يابو فايح واختيارك للمحاورات الجزله ...


فالطيّب لا يأتي الا بطيّب ،،،



تحياتي لك يالغالي ،،،
هلا والله بكاسب الطيب وينك ما تنشاف لاتطول في غيابك
محاورة رائعة بالفعل

وأجاد فيها العازمي بإبداع غير مستغرب

إستمتعت بقرائتها وتستاهل تحميلها بلا شك :d

بيض الله وجهك يا ابو فايح وما قصرت يا ذيبان
لاهنت ياعمر على المرور
مشكووووووووووور وبيض الله وجهك




يعجبني رمح الهيلا
لاهنت على المرور ياعبدالله
مــشــكــور ويعــطيك الف عــافية
ويعافيك بعد
الله يعطيك العافيه يا أبو فايـح على المجهود ..



تركي:
انا معك ياولد عاصي وعيني وراك
ولا خيرفي واحد في خوته ما حماك
لكنك اسجد لرب الكون وابسط يداك
الحي يحييك والميت يزيدك غبن

الحين المحاوره بين حبيب وتركي ولا عبدالعزيز وتركــي


ياليت تعلمنــي

لان تركي يقول :: انا معك ياولد عاصي وعيني وراك

والمعروف أبن عاصي هو حبيب


تحياتي لكـ
ابن عاصي عزوه العوازم ولاهنت على المرور
المحاورة بين عبدالعزيز العازمي وتركي.



وابن عاصي عزوة العوازم.
لاهنت يا عبدالعزيز

ابو فايح
15-Aug-2008, 04:44 PM
محااورة رائعه من الطرفيين ؟؟


شكرا على المحاورة ؟؟؟
لاشكر على الواجب
أبو فايح

بيض الله وجهكـ على هالمحاورة ..

و صـح الله ألسنتهم ..

و عز الله إن عبدالعزيز مبدع مبدع و مبدع ..

لكن ما قدرت أحمل المقطع ياليت ترفعه على موقع ثاني ..
تم نقله لليوتيب ولاهنت على المرور
تروكة تخصصه فن وطرب وليس شعر
ليش مستغربين اللي يسوونه الشعراء فيه ؟؟؟؟؟؟؟؟؟؟؟؟؟؟
لاهنت على المرور
بيض الله وجهك اخووووي ابو فايح

الله يعطيك العافيه

محاورة ابدع فيها رمح الهيلاااااا
لاهنت على المرور
بيض الله وجهك على ها المحاوره الرائع

وكا عادات العازمي متفوق متفوق


واخوي ترى الرابط عا يتحمل عندي


لاهنت غير الرابط
لاهنت على المرور وتم التعديل
بيض الله وجهك يابوفائح

كعادتك ماتقدم إلا الفاخر والراقي ...


كل الشكـر ..


عبدالعزيز شاعر جزل ولاهي غريبه عليه الجزاله ..
مرحبا ابن نميان مرورك يسعدني
الله..

الرمح دائما مبدع
والحفله هذي يطلب الله العوض فيها تركي

الف شكر لك يالغالي
صدقت يا احمد ولاهنت على المرور
عملاق ياعبد العزيز العوض فالله ثم فيك حبيب ماعاد يحب المحاورات مثل اول
لاهنت على المرور
وصح السان الشاعرين

تركي بن عطاء الله

وعبدالعزيز العازمي

كلهما مبدعين ونعيد ونقول

المعنى بطن الشاعر ،


تحياتي
لاهنت على المرور
الســـــــــــــــــــــلام عليكم ورحمه الله وبركاته
مشكووووووووووووووووووووووووووووووووووووووووووووووو وور

ولا هنــــــــــــــــــــــــــــــت






~*¤ô§ô¤*~*¤ô§ô¤*~الفـــــــرهـــــــــود~*¤ô§ô¤*~* ¤ô§ô¤*~
~*¤ô§ô¤*~*¤ô§ô¤*~الفـــــــرهـــــــــود~*¤ô§ô¤*~* ¤ô§ô¤*~
~*¤ô§ô¤*~*¤ô§ô¤*~الفـــــــرهـــــــــود~*¤ô§ô¤*~* ¤ô§ô¤*~
~*¤ô§ô¤*~*¤ô§ô¤*~الفـــــــرهـــــــــود~*¤ô§ô¤*~* ¤ô§ô¤*~

هلا ومرحبا وشاكر لك مرورك

ابو فايح
15-Aug-2008, 04:45 PM
الله يعطيك العافيه على المحاوره يا ابوفايح وما قصرت
اهلا اخوي وشاكر لك مرورك
~*¤ô§ô¤*~مشكووووور وما قصرت بيض الله وجهك يا ابو فايح
وخوت عيال مطير ما طيقها
ههههههههههههههههههههه~*¤ô§ô¤*~

اهلا بالسيحاني ووجهك ابيض