نــــــاصـــــر المــــرشــــدي , واللقاء الأولي .

[قادح شرار]

ناصر المرشدي يالربع أبمزح عليه = يوم قابلت شخصه فاللقاء الأولي

ناوي أشب ناري ثم أقوم أشتويه = يوم طب القدر والقدر يغلي غلي

[ناصر المرشدي]

العب العب وكلِ يستر اللي يجيه= بين مخرج مقل وبين مخرج ملي
مايعرف الحرار الا الفطين النبيه=وانت لاجيت ابا اوصفك مالك حلي

[السبيــــعي]

ناوي أشب ناري ثم أقوم أشتويـه
يوم طب القدر والقدر يغلي غلـي

صح السان قااادح


العب العب وكلِ يستر اللي يجيـه
بين مخرج مقل وبين مخرج ملي

صح السان المرشدي

>>>متابع

[قادح شرار]

أستاذي الكبير ناصر المرشدي , يمكن إني أتغيّب نص ساعة أو ساعة لظرف خارج عن الأرادة , وبرجع بعدها طال عمرك .



جايك العلم كله كانك بتحتريه = يمكن إني هذا الليلة بذكي طلي

أبك أنا من حلايا ناس بيض الوجيه = منزلك تعرفه وأعرف ترى منزلي

[عيد العازمي]

مبدع ياقادح

صح لسانك


ناصر المرشدي اسم غني عن التعريف


طلتك يوم عيد والكل يرغب الاستفاده منك صح لسانك

[ناصر المرشدي]

خذ راحتك




انتبه لاتضيّع كورتك يابليه=لو بليت الملاعب قيل يامبتلي
فيك راعه وقلبك ماخلا فيه فيه=بس ما قول غير الله يسامح علي

[بندر المرشدي]

قادح شرار

ناصر المرشدي


صحت السنتكم واصلوا