أنت شــــــــاعر .. تفضــــــل..

[بندر المرشدي]

أخواني نضع بين ايديكم فكرة لأول مرة على حد علمي تطرح في هذا

المنتدى علما بإنني قد رأيت احد المنتديات قد قام بطرحها وهي ليست

جديدة بل كانت متدوالة في سوق عكاظ بين الشعراء من ايام ماقبل

بعثت الرسول عليه الصلاة والسلام...


الفكرة هي كمايلي: يقوم شاعر بطرح بيت شعري ويرد عليه الشاعر

الآخر ببيت آخر لايشترط في الرد ان يكون على نفس القافية ولا البحر

ولا حتى المعنى.. فقط تكون بداية بيت الشاعر الثاني نفس الكلمة التي

انتهاء بها بيت الشاعر الأول.

مثـــــــال:


يازين انا فكري معلق بطيفك=والقلب دايم يالغلا مشتغل (فيك)

فيكون الجواب من الشاعر الثاني مثلا:

(فيك) ما سيرت يادرب الزلق=واشهد اني ما عكست الاتجاه

وهكذا الشاعر الثالث يبدا بـــ (الاتجاه).....

ملاحظة: بعض الشعراء يشقر الكلمة التي انتهاء بها زميلة فيكون رده

مميز

[بندر المرشدي]

وهذه البداية




البيوت النادرات الشرد.. في ضميري جالت= ياولد وسم وانا بوسم .. فالبيوت الشرد

[ناصر المرشدي]

الشرد اللي تتعب كل قناص=ان كان ماجيبها ليه القناصه

[مرزوق حمدان العتيبي]

القناصه مهنة ٍ للرجال الطيبين = واقتناص الطيب سلم الرجال الوافيه

[بندر المرشدي]

الوافية ما مدها غير وافي=من دونها تقصر يدين الرديين

[محمد العتيبي]

الرديين عيشتهم تراها ذليله = عش حياتك بعز وموت ولّا بلاشي .

[عبد المحسن الحلحلي]

بلاشي ما كسبها غير لاشي= قصير اليد مقلوب السريرة

[معجب العتيبي]

السريره علمها عند علاّم السريره=وانت يالمسلم تحيزم لها واحسن لها

[عبد المحسن الحلحلي]

لها في القلب منزال ومكانة=حديثٍ صادقٍ من قلب صافي

[ذيب النفود]

صافي لغيري بس إلي منت صافي=الله لايعطيك سلطة على الناس

[معجب العتيبي]

الناس لو تملك على الناس سلطه=صار الوضع بالحيل يافلان منحاس

[عبد المحسن الحلحلي]

منحاس حال اللي من الهم منجوم=يخايل بروق الفرج والفرج ضي

[ذيب النفود]

ضي عيني دون شوفك ما أبيه=يا طراة الروح ياروح الضبي

[عبد المحسن الحلحلي]

الضبي لا شاف صياد الضبا=ذب وعر الدرب والصياد ضاع

[ذيب النفود]

ضاع الوفا ياصاحبي بين الأحباب=ماتصدق الكلمة ولايصدق القلب

[المرشـ ساطي ـدي]

القلب شال الحمل والحمل كايد=حمل الهموم مشيبات الرضيعي

[عبد المحسن الحلحلي]

الرضيع إليا فقد من يرضعه ويشد عوده=ما وقف مثل الذياب اللي تكوسر في عواها

[مرزوق حمدان العتيبي]

عواها على المرقاب مع هجعة الناس = ذياب ٍ على الذرعان تاخذ عشاها

[عبد المحسن الحلحلي]

عشاها شعاة الكون شوخٍ ترد الراي=لنا من قديم الوقت بالضيق ننقلها

[معجب العتيبي]

ننقلها بيمنانا ونعرف هدفها=ولايخطي المقصود منهو عرفها

[بندر المرشدي]

عرفها مايعود=ياعرب كارثه

[سلطان شلاح الغنامي]

كارثه تنسى رفيق(ن) يودك من سنين = ليه نكران الغلا يامهابيل الغلا

[متـعـب المهيدلي]

الغلا في الحديد وفي الشعير = صار سعره مثل سعر الذهب

[معجب العتيبي]

الذهب مايلبسه غير الصغير من البناتي=لو تشوفه فاليدين وفالصدور اختل حالك

[ضاامي وفااا]

حالك ومالك وماتمكله يمناك
دون الوطن ياصاحبي بادربها

[عيد العازمي]

بادربها توبه ترى العمر محدود = لاتامن الايام تطوي رشاها

[المرشـ ساطي ـدي]

رشاها صانع العمله معاملة السعودي نت=وهالحين اتصال السلك واللا سلك مجاني

[فهد صقر الغنامي]

مجاني القدس راحت عند شارون= وحنا نقول الفلك مابه سوانا

[ذيب النفود]

سوانا ما يقارب مستوانا ولايدري بما تحوي سمانا=ولكن ياصغير السن بدري توقف جنبنا وألا معانا

[بندر المرشدي]

معانا من تصفح منتدانا=ذكرنا بالوفاء في كل حزة

[ذيب النفود]

حزة وجودي فيك يامنتدى الطيب=مامثلها الا حزتي مع نياقي

[عبد المحسن الحلحلي]

نياقي شعاف الجن سودٍ كما الضلعان=ووسم العصيمي فوقها عالي الشهرة

[ابن صنيدح511]

الشهره ملك لاهل الطيب واهل الكرم=ربعي عتيبه الهيلا كعام العدا

[ذيب النفود]

العدا سود العيون اللي بلا ماويه ======= ماتراعي لهفة العاشق ورهف إحساسي

[احمد الزايدي]

أحساسي المرهف أشقاني وعذبني=وأن قلت سالي فلاني والله بسالي

[ذيب النفود]

سالي عن العالم ولا اسمع ولا اشوف=ألا عن المحبوب مانيب سالي