خليفة مطلق بدون امر,,,,

[الصاطي,,]

مسا الخير للجميع





مرحبا في مرحبا والحر يفهم بالأشاره= لو يمين الشاعر ابن عون تلزم في سبوقه
الذهب والماس مابعناه في سوق الخساره= مار انا شوف العرب مدت ايديها دون سوقه

[معجب العتيبي]

الله الله يالساطي

مبدع كعادتك

صح لسانك ولك رساله خاصه

شكرا

[خليفة مطلق]

اعتقد انني قلت لا العب مع شاعر مجهول يالصاطي
وكلمة بدون امر احرجتني كثيرا كثيرا لذلك نمنحك الفرصه:)
دقايق

[خليفة مطلق]

البقاء والدرب مانجهل يمينه من يساره=والبعير ليا عصانا بالعصى نقدر نسوقه
الذهب مايجلبه في السوق غير اهل التجاره=والمحرّج لو لقاله شي في حثله يحوقه

[المعتصم بالله]

الله الله

ابداع يستحق المتابعة

[الصاطي,,]

فيك خير وفيك شر ومشتري بشت الأماره=ولاماره تتعب الرجال وتنشف عروقه

مار لاتقعد تمس الثوب وتصلح زراره=خاوني نقلط على الكرمه وذوق اللي نذوقه

[خليفة مطلق]

بشتنا ماهو سلف والا عطيه واستعاره=يفتخر باللي شراه وصار بين الناس فوقه
خوت الاجواد للاجواد نحسبها نماره=والخوي ليا عطانا حقنا ياخذ حقوقه

[الصاطي,,]

يوم جاك الزاير اللي ماحسيته بالزياره= ليش ماقلت الجبل مسكون والأرض امحروقه

ودنا بكره على روس اليهود نصب غاره=لايخيفك جيشهم لو جاك وروس امحلوقه

[قادح شرار]

يوم جاك الزاير اللي ماحسيته بزياره= ليش ماقلت الجبل مسكون والأرض امحروقه



هههههههههههههههه . :D

صح لسانك يالصاطي .

متابع وأعاين ...............

[ابو بندر]

صح لسانك يا الصاطي
ولايهون خليفة مطلق
مبدعين وبيض الله وجيهكم
هاذا الفتل والنقض ولا بلاش
متابعينكم لين النهايه
قواكم الله

[الصاطي,,]

ابو بندر




متابعتك شرف لاهنت

[الصاطي,,]

قادح شرار




متابعتك شرف,,, طال عمرك

[عيد العازمي]

عز الله انكم شعار كباار


صحت السنتكم

[خليفة مطلق]

بالزياره مانخص الا كريم شب ناره=وان غزينا نخلي إمراح العرب ضينه ونوقه
واليهود ودارهم والله لاخليها خباره=وان طلع داب الخباره خطت بالمخيط شدوقه

[الصاطي,,]

راحت الدنيا باهلها ياخساره ياخساره= قالها شاعر عتيبي يطبق ذوقي وذوقه

اترك الصندوق وركب مع خويك فالغماره= يوم عارض نوء صيفٍ تجذب الساري بروقه

[خليفة مطلق]

جعلها مرواح مطلق يوم راح وكب داره=مابقي غار إعلمه في كف رجلٍ مايبوقه
الونيت اللي معك من دون رخصه واستماره=وان لزمك العسكري كلبشك جعل الله يعوقه

[الصاطي,,]

انت من سرعتك يا سواق جاوزت الأشاره=والبلا من قل شوف العين والرجل السبوقه

ما تبا تعرف نبيك لين يسقيك ابغضاره= فالنهار اللي ماتدري عن غروبه من شروقه

[خليفة مطلق]

انته اللي معترض لو صدّر الجندي قراره=وان صدمتك سوقك المطلوب والله مانسوقه
لاتقوله لين تسمع صوتنا فوق المناره=خابرك صوت الفلاح اليا ارتفع عينك دروقه

[الصاطي,,]

وش مع الجندي قرار وش مع الجندي شطاره؟؟= اختلف ميزانها يوم النخل ميل اعذوقه

احسب انك رحت للمسجد واثارك فالعماره= اتهى فرض الصلاه وراح مايمدي لحوقه

[خليفة مطلق]

صح لسانك يالصاطي
سعدت بمجاراتك
وتصبح على خير

[الصاطي,,]

صح بدنك ياخليفه


انت من اهل الخير




تحياتي لك