الألفــــــــــــــــــــية

[عيد العازمي]

حسب الحروف :)




(أ) أقول السلام ابدا من الهرج كله = (ب) بدايه بعد بلورت هيض الضماير


(ت) تمنّيت تظهر تاليات الاهله = (ث)ثلاثه ثوابت دونها العقل حاير

[السميــــــري]

الله الله ..
العازمي .. صح لسانك ..
يامبدع ..

(ث)ثلاثه ثوابت دونها العقل حايـر !!

متابع ..

[الوليد الحافي]

(ج) جاك الزميل اللي طريقة يدله =(ح)حدتك الليال مبينات السراير
(خ) خبيث النوايا لاتجي في محله =(د) درب القوافل شام والزمل ساير

[الوليد الحافي]

حدتك الليال بدون ياء :)

[عيد العازمي]

ما التزمت بكلمتين على الاقل :) لكن معك



(ذال) ذرب الخطا ممشاه مافيه خله = (ر) رما راعي البندق بليّا بصاير


(ز)زمانك يغرك مثبته بالادله = (سين) سدّك تبيحه كل ماجاك زاير

[الوليد الحافي]

(شين ) شكلك يشابه دوله مستحله = (ص) صادتك بقعاء وانت فالجو طاير
(ض) ضين العوازم سله الوقت سله= (ط) طلبت الكريم من السحاب الغزاير

[عيد العازمي]

(ظ) ظلمتك ليا عينك غشتها الاخله = ( عين) عادتك لاشفت البواهش تذاير


(غين) غامر بروحك قدم سيفٍ نسله = (ف) فرقت اليدين اللي تسوق البشاير

[الوليد الحافي]

(ق) قافي بنيته فالزمن بني فله =(ك) كفت عيونك من كثير العباير
(ل) ليتك تريح فالزمن تحت ظله =(ن)ندري بشئ قدر الله صاير

[عيد العازمي]

(و) وينك ليا قلنالك الفرض صله = (هـ) هلمّ وخل اللفلفه والتجاير


(ي) يمان الرجال ودق علمٍ وجله = (أ) أنا يم غافل بالبنادق ما عاير



صح لسانك ياشاعر الحفاه


والختام عندك عد الحروف هههههه نوع من الخروج عن الروتين فقط

[نايف بن ملحق الثعلي]

صحت السنتكم بيض الله وجيهكم

[عبدالله حبيٌب الزراقي]

العازمي صح فكرك وابداعك مبدع دائما وابداا

شاعر الحفاه صح لسانك مبدع بدون شك

[الوليد الحافي]

خلها على مبنى الشايب وصح لسانك

[السبيــــعي]

العازمـــــي x شاعر الحفـــاه

بيض الله وجيهكـــــم على هالألفيـــــة

وصـــح ألسنتكــــم

\