القبع " عامر بن الطفيل" سابقاً

[القبــع]

عامر بن الطفيل يحييكم ويرجوا منكم قبولة



ان الاوان للعودة الى البيت العظيم " بيت الهيلا

[ابن مشيب]

والله زمن من يوم فقدناك , وينك يارجال هالمدة...............

من طول الغيبات جاب الغنايم.........


الحمدلله على العودة , وهذا شئ اسعدنا , وحياك الله في محالك..............


وان شاء الله بعد طول هالغايب , نراء مشاركاتك الرائعة كما كانت من قبل واحسن........


تحياتي.....

[القبــع]

مغزى على بني فزارة ,,معليش كبيت الكمبيوتر وطحت في المزاين نوب في الملقا ونوب عند الصخابرة ادور على القعود الناهي تخبر الابل العرب كبيناها يا عتيبة منذو مبطي وهالحين على هالجنوبيات الخوارة , لكن تدري وشلون ابا اعلمك الما ل ماش شي الدعوى مغر شهوة على حب الابل..........

وتحياتي لبني عمي في المنتدى . اثاريهم مغيرين في كل شي حتى اللون متغير؟؟؟؟؟؟؟؟؟؟؟؟

[الجارح]

[]حياك الله في منتدى عتيبه الهيلا خوال النبي .

[’’الفارس’’]

حياك الله يالقبع


الفارس

[’’الفارس’’]

القبع ؟

شمعناتها القبع ؟


:confused:

[ناصر العصيمي]

وعليكم السلام ورحمة الله وبركاته

مساءوصباح موشح باحلى الورود

ومعطر بالاريج ومحمل بالاشواق

هلا وغلا والف مليون ترحيبه



ترحيب معطر باريج الورد ممزوج بكل معاني الاخوه مني

ومن اعضاء منتدي الهــــــــــــــيلا

مع خالص الامنيات الطيبه بتوفيق وقضاء وقت ممتع تحلو فيه

[القبــع]

السلام عليكم ورحمة الله وبركاته



المهلي ما يولي , والساعة البركة اللي نشوف هالوجيه الغانمة , وبيض الله وجيهكم

ومشكور يابن عاصم واللي معك قدموا افضل التحايا وحسن الاستقبال


" اخوي الفارس سؤالك عن القبع وش معناه انا علمك به القبع وانا اخوك

من بني عمك الدغالبة " الاد النعيري" من عيال منصور برقا .

اما ليش هالاسم فتبيني اعلمك ترا القصة طويلة مار الله يعينا وهي التالي:

جدهم الاول اللي هم " القبعة " كان في احد ايامة مع حياة محصن بن ربيعان

الاول قبل ما تنزل عتيبة واقول" قبل ان ترجع عتيبة الامنازل اجدادها من هوازن

في نجد" ونازل مع الروقة والرباعين مدة حوالي 5 سنوات , والرجال كان

فارس من فرسان قومة لاكن الحال الجسمية والمادية لم تكن لتساعدة , وكان

دائماً مع الرباعين في كل مغزاء والرجال يفعل ما يمليه واجبه تجاه القبيلة

الرجال ماكان يعطى من الكسب الا البسيط تخبر حقة او ناقة رباع,

المهم الرجال بلع اللي يصير معه وش تبيه يسوي اليد الوحدة ما تصفق, المهم

جا هاك النهار لا عليهم مغزى من سليم ومعهم بني عمر من حرب يبون الابل

قامت المعركة بينهم وكن الغلبة على العتبان "نوب عليك ونوب لك"

المهم كثر الطراد وكثر الهوش عند الارواح معادنهي يمن الكسب بعض الرياجيل

معاد يبا الا الخلاص من الشر , وبن ربيعان عند المتلين يفتك هذا ويضرب هذا

" وهذه المعركة اضهر ابن ربيعان كم هو حريص على حماية ربعة تخبر هوه

عقيد القوم ولمن طاح عقيد القوم او جاه ما يجي المتخاذلين لذهبوا ربعه

خوينا القبع ظهرله في هاك اليوم فرسته ومدى بسالته وذبح من الرياجيل

وقعد عند بن ربيعان يحمي الساقة والرجال ولا به قصور من الاخرين قد

اظهر من شدة الاقدام الشيء الكثير وكان يطعن في نحور الخيل ووجيه

الفرسان وهو يقطع بالكلام وعنى بن ربيعان ويقول

"كله من شان من عطاني حقة, نطعن عقيد القوم ونعقة" :mad::mad:

بن ربيعان قال للفرسان من ربعة " ابك سوو مثل ابو قبع ابك سوو مثله"


القبع ولأن فرج بن هلال بن غانم هو اللي يلبس القبع اللي يشبه القوقية

حقت الترك ومثل قوقية هذال بن فهيد فارس عتيبة الشهير,

تخبر يجعلونها فوق العمامة حتى تدفيهم وتمسك عمتهم,

بن ربيعان سمع وش قال القبع عقب ما افتكوا عمارهم وكسروا القوم عقب

ما الهية كانت علاهم انقلبت لهم وبفضل الله ثم بفضل بن ربيعان والقبع

وبني عمة الروقة " فطن لكلمة القبع وعطاه ما يستاهل على ماقفة الطيب

عند بني عمة وقدم نحور العدوان , ومن عقبها صارت نبزله وركبت عياله

الا حد الان "

هذا سبب الاسم اللي حنا نتسموابة الا هذا الوقت وسلامتك|4||4||4||4||4||4||4|

[geath]

حياك بعد غيبه طويله وان شاالله تتحفنا بمشركاتك

[ابو وعيل]

وش هالغيبة الطويلة ؟؟؟؟؟؟ والله انا اشتقنا لك


واشتقنا لمواضيعك الشيقة ياالقبع عامر بن الطفيل سابقاً

وان شاء الله تكووون افضل وتعوض غيبتك

واهم شي عدت لنا ..والحمدلله على كل حال


وحياك الله في محلك يالذيب ........

تحياتي لك

ابو وعيل الرويس

[ابو فراس]

حياك الله يالقبع ياهلا ومرحبا