الطيب

[بندر المرشدي]

الطيب بين الناس هو رمز الأفعال=يبقى ولو تفنى جميع الفعايل

ومن لا يحوز الطيب ماهوب رجال=عليه فازن ناقضات الجدايل

حتيش لو يلبس له شماغ وعقال=على فعول الطيب ماهن دلايل

تبقى الفعول الطيبة مضرب امثال=لو دوروا عنها الخدوش البدايل

صحيح ماتبقى الليالي على حال=من عاش فيها شاف كثر الهوايل

كل تعزوا قال جداني ابطال=لو كان هو بالفعل ما من صمايل

ومن ميز الواقع ودقق بالاجيال=شاف الثريا في سماه القوايل

الناس هذا الوقت طيب وبطال=والظاهر ان اهل المروة قلايل

اكبارهم لاهين في جمع الاموال=كن العمر والمال ماهوب زايل

وشبابهم تقليد موضات وخبال=ولا عاد همتهم سلوم القبايل

صار التباهي بالمظاهر والاشكال=والا فعول الطيب ماني بقايل

تغيرت كل الطبايع والاعمال=وتغيروا حتى عيال الحمايل

واكثر ماغير طيبة الناس الانذال =صحف وقنوات تبث الرذايل

ثقافةٍ فرضة علينا بالاجمال=وصار التفكك وبالاسر والعوايل

لكن وين الي يحلون الاشكال=المجتمع يالله عليك العقايل

[المرشـ ساطي ـدي]

كل تعـزوا قـال جدانـي ابطـال
لو كان هو بالفعل ما من صمايـل


بندر المرشدي صح الله لسانك

على هالقصيده الجزله

ابداع والابداع ليس غريب عليك

تقبل مروري

[صلف الروقي]

صــــــح لســـانكـ يــــــــــا بنـدر المـــــرشـدي


كل بيـــت عـن قصــيده ........

لاهــنت وبيض اللـه وجهك........



تقبـل تحيـــــــاتي : اخـوك صلف الـروقـي..

[فيصل المسعودي]

يامال العافيه

يسلم هاللسان والله

صح لسانك مليوووون

جزلة ومن راس جزل

يسلم فكر راعيها وراسه

في إنتظار جديدك بكل شوق

تحياتي

[معجب العتيبي]

الله الله


ابداع غير مستغرب من بندر الكلمه الجزله

بندر التحدي هناك وبندر الدقه والوصف والتوضيح هنا


صح لسانك مدد


وشكرا لحظورك المميز

[السبيــــعي]

ومن لا يحوز الطيب ماهوب رجال***عليه فـازن ناقضـات الجدايـل

هههههه والله انك صادق
صــــح السانـــــك اخوي بنــدر ..
لاهنـــت على هالقصيــــدة

الله يعطيك العافية
\
\

[بندر المرشدي]

ساطي المرشدي



صح بدنك اتحفتنا بمرورك

[بندر المرشدي]

صلف الروقي


صح بدنك واشكرك على حضورك

[بندر المرشدي]

فيصل المسعودي


صح بدنك



وبيض الله وجهك على متابعتك والشرف لي

[بندر المرشدي]

استاذنا وزميلنا معجب العتيبي


صح بدنك ولا عليك زودنا

[بندر المرشدي]

ومن لا يحوز الطيب ماهوب رجال***عليه فـازن ناقضـات الجدايـل

هههههه والله انك صادق
صــــح السانـــــك اخوي بنــدر ..
لاهنـــت على هالقصيــــدة

الله يعطيك العافية
\
\




هلا وغلا شكرا لك على الكلام الطيب


والله انه يشرفني متابعة اللي مثلك

صح بدنك ولا هنت

[مرزوق حمدان العتيبي]

الطيب بين الناس هو رمز الأفعال
.......يبقى ولو تفنـى جميـع الفعايـل
ومن لا يحوز الطيب ماهوب رجال
.........عليه فـازن ناقضـات الجدايـل
حتيش لو يلبس له شماغ وعقال
.......على فعول الطيب ماهـن دلايـل
تبقى الفعول الطيبة مضرب امثال
..........لو دوروا عنها الخدوش البدايـل
..
الطيب لك منه اوفر النصيب يابو سلطان ..
صح لسانك ياحكيم وياجزل ...
....

[محمد النخيش]

صح لساااااااااااااااانك

ياسلام عليك يابندر ابداع في ابداع وكلام في محله

ننتظر جديدك

[بندر المرشدي]

ماعليك زود يابو محمد صح بدنك ولاهنت

[بندر المرشدي]

ابو مناسيب صح بنك لاهنت

شكرا على المرور الجميل

[أخو جوزا]

صح لســــــــانك

[راع العبيه]

كفوا والله على هذي القصيده الطيبه الله يعطيك العافيه

[راعي القوافي]

صح لسانك يابندر شاعر جزل سطرت بقلمك كلمات من ذهب ..


تقبل مروري.. دمت على ود ..~