كبتن عتيبه طاروق فقط للفائدة

[المعتصم بالله]

تعال يالكبتن نبا ننشدك يا راع الوسام=عطني علومك كلها واسمع علومي كلها

اشوف فالسيل الكبير بيوت ما جاها الهدام=واشوف ناسٍ تستظل وتحتمي في ظلها

[/عبد العزيز الجذع/]

اشوف فالسيل الكبير بيوت ما جاها الهدام
واشوف ناسٍ تستظل وتحتمي في ظلها






الله الله...



صح لسانك مليووون يالمعتصم بالله,,




وفي انتظار كبتن عتيبة..

[احمد الملاح]

يا سلام

صح السانك وصح السان راعي الوسام مقدما ً

[كبتن عتيبه]

الله الله


مفروض تبدى يالزميل بمرحبا ولا سلام=قدام تبدى باللغوز اللي تدوّر حلّها!!
ما تهدم بيوت الكرم ..والله يبارك فالكرام=اتكرم الضيفان..وحداد السيوف انسلّها!!

[مرجح الميزان]

المعتصم والكبتن





والحرب الضروس







صحت الالسن والقلوب صحاح







متابع

[المعتصم بالله]

يا الله حي الكبتن حصل لي الشرف استلم:



صاحبك فاهم يالغتيبي واستمع مني كلام=وخل النصايح خلها خل النصايح خلها

ما اسبها ما اسبها ولها جزيل الاحترام=واليوم يا راع الشهادة وسط مويه بلها

[المعتصم بالله]

عبد العزيز الجذع

صح الله بدنك وشرف متابعتك

[المعتصم بالله]

احمد الملاح

صح الله بدنك

احترامي

[المعتصم بالله]

مرجح الميزان

صح الله بدنك والله يحييك

احترامي

[كبتن عتيبه]

الله الله


مدامت فاهم ليه ماتحفظ قوانين النظام=والا ّ الليالي التاليه قام يتغيّر دلّها!!
يامعتصم بالله ..بالله العظيم الأعتصام=اللي تسرّك قف لها..واللي تضرّك زلّها!!

[المعتصم بالله]

ههههه الله الله يا كبرها




مدام كبتن واختلط بعض الحلال مع الحرام=فل الشريطه فلها وانا نويت افلها

كمل صلاتك يا ولد ما دام قدامك امام= وصل الصلاه اللي تصلى يالعتيبي صلها

[معجب العتيبي]

المعتصم بالله

تعال يالكبتن نبا ننشدك يا راع الوسام=عطني علومك كلها واسمع علومي كلها

اشوف فالسيل الكبير بيوت ما جاها الهدام=واشوف ناسٍ تستظل وتحتمي في ظلها


كبتن عتيبه

مفروض تبدى يالزميل بمرحبا ولا سلام=قدام تبدى باللغوز اللي تدوّر حلّها!!
ما تهدم بيوت الكرم ..والله يبارك فالكرام=اتكرم الضيفان..وحداد السيوف انسلّها!!


المعتصم بالله

صاحبك فاهم يالغتيبي واستمع مني كلام=وخل النصايح خلها خل النصايح خلها

ما اسبها ما اسبها ولها جزيل الاحترام=واليوم يا راع الشهادة وسط مويه بلها


كبتن عتيبه

مدامت فاهم ليه ماتحفظ قوانين النظام=والا ّ الليالي التاليه قام يتغيّر دلّها!!
يامعتصم بالله ..بالله العظيم الأعتصام=اللي تسرّك قف لها..واللي تضرّك زلّها!!


المعتصم بالله

مدام كبتن واختلط بعض الحلال مع الحرام=فل الشريطه فلها وانا نويت افلها

كمل صلاتك يا ولد ما دام قدامك امام= وصل الصلاه اللي تصلى يالعتيبي صلها

[النشاب]

المعتصم والكبتن

الله الله عليكم طاروق رائع وصح الله السنتكم


تقبلوا مروري