كل عــتــيــبـي يــبــدي يـــصــوت ويــبــدي رأيــه..

[ابوشهد2008]

مارأريته من الشارع السعودي وبالخصوص من قبيلة عتيبه عدم التفاعل مع

البرامج الشعريه بعد شاعر المليون بنسخته الأولى.

اتمنى الأعضاء أبداء المرئيات..

[فيصل الحمراني]

برامج ضحك علي الدقون
واستنزاف جيوب ابناء القبيلة

يعني صارت مكشوفة مو لعتيبة وبس بل لجميع القبايل والناس فهمو اهداف هالبرامج
والمومن ياخي لايلدغ من جحر مرتين

[قادح شرار]

برامج ضحك علي الدقون
واستنزاف جيوب ابناء القبيلة

يعني صارت مكشوفة مو لعتيبة وبس بل لجميع القبايل والناس فهمو اهداف هالبرامج
والمومن ياخي لايلدغ من جحر مرتين


كلام شخص فاهم وله عقل يمشيبه .

ما هو مثل كلام بعض صغار السن وصغار العقول .

ورأيي من رأي أخوي فيصل الحمراني .

[عبدالله الجـــذع]

اخي الغالي
انا عكسك تماما
اتعجب عندما اجد التفاعل من قبل الجمهور لهذه البرآمج

محبك
.

[Man من العتبان]

وانا بعد كذلك صرت اتعجب انه صدق في ناس الي الان مصدقه لعبة هالبرامج الشعريه وفيها حيل تدز !!

دمتم بود . .

[/عبد العزيز الجذع/]

انا منذ فترة طويلة ما قلت صوتوا ولا قلت لاتصوتون...


يعني اكتفي بالخيار الثالث اللي يقول:أكتفي بالمشاهدة وتكريم أبناء الهيلا المبدعين فيما بعد..




لاهنت...

[الباااسل]

براااامج تلعب على وتر نصرة الشعر



وهم أساس الدماااار

[العمري ابو فهد]

ابوشهد

مارأريته من الشارع السعودي وبالخصوص من قبيلة عتيبه عدم التفاعل مع

البرامج الشعريه بعد شاعر المليون بنسخته الأولى.

اتمنى الأعضاء أبداء المرئيات..


لايلدغ المؤمن من جحر مرتين

[ابوشهد2008]

البرامج استغلالية بالدرجة الأولى.

أتمنى من أعضاء المنتدى غلق قسم المسابقات الأدبية.

لأنه لافائدة منه .

وأن يغير ويوضع قسم جديد لأخبار القبيلة .

[أبـو غويـر ألعتيبي]

انا اقولكم البرنامج استغلالي اوكيه بس المشكلة لو يدخل في برنامج شاعر المليون ويبي تصويت وش نسوي نسحب يعني مالها داعي

[أبـو غويـر ألعتيبي]

لو يدخل واحد عتيبي في البرنامج ويبي تصويت وش نسوي

[بعيدالهقاوي]

البرامج بصراحة هدفها الماااادة (الفلوس) , أولا
ولكنها في نفس الوقت أبرزت نجوم من الشعر كانوا مظلومين من قبل الأعلام وعرفتنا على شعراء كبااار وكان الكثيير من القبيلة لايعرفهم ومنهم أنا اكثر شعراء شاعر المليون والبرامج الاخرى كنت لااعرفهم ولكن هذه البرامج جعلتهم شخصيات وشعار مشهورين في كل الحفلات.

وجهة نظري , وشكرا

[ولد ذايب]

انا مع الاخوان اللي قالوا نكتفي بالمشاهده

وفكرة البرامج ايصال الشعار الاكثر شعبيه والمتوقعين يكسبون من وراهم كثرة الاصوات الى مرحله متقدمه وبعدها مثل مايصير دايم

والدعوه ماده (( شاعر العرب له شهر تصويت ))؟؟؟؟؟؟

ولك تحياتي

[محمد بن هندي]

انا اتفق مع اللي يقول البرنامج هدر للمال بدون وجه حق ولكن مثل ما قال اخوي ابو غوير مالها داعي نسحب كذا يعني اللي عنده استطاعه يصوت لأبناء قبيلته ما فيها شي واللي مايقدر يكتفي بالدعم المعنوي والتشجيع لان هذا نظام البرنامج ونمط سيره ومجبورين نمشي معه مثلنا مثل القبايل الأخرى.
"ودمتم بود"

[بدر الكريزي]

أكتفي بالمشاهدة وتكريم أبناء الهيلا المبدعين فيما بعد


"لا يُلدغ مؤمنٌ من جحر مرتين"

و اللي عنده فلوس ما يدري وين يوديها .. بدال لا يصوت .. يحسب فلوس التصويت .. ويعطيها الشاعر :)

[ابوشهد2008]

هل عتيبة الهيلا تحتاج الى لقب من هذه البرامج ؟

أستغرب من بعض القبائل أذاحصل شاعر منهم على لقب كأنهم منتصرين من معركة حرب؟