المساعد الشخصي الرقمي

مشاهدة النسخة كاملة : نعم سعودي وأفتخر وارفع الراس


سمران القثامي
15-Jan-2004, 02:15 PM
نعم سعودي وأفتخر وأرفع الراس = ان جات للطيبه وذكر الفعايل

ان قلت نخوه مرجله طيبه وناس = للعز في دار النشاما دلايل

دارٍ رفعها للعلا طيب الساس = عبدالعزيز اللي عدل كل مايل

وحد وطن وقلوب واشكال واجناس = بالدين والحكمه وضرب السلايل

قدم مهرها مادفع در وألماس = قدم رقابٍ حمر وقت الصمايل

شد المحازم وأمتطى خير الأفراس = وطاعت له البيداء زبون الأصايل

وزرفل بجيشٍ فزعته كل قرناس = دليلة الفرسان واف الخصايل

أبهمة الشجعان لباسة الطاس = حقق مراده بالفزوع القلايل

وقال الرياض لها حميه وعباس = ويعاب قولٍ مايجي له فعايل

وقاد القروم بسهل وجبال واطعاس = ماهمهم برد وسموم وقوايل

مزهبهم التقوى والإصرار والباس = صدق الرجال اللي تعز القبايل

طلاب حق وفيه عزه ونوماس = وغير العدل والحق ماله بدايل

ايسابق الشمس المغيبه والأنفاس = على عذى نجد وعشيب الخمايل

وتابع مسيره سرمدي ليل وأدماس = سبار قومه يعتلي كل طايل

ما غط جفنه وين يطري له نعاس = ماهمه البهرج رداه السمايل

مابين تسبيحه وتهليل واحساس = انه على ميعاد شقراء الجدايل

تباشرت به ديرته عقب الأرماس = عقب الهجاد وميبسين البلايل

رد الفقيده واندحر كل خناس = واقفى معذر كل طامع وعايل

وثبت قواعد دولته وأمن الناس = بحكم الشريعه وأعتدل كل مايل

وساروا على نهجه عيال لهم ساس = ساسٍ عزيز ومسند الساس وايل

نعم الحموله فعلهم حق نبراس = تشهد لهم بالطيب روس الحمايل

لاثارت الهيجاء والأرياق يباس = سوءٍ على من دق هجسه حبايل

سوٍ على حاسد ومبغض وبلاس = وريفٍ يزوف برايحات المخايل

ريفٍ يطيب لكل عاني وعساس = ومزبن لمن حلت عليه النزايل

الله يعز الحكم ويذل الأنجاس = وتبقى سلالة طيبين السلايل

اللي بهم يبقى الفخر رافع الراس = آل السعود ان صار ذكر وفعايل

سعود
15-Jan-2004, 02:45 PM
صح لسانك سمران القثامي . . ورحم الله الملك عبد العزيز .

لكن على مايبدو من القصيده بأن لها مناسبه .

وصل العطياني؟؟؟
15-Jan-2004, 05:55 PM
صح لساااانك...

أيقن تمام الإيقان بأن منتدى الهيلا كسب شاعر كبير...


فسلــــمت أنامله ...

وسلم ذوقه...



فقط ننتظر جديده...





تحيااااااااااتي.

ابن الثبيتي
15-Jan-2004, 08:14 PM
صح لسانك

ونعم فييييييييييييييييييييييييك يا سعودي ونعم في دار عبدالعزيز

مع تحياتي
الثبيتي

سمران القثامي
16-Jan-2004, 01:22 AM
الأخ الغالي وصل العطياني الله يمسيك بالخير 00ياولد العم والله يعطيك العافيه


على الإطراء الذي أخجلتني به والإشاده من أمثالك مكسب وفخر لي ولولا وجود شرواك فالهيلا ماتشجعت على الأنظمام لها

مشششششششششكور اخوي وصل والله لايهينك

أخوك / سمران القثامي

سمران القثامي
09-Feb-2004, 07:43 PM
الأخ الغالي سعود القثامي كل عام وانت بالف خير يابن العم 00مشكور على


مرورك اخوي والله لايهينك

اخوك سمران القثامي

حسن شامي الجعيد
11-Feb-2004, 07:42 AM
صصصصح لسسسسسانك ولا هنت ياذيب

وسلمت على هالقصيده

ولك تحياتي

سمران القثامي
12-Mar-2004, 12:58 AM
الأخ الغالي / ابن الثبيتي اسعد الله مساك بالخير والعافيه

مرورك شرف ياطويل العمر ولاهنت

أخوك / سمران القثامي

سطام بن فهيد
12-Mar-2004, 12:17 PM
صح لسانك يالقرم
لاعدمناحرفك
ولك تحياتي

الدهاسي
12-Mar-2004, 03:24 PM
صح لسانك ياسمران
وتسلم يديك

سمران القثامي
02-Apr-2004, 11:51 PM
الأخ الغالي والشاعر الراائع / حسن شامي الله يسعد مساك بالخير والعافية


مرورك منور المتصفح والله لايهينك يابن العم







أخوك// سمران القثامي

سمران القثامي
10-Apr-2004, 03:13 PM
الخ الغالي /سطام بن فهيد بيض الله وجهك على ماقلت يجاه القصيدة

وافي ياطويل العمر والله لايهينك





أخوك سمران القثامي

سمران القثامي
10-Apr-2004, 03:14 PM
الأخ الغالي /سطام بن فهيد بيض الله وجهك على المرور العطر


أخوك/ سمران القثامي

سمران القثامي
11-Apr-2004, 08:15 PM
الأخ الغالي الدهاســــــــــــــــــــــــــــــــــــــــــــ ي اسعد الله مساك بالخير والعافية


مرورك منور القصيدة00وافي طال عمرك




أخوك// سمران القثامي

ابو وعيل
12-Apr-2004, 03:09 AM
صح لسانك ياسمران

قصيدة رائعه

نتظر جديدك والى الامام ان شاء الله .

تحياتي
ابو وعيل الرويس

سمران القثامي
06-May-2004, 03:23 PM
الأخ الغالي / أبو وعيل الله يعطيك العافية على المرور المنور ولالالالاهنت

أخوك/ سمران القثامي