معجب وقصة الجبيره ..!!

[مرجح الميزان]

:)

معجب استلم لا هنت ..





ياسلام الله على معجب بعد راح الصحيه=وروحته ماهي غريبه ..والغرايب فالاخيره
قالوا انه من كثر ما فيه للروقه حميه=راح يم العازمي فالبيت واهداه الجبيره..!1

[معجب العتيبي]

ياهلا يامرجح الميزان ياراع القضيه=والقضايا عنه عند المحكمه دايم كثيره

كانها صابتك غيره عندنالك كم هديه=وانته اولا بالهدايا وانته اولا بالبريره

[مرجح الميزان]

البقا بك وأنت مالك من على مثلي وصيه=كل رجل يعرف اللي فالقضايا يستشيره
أنت لك في نظرتك ياصاحبي عشرين نيه=ولو سمير يطق عرقه,, سبته غيرة سميره

[معجب العتيبي]

النصايح ماتجي يافلان من ناسٍ رديه=وانت اعدك من هل التوجيه والناس الخبيره
انت لك قلبٍ كبير وفالبشر مافيه زيه=بس عرفك للنوايا قصةٍ جدا كبيره

[مرجح الميزان]

الله ,,الله





مار بعض الناس لا منك لمسته لمس حيه=النعومه ظاهره والسم في دمه يديره
رميتي والحمد لله ما تحيد اعن الرميه=أعرف الرجال من لمحة بصر .. وأكتب مصيره..!1

[معجب العتيبي]

اذبحه لارحم ابوه وحط كيه فوق كيه=وحذر العالم منه ياصاحبي في كل ديره
كل راعي ياوسيع العرف ينشد عن رعيه=وانت ماتنشد عن العالم فلا تبحث ستيره

[مرجح الميزان]

مشكله وش لون أبا أذبح من على ظهر المطيه=يظهر لسانه على اللي لا هدر نسمع هديره..!!
مار لا كثرت علاكم فآخر الوقت وعليه=بأنتحي يم المحاني ديرتي وأنته عشيره

[معجب العتيبي]

لاتقول انك عجزت ونحسب الكلمه خطيه=ولاتقول ان الحياه بوقتنا صارت خطيره
ماعلينا ياوسيع العرف فالدنيا قويه=والعسيره لابغيناها نرجعها يسيره

[مرجح الميزان]

ما عجزنا يالعتيبي مار من حسن السجيه =نسفه اللي نظرته لو طالت فعينه ..قصيره
برد اللقمه صحيبك وأنت تاكلها هنيه..!1=ياعسى فالامر خير وياعسى فالامر خيره

[مرجح الميزان]

معجب يامعجب


:)


لله درك


وأنا أخوك






وصح لسانك مدد



وعلى الود





نلتقي

..

[معجب العتيبي]

استاذي مرجح الميزان


استمتعت واسافدت من اللعب معك



شكرا لاتاحة الفرصه لي


وعلى الود نلتقي