سلامي بعد ماغبت لي عدة ايام

[رفيع المنزل]

سلامي بعد ماغبت لي عدة ايام= سلام الرجال اللي تعز الرجالي
ترى اللي يوقف بالمواقيف ينلام= ليا صار ماله بالمراجل مجالي

[الصاطي,,]

هلا مرحبا ترحيب والدرب قدام= وحنا نعزك يا كريم السبالي
كثير العلوم الأوله دربها شام= وغير العلوم علوم يا هملالي

[السبيــــعي]

هالله هالله
صح السنتكم ..يالصاطي ورفيع المنزل

متابــــع <<<<<<<<<<<<<<<

[رفيع المنزل]

يدوم البقا وابشر بتقدير واكرام=مدام بوجودك كل درب استوالي
تبي تاكل المقسوم والرب علام=ولايرتكي للحمل غير الجمالي

[الصاطي,,]

يدوم البقا وابشر بتقدير واكرام=مدام بوجودك كل درب استوالي
تبي تاكل المقسوم والرب علام=ولايرتكي للحمل غير الجمالي




حضينا بتقدير العرب كل الأعوام= حجازي على ساسي وصدري شمالي
مقاسيمكم ماهي لنا يابني يام=لكن اكتبو غير المقاله مقالي

[رفيع المنزل]

ونعمين ياراس ٍ على الطيب جزام= لو انك ماتنطح في حيود الجبالي
تحر الخبر ياصاحبي عبر الاعلام = ليا منـــّـــــها دارت عليك الليالي

[مرزوق حمدان العتيبي]

..
.
رفيع المنزل وصاطي
لله دركما ... نأمل المواصل .. من اجل نستمتع بأبداعكم ..
كل الشكر
......

[الصاطي,,]

تدور اليال وتختلف كل الأرقام= وهاذي من المولى عزيز الجلالي
انا مسلم ماشي على دين الأسلام= ورجل عتيبي حيلتي دون حالي

[رفيع المنزل]

قل الحمد لله لاتمادى بالاحلام=مادامك من اول ماوصلت المنالي
تراني مااذم اللي يردون الاخصام=لكنّ ابن وايل ماعليه احتيالي

[الصاطي,,]

قل الحمد لله لاتمادى بالاحلام=مادامك من اول ماوصلت المنالي
تراني مااذم اللي يردون الاخصام=لكنّ ابن وايل ماعليه احتيالي



اعرف الحقيقه وعرف علوم الأوهام= وانا في سنام العز فـ اول وتالي
وانا كيف اذمك ونت ابن ناس وكرام= عسى مايميل غير شق العقالي

[رفيع المنزل]

انا انصحك تخلص لله بحج وصيام=لاصاحب سمو ولاانت صاحب معالي
ابشرك مانسعى ورى مدح الاقوام=وبيت ٍ جويد الساس ماله زوالي

[الصاطي,,]

صح لسااااااااانك يارفيع المنزل




تشرفت بالعب معك يا مبدع

[رفيع المنزل]

وانا كذلك تشرفت باللعب معك


تحياتي لك وللجميع