أشتقت.. للسادس , والكفاءه , وعيال حارتنا ؟

[من أخوان ميثاء]

:)






كعادته

..

شاعرنا
فيصل اليامي ذلك الشاعر الذي حل في واقعنا ... وذهب بنا إلى تلك الأيام الماضيه
إلى الماضي البعيد , ليزداد تألقاً في وصف فتره الكل يتمنى عودتها وهي ( أيام الدراسه )
في الإبتدائيه والمتوسطه ... وإجتماع عيااااااال الحاره !!



ياليت إن الزمن يرجع ورى ولا الليالي تدور
ويرجع وقتنا الأول وننعم في بساطتنا
زمان أول أحس أنه زمانً فيه صدق شعور
نحب ونخلص النيه وتجمعنا محبتنا
زمن مافيه لاغيبه ولاحتى نفاق وزور
ياليته بس لويرجع ونسترجع طفولتنا
صغار قلوبنا بيضاء نعيش بعالمً محصور
ولا نعرف أبد أغراب مغير عيال حارتنا
صحيح صغار فالتفكير لكن ماعلينا قصور
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور
نحاول نزعج العالم في روحتنا وجيتنا
وعشان ناخر الحصه نخبي علبة الطبشور
نشاغب بس فالأخر تميزنا برائتنا
نحب الضحك والهيصه نحب انط فوق السور
نفرفش ليه مانفرفش؟ مادام الضحك عادتنا
ولكن دارت الأيام وبان الخافي المستور
وصار الهم متعلي على قمة سعادتنا
كبرنا وصارت الدنيا تصف أحزاننا بالدور
وتهدينا الآلم والهم غصب عن عين رغبتنا
تعبنا من بلاوينا أحد ضيـق وأحد مقهور
وكلن غارق بهمه وفي الآخر تشتتنا
واناماقول غير الا ياليت إن الزمان ايدور
ويرجع للوراء فتره نعدل وضع عيشتنا

االشاعرررر/ فيصل اليامي


االموضوع ليس منقول ...
بعد ماكل واحد منكم يمسح دموعه أو يرجع لذاكرة الدراسه ... ياحبذا أنه يشاركنا
بموقف طريف , جــريء , شيء غريب , إسم مدرسته , علقة ساخنه . اللي يطري عباله أي حاجه
يجيبها لنا ؟




:D

[فهد النفيعي]

بموقف طريف , جــريء , شيء غريب , إسم مدرسته , علقة ساخنه . اللي يطري عباله أي حاجه
يجيبها لنا ؟


مره انا وواحد اسمه سيف الروقي فركنا من المدرسه الثانويه ثانوية البيروني شارع الحمزه بحي النسيم ... المهم فركنا ويوم وصلنا للفه اللي بعد المدرسه الا وهاذا المدير مدري من وينه جاي واكفش وندق اللطمه وازبن وهو ينادي تعال تعال والحمد لله ماعرفنا عدت على خير..

هذي السالفه فيها موقف طريف وجريء وعلقه واسم المدرسه...

ولاهنت على طرحك ...

[ربوع نجد]

احلى ما فيه الدراسه ايام الاختبارات

الله يذكر ايام أول بالخير

[القادم بقوة]

اي والله يزين أيام الاختبارات
نطلع بدري وانواع الوناسة

[السبيــــعي]

واكفش وندق اللطمه وازبن وهو ينادي تعال تعال والحمد لله ماعرفنا عدت على خير..


ههههههههههههه

[السبيــــعي]

مشكووووووووووور اخوي اخوان ميثــــا..
موضووع جميـــل واتوقع نشوف مواقف طريفة كثيييرة..

الله يعطيك العافية وتقبل مروووري

[قادح شرار]

ههههههههههههههههههههههههههههههههههه.

أنا مرة أيام أولى ثانوي , المهم كان عندنا حصة كيمياء وأخذنا المدّرس ورحنا للمختبر حق الكيمياء , المختبر وش كشخة مضبطينه مدرسين الكيمياء اللي فالمدرسة كلهم . :)

المهم طلبنا المدرّس : كل واحد يجيب الواجب ويجيني هنا عشان أصححه . الطلاب جنب الأستاذ متجمعين واجد . :mad: :mad:

والماصة اللي يصحح عليها الأستاذ كبيرة , ومحطوط فوق الماسة , كاسة وفيها مثل الماء , والماء وسطه دواير بيضاء كنها ملح . :rolleyes:

المهم صاحبكم هذه قبل ما يصحح واجبه وهو واقف فالزحمة جنب الطلاب والأستاذ , اللقافة وحب الأطلاع له دور . :cool: وش هذه , وش هذه . :cool: .

أخذ هاذي الكاسة , وقام يبجها ( يحركها ) . خلال 7 أو 8 , 7 أو 8 ثواني من تحريك الكاسة , وأنفجري يالكاسة بالمحلول اللي فيها . :D :D .

يوم فكيت عيوني . :eek: :eek: , أبك أنا وش سويت .

الله لا يوريكم . ما شفت نفسي أولا ً , أطالع أول شئ فصاحبي اللي جنبي , وليا وجهه وعمامته راحية مبقعة أسود تقول حطينا فحم وسط ماء ورشيناه علاه . وأعاين فالطلاب وليا كل طالب جاه نصيب من قنبلة هيروشيما العتيبية . :D :) :D .

والمصيبة اللي ما تنترقع المدرس لابس غترة , راحت غترته مع السواد مبقعة , راح كنه حماااار وحشـــي . :D

وأكثر واحد أنعدم أنا طبعا ً , والمختبر الكشخة لم يسلم السقف من الرشة والأنفجار الجميل .

المصيبة تعرفون وين ؟؟؟؟

يوم جاء وقت الصلااااااة , المدرسة كلهم يعاينون فيك ويضحكوووووون . طبعا ً غير الهواش اللي أكلته من المدرّس , اللي منصبه سمحله إنه يروّح بيتهم بدري وقعدت إبها أنا . :o :( :o

وهذه موقف ما أنساااااااه . :D

مشكووور يا من أخوان ميثاء . رجعت إلنا مصايب وطعات الماضي .

[السبيــــعي]

ههههههههههههههههههههههههههههههههههه
عبيـــط فهمناها ..
وملقوف بعد؟!!

أنا لو منك انتحــر يا قــادح

تفاعللك ايام المدرسة سبب قنبلة
وهالحين تفاعلك واضح في المنتدى
و الله يستر لا تفجر علينا شي

تحيـــــاتــــي

[ذيـب الـهيـلا]

مشكـــوور على الموضوع

أما هذي سالفة صارت لي أنا و عمي

كنا أنا و عمي طالعين من الإختبار

صف سادس إبتدائي عمي طبعا قدي

رحنا البقالة وشرينا كيسين بلونات ماء

4 ريال رخيصة كل واحد كيسة على قد الفسحة

و نعبيها ماء و نحذف على أخويانا و نغرقهم و ما قصرنا

في السيارات غسلناها طبعا على شارع عام و

السيارات طايره و ما أحد وقف و طالبنا إنبسطنا

وعمي من الرجه خم الدورية ببلونة يحبها قلبك مليانه

إلا العسكري موقف ويطالبنا و حنا ننافخ و يزعل علينا

ويديور و يطردنا بالدورية و حط رجلك ما تشوف إلا الغبره

لين وصلنا للبيت رجليه هههههههههههههه

[من أخوان ميثاء]

بموقف طريف , جــريء , شيء غريب , إسم مدرسته , علقة ساخنه . اللي يطري عباله أي حاجه
يجيبها لنا ؟


مره انا وواحد اسمه سيف الروقي فركنا من المدرسه الثانويه ثانوية البيروني شارع الحمزه بحي النسيم ... المهم فركنا ويوم وصلنا للفه اللي بعد المدرسه الا وهاذا المدير مدري من وينه جاي واكفش وندق اللطمه وازبن وهو ينادي تعال تعال والحمد لله ماعرفنا عدت على خير..

هذي السالفه فيها موقف طريف وجريء وعلقه واسم المدرسه...

ولاهنت على طرحك ...



كان ماسكينه أنت وسيف .... ومتفاهمين معه ؟

بس شحليلكم تخافون وتحترمون

معلكم ...

يازين لما كنا نخاف من المعلم كان تتخرج أجيال رجال

شف هلحين ؟ حسافه .

[من أخوان ميثاء]

احلى ما فيه الدراسه ايام الاختبارات

الله يذكر ايام أول بالخير



هلابك ربوع نجـــــــــــــد


وأحلى مافيه مرورك الغالي .

[من أخوان ميثاء]

احلى ما فيه الدراسه ايام الاختبارات

الله يذكر ايام أول بالخير



هلابك ربوع نجـــــــــــــد


وأحلى مافيه مرورك الغالي .

[من أخوان ميثاء]

اي والله يزين أيام الاختبارات
نطلع بدري وانواع الوناسة



هــــــــــــــــــلا بمقررررررن

بس ياخووووي

هاااات لنا موووووقف

وكذلك المشاهدين ؟


ونسونا !

[ابوزعبه]

الله يذكر ايام الدراسه بالخير

[عبدالله بن دبيس العتيبي]

الله يجزاك خير ياخوي على الموضوع الرائع

والله اني كل يوم وانا اتذكر ايام الطفوله و اصدقاء الطفوله والمراحل الاولى من الدراسه

وامر على حارتنا القديمه وشوف مكان جلستنا و ملعبنا والله العبره تنزل غصب
عايشين ببرائه مالها حدود

والله القصص الطريفه واجد

اذكر مره في اول ايام الدراسه لبست ثوبي وشخصت ولبست الطاقية المنقطه اصفر وركبت مع الوالد يوم جينا المدرسة كانت المفاجئة ان ماعلي نعال ههههههههههه كل ماتذكرها اموت ضحك

واذكر مره اني
ايام سادس ابتدائي استعرت كتاب ( البطه الكسوله ) من المكتبه ورحت للبيت وقمت اقرى فيه لاكن انكب عليه حليب وتورطت مع المدرس كل يوم وهو يقول وين الكتاب وانا اصرفه كل يوم نسيته المهم قلت لازم اجيب عذر بعده ماعاد ينشد المهم ايام الامطار الغزيره اتوقع انه عام 1416هـ
جتني فكرة جنونية جاني المدرس قلت ياستاذ السيل دخل في بيتنا وشال معه الكتاب هههههههههههه انا داري انها مامشت عليه لاكنه تسامح الله يجزاه خير ويسامحني ويتوب علي
واتذكر ايام المتوسط
المتوسط اول مره نلبس شماغ ومتورطين معه مره المرزام تحت ومره يمين ومره يسار مايصلح الشماغ بدون عقال هههه
كان معنا شباب الله يهديهم اشغلوا الطلاب ينسلون اشمغتهم وكنت انا اخر واحد واضحك عليهم يوم ان اشمغتهم متنسله وملبد وراء والشباب شغالين بالتنسيل وانا اتابع من ابعيد واضحك لاني امن شرهم لانهم قدامي المهم رجعت مره للبيت لقيت شماغي مافيه ولا خيط احمر ههههههههههههه مدري وشلون نسّلوه و من بعدها وانا ماسكت عن الخطاء
الله يذكرهم بالخير
واذكر انا كنى نروح للمدرسه على باص سوداني يجينا الساعه خمس في عز المربعانية والله ويسرى عليه واحد من الطلاب وينسم كفراته الاربع ههههههههههه ونغيب هاك اليوم
بس شقاوتنا ببرائه لا نفكر بتبعات الامور مهما كانت كبيره

الذكريات واجد ياخوي والله انها احسن ايام حياتي الله يذكر كل من واجهته تلك الايام بالخير

وتقبل تحياتي

[قادح شرار]

الله يجزاك خير ياخوي على الموضوع الرائع

والله اني كل يوم وانا اتذكر ايام الطفوله و اصدقاء الطفوله والمراحل الاولى من الدراسه

وامر على حارتنا القديمه وشوف مكان جلستنا و ملعبنا والله العبره تنزل غصب
عايشين ببرائه مالها حدود

والله القصص الطريفه واجد

اذكر مره في اول ايام الدراسه لبست ثوبي وشخصت ولبست الطاقية المنقطه اصفر وركبت مع الوالد يوم جينا المدرسة كانت المفاجئة ان ماعلي نعال ههههههههههه كل ماتذكرها اموت ضحك

واذكر مره اني
ايام سادس ابتدائي استعرت كتاب ( البطه الكسوله ) من المكتبه ورحت للبيت وقمت اقرى فيه لاكن انكب عليه حليب وتورطت مع المدرس كل يوم وهو يقول وين الكتاب وانا اصرفه كل يوم نسيته المهم قلت لازم اجيب عذر بعده ماعاد ينشد المهم ايام الامطار الغزيره اتوقع انه عام 1416هـ
جتني فكرة جنونية جاني المدرس قلت ياستاذ السيل دخل في بيتنا وشال معه الكتاب هههههههههههه انا داري انها مامشت عليه لاكنه تسامح الله يجزاه خير ويسامحني ويتوب علي
واتذكر ايام المتوسط
المتوسط اول مره نلبس شماغ ومتورطين معه مره المرزام تحت ومره يمين ومره يسار مايصلح الشماغ بدون عقال هههه
كان معنا شباب الله يهديهم اشغلوا الطلاب ينسلون اشمغتهم وكنت انا اخر واحد واضحك عليهم يوم ان اشمغتهم متنسله وملبد وراء والشباب شغالين بالتنسيل وانا اتابع من ابعيد واضحك لاني امن شرهم لانهم قدامي المهم رجعت مره للبيت لقيت شماغي مافيه ولا خيط احمر ههههههههههههه مدري وشلون نسّلوه و من بعدها وانا ماسكت عن الخطاء
الله يذكرهم بالخير
واذكر انا كنى نروح للمدرسه على باص سوداني يجينا الساعه خمس في عز المربعانية والله ويسرى عليه واحد من الطلاب وينسم كفراته الاربع ههههههههههه ونغيب هاك اليوم
بس شقاوتنا ببرائه لا نفكر بتبعات الامور مهما كانت كبيره

الذكريات واجد ياخوي والله انها احسن ايام حياتي الله يذكر كل من واجهته تلك الايام بالخير

وتقبل تحياتي

هههههههههههههههههههههه .

أثرك كنت تحفة يا أبو دبيس . :D .

وما خفي كان أعظم بكل تأكيد .

[عبدالله بن دبيس العتيبي]

هههههههههههههههههههههه .

أثرك كنت تحفة يا أبو دبيس . :D .

وما خفي كان أعظم بكل تأكيد .

الله يسلمك ياخوي قادح شرار

انا على الاقل ارحم منك ههههههههههههه

انت مسوي فيها مفاعل ابو شهر في المدرسه :D:D:D
الله يستر على منتدانا من تفاعلك ياخوي قادح بس عطنا مواقف ثانية غير الانفجارات خلنا نضحك منك شوي ههههههههههه

في انتظارك