سلام

[نواف العازمي]

سلام يامنتدى الهيلا بمسك الختام=قاف مسري نبا شاعر ونسري معه
الحر لامن تعلا بالسما ثم حام=حول وراس الحبارى يشلعه يشلعه

[عبدالله حبيٌب الزراقي]

يامرحبا عدّ من صلا صلاة القيام = نبا نسولف معك ياراعي المنفعه
الحر لامن شهر فرغت فيه الحزام = حتى يحوٌل ويلقى فالثرا مصرعه

[نواف العازمي]

ابك البقا عد من في البيت لبس الحرام=تعال سولف وكل امورك مسنعه
الحر لامات يفدنه طيور الحمام=يصبر على المر من ذاقه ومن يبلعه

[عبدالله حبيٌب الزراقي]

ان كان تبغى السوالف فالهوا والغرام = ياذيب راع الهوا فالهرج مانتبعه
مثل الخفافيش لاحٌل المساء والظلام = الهرج مايطعمه والدمع مايقطعه

[نايف بن ملحق الثعلي]

بيض الله وجيهكم
وصحت الالسن

[عبدالله حبيٌب الزراقي]

نايف الثعلي

ووجهك ابيض صح بدنك شرفت ونورت

[نواف العازمي]

الطول بالمتر والميزان كيلو جرام=لاتنحر الضيق نفسك خلها في سعه
اللي يبا يعتلي يركب براس السنام=وان كان وقتك ياعبد الله ماطاعك طعه

[نواف العازمي]

نايف الثعلي صح بدنك
وشرفت يالغالي

[السبيــــعي]

ذيــــب x عبدللــــه

صــــح السنتــــكمـ

مبدعيـــــن

\

[عبدالله حبيٌب الزراقي]

دام الجهات اربعه شرق ٍ وغرب ٍ وشام = الي معه بوصله ماضاع فالمقطعه
مابعد ضرب الحصار الا غزو واقتحام = كلن يبا يضغط زناده براس اصبعه

[عبدالله حبيٌب الزراقي]

السبيعي

الابداع وجودك صح بدنك لاهنت

[نواف العازمي]

لاظلم الوقت ثم خيل خيال الغمام=البرق من فوق راسك والرعد تسمعه
لاضاعت البوصله وش قول راع الجهام=أظنتي صاحبي يبا يصف أربعه

[نواف العازمي]

السبيعي صح بدنك
ولاهنت

[عبدالله حبيٌب الزراقي]

ذيب العوازم صح لساانك يالذيب .. النوم سلطان ولا اللعب معاك ماينمل والجايات احسن ان شاءلله .. والمعذره لو حصل قصور



مرٌت في لمح البصر خمسه وعشرين عام = الوقت يجري مع الايام يامسرعه
لاضاعت البوصله معاد فيها كلام = يبا يحصل سباع ٍ فالخلا تسبعه

[نواف العازمي]

صح بدنك ياعبد الله
وصح السانك وحشا ماجا قصور
وتصبح على خير ياطويل العمر

[بارود عازمي]

ذيب العوازم وش ذا الابداع الرهيب شاعر متمكن


ياعبد الله جزل ومبدع ومتمكن


صحت السنتكم ,,

[نواف العازمي]

بارود عازمي
صح بدنك واشكرك على مرورك
وكلامك الجميل